♂💙: امنه الاسدي :
اركان : كتله خل نفر هنا شويه بكلبي عل الاقل ضلينه وحدنه الحلوه اجهزتنه ثنيناته خلصت شحن كيفت لان كل مااصير لحضه يدك جهازهه ويخربه😂 طبعا هيه خايفه وعاصره ايدي وتمشي حيل ركض كتله هو انتي تعرفين.وين رايحه تسكت من خوف فديته جريته بأتجاهي بقوه كتله تمام امنه اهدي راح نلكه حل لاتخافين اني وياج وضلت بس صافنه بوجهي وتريد تبجي 😂 تبجي فدوه لكلبج لاتبجين مااتحمل اشوف دميعاتج 😣
امنه: طبعا بعد الحادث اركان ولايمه يتمضحك ومكيف واني كاتلني الخوف صار دنيه ليل واحنه مانعرف وين احنه اوووف طمني. اركان من حجه وياي وهديت شويه بس جنت اريد ابجي بس صبرت عل نفسي، ،،،،،،،،
اركان: صار ليل وماكو اي مساعده ولاسياره تمر والاجهزه طافيه صار الموضوع جدي قررت مندخل لجوه اخذت ايد امنه وضلينه نسولف فجأة سمعنه صوت جلاب صيح امنه خافت كتله تخافين من جلب ولله ياالله اباوع وراي كومه جلاب جيوش وركض اني وياهه واحد كامش ايد ثاني ورركض 👫 صار ويانه فلم اخرته وين تتوقعون رحنه صعدنه شجره شويه مو كلش عاليه وضلينه فوك معلكين حته ميوصلونه الحلوه صرنه بأمان وامنه تعيب عل جلاب متوصلونه هه كتله هسه يطفرون بوجهج تاليه خافت كعدت راحه شويه، ،،،،،
امنه: مو طبيعي فلم صار ويانه ولله متت خوف دور راحوا الجلاب نزلنه عل سريع للسيارة صعدنه بيه. ومادريت بنفسي بعد ،،،،،
اركان: رحنه للسياره نرتاح خو مانضل معلكين فوك رحنه اول ماصعدنه ماشوف اني احجي. وي نفسي امنه غافيه باوعت لهل ملاك نايم ولعبت بشعره وضليت صافن عل ملامحه 😇 تهبلل من فديته، ،،،
امنه : كعدنه صبح وفجأة مرت سياره وكفناهه وطلبنه ساعدنه وماقصر صاحب سياره وصلني اركان للبيت وراح وي الرجال وكلي نتواصل 😘 دخلت وجانن البنات ميتات عليه خوف وحجيتلهن القصه ومامبيه وضلت فاطمه دردم عليه مثل امي اذا ناسيه ليش جربين وكذا، اموشاتي حياتي:
ايات: بعد مارجعت امنه الصبح وطمنتنه انو هيه مابيه شي جان يوم جمعه وعطله خابرني كرم وكلي نطلع اني وياه للالعاب و دزلي الوقت وكلي اب هيج ساعه انتضرج بل باب مات الشقه كتله اوك اتريكت وامنه نامت ونضفنه اني والبنات الشقه حد ماصار اليل بدلت لبست فستان لون زهري من فوك ضيق ومن جوه عريض ويصير قصير ولبست شوز رياضي ابيض و شعري سويت بي فيكه بسيطه وطبعا اني مااحط مكياج بس هاي المرة حطيت خفيف مجرد ايلاينر حته يبرزن اعيوني اكثر وحمرة لون زهري ودكلي عل موبايل انو هوه جوه ودعت البنات ونزلت ابسرعه.
كرم :خابرت ايات وطلبت منه انو نروح للالعاب وكلتله عل ساعه ومن وصلت دكيتله عل موبايل وهيه نزلت وجانت طالعه اتخبل فديته 😍 اجتي للسيارة وفتحت الباب وصعدت كتله هلووو حب ماكو بوسة 💋.
ايات:. ها بدينه انزل
كرم : لا عليمن اتنزلين هاهيه مااريد قحط 😑
ايات: كرووومي زعليت
كرم : لا مازعلت
ايات : احسن يله اشويه اسررع
كرم : ها هيج تردين
ايات : لا لا خفف خفف اتوبه بعد اذا اكلك اسرع ولك بعدني اريد اشوف حياتي واصير دكتورة يمةةة مااريد امووت خفف خفف 😭😭
كرم : ههه ايا جبانه يله هاهيه خففت.
ايات :بعد ماوصلنه شفت اكو كومه ولد كلت رحت بيهه.
كرم : ايوته حبي 😍 اتي تدرين بيه اغار عليج
ايات : (اهووو الله يستر مادام بيه حبي ابگلبي احجي ) اي حبي ادري بيك
كرم : لعد متخلينه انظل كاعدين بل سيارة
ايات :😩 خير سالمين خو ماكو شي كوم انزل كوم شوف هاي امت محمد كله بس اني حضرتك اتغار معليه اريد انزل واصعد بل لعبات هم.
كرم : نزلي يلة بس مااضمن شسوي للي يتحارش بيج نزلنه واني طالعه روحي لان كلهم شباب املطلطين المهم رحنه لعبنه اب العاب حلوه ومن خلصنه كتله ماجعتي كالت اي جعت كتله يله روحي كعدي عله ذيج الطاوله بل كافتريا واني اشتري واجيج .
ايات :بعد مانزلنه ولعبنه اب العاب حلوه جعت كلي ماجعتي كتله اي جعت رحت داكعد عل طاوله وهو راح يشتري واشوية وطبو اثنين شباب واكعين من السطح كعدو وراي وبدو ايذبون حجي واني ادعي كون ايسكتون لان اذا اجه وسمعهم يرحون بيهه وهمه عيني امبيني اشلونهم اثنينهم من ذوله جماعه ماما غطيني وين كرومي حبيبي لاعب حديد 💪 واشوفه اجه من بعيد وخازر هسه اته شفتهمت وخزرت هففف راح تعلك وصل للطاوله وكلي ذول الوراج ليش ايباوعون ويحجون كتله هيجي ماكو شي امشي تاانروح ناكل برة اختنكت مااريد اهنا كلي اي تدللين بس خل اعلم ذوله ويامن جاي يحجون اني خليت وكعدت وهوه راح الهم.
كرم :واني واكف اشتري شفت اثنين شباب دخلو للكافتريا ماعجبوني عفتهم كلت شعليه يابه واشوفهم اتوجهو للطاوله الي كاعده بيه الحب وكعدو وراهه واشوفهم يضحكون ويباوعوله ويحجون رحت حاجيته ورحتلهم كتلهم كافي بعد لتحجون واتضايقوهه غير ماردت استعمل العنف شو ذول كالولي.
الشباب : اويي مامي ميقبل نحجي ونضايقه ههههههههه
كرم :اني لزمتهم اثنينهم وبوكسيات حد ماخليتهم يتقيئون دم
ايات : من حاجاهم كرم وهمه ظح
كو لزمت گلبي لان يتخبل اذا حجه وواحد ظحك واشوفه لزمهم دگ بوكسيات ? ♂💙
? بس من كتلهم شفت واحد اتسحب من بين العركه وطلع ورة اشوية شفته اجة ووياه ثلاثه اضخام وكامشين حدايد بيدهم اني رحت ركض ال كرم وكتله كرم اركض ذول اجووووووي اهوووواي هوه كمش ايدي وركضنه وجان دنيا ليل وهمه ورانه ايركضون
انتضروووو في التكمله حته اتعرفون اش صار ويه كرم وايات؟ 🌹
انتهى البارت الثالث عشر😘💋
أنت تقرأ
خمس صديقات من اجل واحده والواحده من اجلنا كلنا 😍
Adventureقصه تحجي عن بنات يدخلن الجامعه وتبلش قصتهن الي غير كل القصص اكيد حابين تعرفون ليش اختارينه هل عنوان للقصه بس بلبارتات جايه راح تعرفون اخليكم وي القصه حبايب كلبي 😊😉
