#منذ_نعومة_أظافري 💅🏻✨💕
#الجزء_الثالث_عشر
روضة اطفالنا وابطالنا الحلوين انتهت😪💔..
انتهت ايام الضحك وايام اللعب والمقالب والحركات والاستهبال💔..
بقت الذكرى الجميلة✨♥..وبقت بسمة البراءة الوقفت قدام اي شي♥✨
وبقى القلب الابيض النظيف البحب لغيرو زي البحبو لنفسو♥✨..
---------------------
اطفالنا الحلوين رجعو بيتهم بعد اول تخريج فحياتهم وبعد اول خطوة ليهم للحياة🌍🖤..
رجعو وهم مبسوطين😂 ومتحمسين وتعبانين فنفس الوقت😂💔🚶🏻♀ طبعا اشترو فريمات شهاداتهم علشان يعلقوها♥ وكل م يشوفوها يتذكرو💖
رجعو وكانو شايلين هم الفراق..وهل على قولتهم "حنلادي بعض تاني💔😭!؟!!"
--------------------
صراحة اهلهم م قصرو وكانو بين كل فترة وفترة بيطلعوهم للمنتزه او الحديقة ويتقابلوو💃🏻🙈♥
بالذات علي ✨ رامي✨ لينا✨
وزي ماعارفين انتو لينا ورامي تؤام😭💕💕وبالرغم وبالرغم منعناد رندا (ام رامي انها ماتسمح ليهو يشوف اختو لينا بس دايما رغبة رامي بتمشي وبراءتو بتحنن قلب ابوهو وبخليهو يمشي ✨💕وف الاخر رندا بتضطر تسوقو ✨
مرة كالمعتاد كان جمعة..
رندا ونهى ومروة اتفقو على طلعتهم وكيف حتكون تجهيزاتهم🌚🍞🥖🥨🥮(طبعا عندهم قروب من ايام الروضة حقت الاولاد)
طلعو والاولاد كالعادة كانو مبسوطين ومتحمسين شديد
عائلة لينا ورامي وصلو في نفس التوقيت 🚶🏻♀اما علي اتاخر شوية🙃
رامي:لييينا مثتااقين♥♥
لينا:راممممميييييي" بتقول كدا وهي بتنطط"💃🏻💃🏻🙈
ثححبي ثحبي مثتتادين يا ذول😂🤟🏼
رامي:ذول دي ذبتيها من وين يا ثافعة 😒ااانتي دايلة روحت خلاث يعني تبرتي عثان تلعتي من الروضة😂
لينا:وااانت مالت"بتتمتم" بعنب انت حثة تبير مثلا😒😂🔪
يا اولاد طيب خلونا نقع اول بعد كدا كملو نقاشكم😂
"ام لينا قالت"
ام رامي:مش بالله رجولنا دي وجعتنا عديل كدا (بالرغم من توتر العلاقة بينهم ..الا انو واقععع علي دي وعلي دي انها ماتحرم اخ من اختو✨)
رامي :-الح الح يلا نمثي ننللععب🎢🎡
لينا:هيييه هيييه نلععب نلعععب💃🏻
رامي:-ماااااما عااايذين نثتري تورة"⚽رامي وهو جاي جاري من هناك🏃🏽"
رندا :-ياولد يعني كل م نجي هنا تشترو وفالاخير تضيعوها😂😒🤦🏻♀
رامي:-والله اخر ملة اخخخر ملة
امو:-استنى كدي ارد عالتلفون دا اول 📲
دي شكلها ام علوش عايزانا نوصف ليها محلتنا
رندا:الو ازيكم وينكم بنعاين ليكم👀
مروة:اي وصلنا خلاص انتو وين قاعدين
رندا:جمب...وصفت ليها محلتهم
طببعا جا علي من هناك واول م شافهم الجري والاحضان على رامي ولينا♥♥
وطلع جايب معاهو كورة على حظهم😂🏃🏿💃🏻
ام رامي:يلا امشو العبو هدا علي جايب كورتهم
واثناء لعبهم..
لينا مشت منهم تتمرجح
شوية كدا سمعو صوتها بتبكي😭
جوها جارين
فيي ثنو مالت مالت
البت دييي ابتتت تخليني العب معاها
ودربتني😡
انتتتي ليه تدربيها"رامي وعلي فنفس اللحظة بعد م زحو لينا وراهم💪🏼""لازم طبعا الحركات دي حتى وهم صغار"
انا م كنت قاصدة اجدعها هي
كنت عايزة اجدعها جمبها بس😒
طيب اعتذري منها حثثثثة ماما مودة تانت بتدول الواحد مفروض يعتذر لما يغلط🙅🏻
البت :-انا اسفة بعتذر منك😒♥
كدا خلاص ارتحتو
عاينو ليها كدا ومشو..😹😹✨💕
طبعا الاهل اعجبو شديد بتصرفهم دا♥ وحبذو انهم م يدخلو وخلوهم يحلو مشاكلهم براهم..
وفعلا حلوها
---------------
الاجازة شارفت على الانتهاء
رمضان جا وفي كم يوم كدا منهم اتقابلو
لينا واهلها سافرو العمرة ورجعو🕋
وجا العيد وجا تسجيل المدارث زي م بقولو
رامي وعلي اصلا ولا هظرو واصرو يتسجلو فنفس المدرسة وفعلا حصل كددا
لينا كمان كانت فمدرستهم بس فالقسم التاني♥
وبالصدفة كانت مع جوري
بس جوري م كانت معاها شديد كانت مع شلة اطفال تانية🙃...
غايتو م في زول متعذب غير ابهاتهم اول ايام قبل التراحيل😂😂💔
لانهم بيصرو يوقفو يتونسو مع بعض😂💖
لينا وعلي طلع ترحيلهم نفس الشي
ورامي عمل عماايل لحد م اتسجل معاهم😭😭🔪 فترحيلهم بعد حب وتحانيس..
اطفالنا كبرو ومن سنة لسنة👶🏻👦🏻 ماشين وعلاقتهم بتقوى
كانو بيقرو سوا 📒
ومن ايام ابهاتهم بوقفو ليهم حسة براهم
بيتقابلو بعد المدرسة💖
بيساعدو بعض وفعلا كانو السند لبعض💖💖
كانو متفوقين💪🏼
ولما يحسو واحد فيهم مستواهو اتدهور بيساعدوه وبيقرو معاهو لحد م يفهم☹❤
---------
خلونا نعترف:كككلنا فجوانا حتة بريئة كدا
لكن كل مرة بخش الحتة دي
ناس بسيطة بتقدر تحافظ عليها
واطفالنا كانو من البسيطين ديل..❤❤
اتفوقو وجابو نسب ترفع الراس👏🏻❤
ودخلو الثانوي
اتفرقو من حيث المدارس فقط لا اقل ولا اكثر🙅🏻🙅🏼♂
لكن قلوبهم لسة كانت مع بعض👫
بيتفقدو بعض..
بقى عندهم واتس وفيس وحاجات ولايكات وكلامات كثيرة😂♥
كبرناااااااااااااااااااا😭😭😭😭💕💕💕💕💕💕💕
اطفالنا كبرو..
واتثقفو واتعلمو..
لكن لسة زي م هم💖
لا غيرتهم دنيا ولا بدلتهم💗
ودي الصحبة الصح..
*مش قصة صحبة من الروضة لازم
لكن المهم صحبة*
تلقى البتسند كتفك عليهو لما تميل..
تلقاهو شايل ليك منديل لما تبكي..
تلقاهو هو سبب ضحكتك فوقت سعادتك وسبب بسمتك فوقت زهجك..
يكون ليك بير📩 لاسراركك
بالمختصر يكون انت👫 بس في جسد تاني..
#نتلاقى ...ونعومة اظافرنا مابتلازمنا بنكبر يوم وتبقي اظافرنا ماناعمة زي زمان ..نلقي نفسنا شايلين الهم وعندنا حاجات وواجبات✨💕
ح #نتلاقي ان شااء الله في اخر محطات ابطالنا✨
أنت تقرأ
منذ نعومة اظافري 👶💜
Actionبـسـم الله الرحـمن الرحيم ✨💕 لاول مرة رواية مشتركة شارك في كتابتها 6 اشخاص ✨💕 روايتنا دي اختلفت تمااما عن باقي الروايات في حاجات كتيرة✨💕 زي روايتنا دي لا فيها عشق ولا حب ولا ولا روايتنا دي فيها انا وفيها انت وفيها كلنا 💕✨ فيها الطفولة وفيها ال...
