#هبه عبدالرحمن
#الحنين
اللهـمّ لآ تبتلـينا بمـآ لا نستطـيعُ عليه صـبراً..
💛🍂
#الحلقة ال6
#صباح اليوم البعدو فاطمة صحت بكل نشاط 💃ولبست من اللبسات الجديدة عشان هي وجاسر 😌ماشين يقدمو للجامعه💃💃وعملت حبه ميكب لانو هي م بتعرف تستخدم الحاجات الكتيره الجابهم ليها جاسر 😂😂بس عملت روج وكحل واكتفت بكدا وهي اصلا جميلة م بتحتاج لميكب 😭💕
ونزلت تحت لقت جاسر قاشر قاشر لمن ماف طريقة💕😂 هو دايما قاشر لمن من دون الايام قاشر شديد😂😂😂
جاسر اتلفت داير يشاكلها عشان اتاخرت بس اتصدم 😌💕
جاسر :(ماله بقت سمحه شديد كدا 😂💕)ما ممكن انتظرك مية ساعة😌
فاطمة :انت مالك مستعجل اصلا😏
جاسر :انتي قايله انا م عندي شغلة غيرك ولا شنو 😏
(جبهتها ي جاسر م ممكن )😂😂😂😂😂
فاطمة :والله لو م فاضي ممكن تخليني انا بمشي براي وصف لي بس😌ما مجبور توصلني 😌
جاسر :لا حبوبه قالت لازم انا اوصلك واقدم ليك ✋(حبوبه ي كضاب 😂😂😂لقاها حيلة المعفن )
خلاص يلا يلا امرقي
وطلعو مشو.محل التقديم وقدمت وبعدها جاتو مكالمه من حبوبه 💕اها ي ولدي عملتو شنو
جاسر:قدمت صيدلة جامعة الخرطوم
حبوبة :خلاص الحمدلله💕😀 يلا تعالو البيت خالتك دي اتصلت وهي وبتها جاين من كندا بكرا تعالو نجهز البيت ليهم 😁
جاسر:(لا حولا ليان المعاطة جاية (طبعا ليان بت خالتو من زمان بتحبو وهو م بحبها وهي متمسكه ليك بيهو بت زي اللبانه. هي ما سمحه شديد لكن انيقة.💄👗جدا جدا ومن الطبقه الخنفشارية ونظيفه عامله زي المراية 😂😂😂💕💕)خلاص تمام ي حبوبه جاين
جاسر :فاطمة قبل نرجع البيت نمشي نفطر ف مكان 😀
فاطمة :لالا البيت بس
جاسر :والله انتي حره لو م عايزة تفطري انا غايتو جعان م بقدر انتظر لمن امشي البيت ✋
ونزل مطعم فالطريق وفاطمة م فضل الا تاكلو بعيونها تشيل وتحمر ليهو 😂😂😂وهو ولا اشتغل بيها حقار خلاص نزل طبعا تنقش تنقس نزلت وراهو
جا يطلب االااكل اها ي فاطمه عايزة تاكلي شنو😏
هي م دايرة اكل 😌
جاسر:شوفي ي زولة انا م ح احنسك
وطلب اكل لنفسو ولا اشتغل بيها الشغله 😂😂😂
جا الاكل وهي كانت جعانه لكن م قدرت 😂😂😂😂😂
وهو اكل وطفح زين وقام قال ليها يلا وهي مغيوظة منو غيظة
وصلو البيت دخلو حبوبه قالت ليهم خليت نيرمان.(الشغاله حقتهم )تحضر الاكل وانتظرتكم يلا ناكل
جاسر: انا اكلته ي حبوبة
لكن فاطمة ما اكلت وقعدو هي وحبوبه يتونسو وياكلو
وهو طلع غرفتو وبقى يفكر فيها وفي انها طفله وفي تصرفاتها ويضحك😂😂😂💕💕ونام
#صحا على صوت حبوبه ي ولد نايم للوقت دا قوم خلاص انت كفاك يلا شوية حاجات ناقصين امشي جيبهم للبيت عشان ناس خالتك جاين بكرا وجا ماري بالصدفه جمب غرفة فاطمة والباب كان فاتح وفاطمة بتسرح فشعرهاا(م طويل وما قصير ولونو بني حلو شديد💕💕 )وشاف شكلها سرح فيها شوية
بعد شوية انتبه لنفسو قال دا شنو الانا بعمل فيهو دا ونزل مشا وفاطمه وهي بتسرح شغاله تقول دا شنو الغبي دا حيوان ياكب ويخليني 😏واحد متخلف وقال شنو قال انتي قايله م عندي شغله غيرك وبتتذكر كلامو معاها 😂😂😂وتشيل وتبذ فيهو وقالت انا متعبه نفسي لي مالي ومالو😅🤔💘💘
وكملو الحاجات الناقصة وجهزو البيت واليوم التاني مشا جاسر جاب خالتو وليان من المطار
خالتو :جاسر حبيبي اهلين كيفك وكيف عاملين والسودان
جاسر :حمدلله عالسلامة ونورتو💕💕
ليان :(عامله صوتها المايع دا هبله خلاص 😂😂😂)(حلبية وملامحها جذابه لكن. هي م حلوه شديد زي فاطمه لكن لبيسة ونظيفه)بنورك ي جاسر 💕💕
ووصلو البيت وحبوبة رحبت بيهم وشوية فاطمه جات نازلة
خالتو وليان بقو مستغربين دي منو دي
حبوبة :تعالي ي فاطمة دي بتي حنان ودي بتها ليان ودي فاطمة بتي الما ولدتها ي حنان 💕💕 جاتني فوقت قاعدة فيهو براي لا انيس لا ونيس وعايشة معانا ليها فترة
ليان :(تشيل وتعاين ليها وتقلب فعيونا )
خالتو :اهلين وسلمت عليها بطرف يدها
وليان نفس الشي. وطلعو يرتاحو وحنان ساقت حبوبه وبقت تسال فيها قصة اببت دي شنو وحبوبه حكت ليها وحنان قالت ليها كيف تدخلوها عليكم وضمنتوها كيف وما لازم تثقو فيها شديد
حبوبة :حنان م تناقشيني فالموضوع دا
وبالصدفه فاطمه سمعت كلامهم وبقت تبكي 😭😭😭
جاسر جا ماري وشاف فاطمة بتبكي.بي لهفة مالك فشنو ي فاطمة😭
وفاطمة حكت ليهو عن كلام خالته وقالت ليهو انا حمل عليكم؟:
جاسر :اي حمل عذبتينا 😂😂😂
فاطمة :خلاص من بكرا انا حمشي 😭😭
جاسر :والله بجد انتي هبله وطفله وبقى يضحك بصوت فاطمة مسحت دموعها سرحت في ضحكتو 😌 مسافة قاطع سرحانه اسمعي ي فاطمه انتي ليك زمن معانه وبقيتي مننا وفينا وكلام خالتي دا كانك م سمعتي ولا تشتغلي بيهو اصلا هي كدا
وهدها ومشا وهي دخلت غرفتها ومسكت دفتر وقلم بدون م.تحس لقت روحها بتكتب :
ذَاكَ الإسَمر عينَاهُ كاللؤلؤ تبرق ابتسَامتهُ تُدخِل السُرور لقلبي. كَلِماتهُ لا مثِيل لها مُنذ رؤيته انطَبع ذاك الوجه بذاكرتِي ولا استطِيع نسيانهُ لستُ ادرِي لماذا اُفكر بهِ كثيرًا اهذا هو الحب؟؟💜🌸 وقفلت الدفتر ع كدا ونامت (ياربي فاطمة حبت جاسر )
#ونقيف هنا 😂
