قاومت حبك و لكن🖇♥️

البارت الاول

قاومت حبك و لاكن♥️🖇
البارت الاول
للكاتبه:شووذي العرفي
اسمي إلين م2000 من منطقه في الشرق
موصفاتي بيضه و طشونه و شعري كستنائي
و عيوني بنيات ♥️🖇
عائلتي
ماما فاطمه م68 مدرسه فنون
بابا سالم م60 عنده شركه نقل
[ ] طبعا انا البنت الوحيده االي ف العيله و معاي شباب و كانو خوتي ميحبونيش الا خوي الصغير كان حنون عليا ☹☹
نعرفكم عليهم
1-احمد م86 و هذا الكبير واعر و عصبي بكل و كان الحكايه بايده راه قتلني من زمان بس بابا مانعه
موصفاته طويل و عريض و عضلات و منضره كيف رجال العصابات عيونه سود حاداات و شعره اسود كيف الليل و لحيته كثيفه و كان يخدم ف البحث الجنائي😨😨
---------
2- علي م89 هذاا نار الله الموقده وين م يتعارك مع وحده من صحباته يجي يهبكني ضرب و يطلع 😒(شن عيله المجانين اهيا)
المهم كان احلى واحد فيهم و يخدم دكتور اسنان شعره كستنائي و عيونه عسلياات حلو لونهم و لحيه تجنن مساويها و جسمه رياضي و نقشه حلو ع الاسمر☹🖇
--------
3- تيسير م93 كان لا يجي شوري لا شي منشوفش فيه بكل كان كل همه الجامعه لان يخدم أستاذ ف الجامعه كان حلو عيونه سود و حنطاوي و لحيه خفيفه و كان عليه ضحكه و غمازه حلوه بكل بس ميضحكش واجد
-------
نادر♥️ م95 و هذا كان حنون عليا و يدافع عليا و ميخليش ف حد يقربني كان حنطاوي و نقشه حلو ع الاسمر و عيونه خضر كيف جدي و لحيته كثيفه ميحبش يحولها و حلوه عليه يقرا هندسه نفطيه و اخر سمستر ليه 🖇♥️
---------
طبعا باقي الشخصيات تتعرفو عليهن ف الروايه 🖇
الصبح 11:30
ماما : نوضي ي بنت هياا بيش نعدو لعيت جدك اليوم جمعه
انا: ماما عدو انتو انا مريضه و منبيش نمشي تعبانه قوليلهم(طبعا عيت جدي ميحبونيش حتى هما و منبيش نمشيلهم)
ماما: باتك تو يزعل نوضي كابري و عدي
انا: ماما القصه مش غصب نا منبيش نمشي لناس ميحبونيش و نا منحبهمش
ماما: اسكتي يسمعك باتك ولا واحد من خوتك يقتلك
و يخش ف هذاكا اللحظه احمد و يشدني من شعري
احمد : شن قلتي ي حيوانه
و بدأ فيا ضرب كفوف و نا نعيط و ماما تحز بينا
احمد : تمشي و غصبن عنك وكراعك فوق راسك فاهمه
انا: هزيت راسي ب اها
و طلع احمد
و جيت ف حضن امي نبكي و نعيط
انا: ليش م يحبونيش ليش احمد يضرب فيا و مش طايقني شن درتله انا 😭☹
ماما: خلاص سلم بنيتي نوضي توضي وصلي و البسي و تعالي خل انعدو م عندنا م نديرو
طلعت ماما و نا خشيت للحمام(حشاكم)
و غسلت وجهي و توضيت و صليت
و لبست افارول دمي واسع و تجاكيت امريكي و وشاح اسود و سبيدرو اسود و شنطه بسيطه ع الخصر سوده و حطيت بارفان و حطيت كريم خافي عيوب للضرب بتاع احمد(كسره ف مكسورته انشاء الله😂♥️)
و طلعت ركبت السياره مع بابا و ماما
و كان بابا يضحك فيا و ماما ساهيه ف طريق و وصلنا الحوش جدي بعد ساعه لان طريق طويله شوي
______________________
طبعا في حوش جدي في حناي و جدي
ناس كبار ف العمر
وعندي عمين و عمه وحده
_______
1 عمتي جميله الكبيره متزوجه محمد ولد عمها و عندها بنتين و وتلات اولاد
١- عبد الله م90 كان ابيض و عيون خضر و لحيه سوده و شعر اسود و جسم رياضي ويخدم مهندس
٢- اسلام م93 كان صاحب تيسير روح بالروح
كان حنطاوي و شعره اسود و لحيته سوده و يخدم ف شركه بابا
٣- موهاد م99 كان جسمه ضعيف بس شخصيته قويه كان ابيض و عيونه سود و يقرا اقتصاد
٤- سناء م94 متزوجه وعندها تؤام ليان و ليليان
٥- عايشه م2000 كانت تقرا معاي مغروره و متحبنيش 😒
__________
2-عمي عبد السلام متزوج حميده و عنده ولد و بنت (كانو كويسين بكل معاي)
١_محمد م82 كان طويل بكل و جسمه رياضي و شعره اسوود و لحيته كثيفهه سوده و عيونه كيف الصقر بس لونهم عسلي و كان حنطي و يخدم محامي كبير
٢_ منار م2000 هذي صاحابتي و تؤامي السمحه طبعا شعرها طويل اشقر و طويله و عيونها خظر
________
3_ ناصر عمي م80 مش متزوج و كان ديما مسافر برا منشوفش فيه
________
المهم وصلنا لقينا العيله كلها ملتمه بس منار مزال م جت سلمت ع عمتي و بنتها فوق ارادتي
و جيت ل حناي بنضبطها تعدي تباعدني انا ضايقني الموقف و طلعت للمزرعه
قعمزت حدا المسبح و قعدت نفكر بصوت عالي
انا: تو ليش كلهم م يحبونيش شن انا جايه بالحرام مثلا بيش م يحبونيش واااك التفكير بياكلني و بياخذني العالم تاني ♥️🖇 خل نخش خير
خشيت و جت منار و هدرزنا و حطينا الغدا
و بعدها نغسل ف العوايز نا و منار و عايشه
انا: شنجوك عويشه
عايشه : متنادينيش عويشه اسم يعي اصلا بنغيره ناديني ويشي😒
انا: في خاطري(انت ويشي هههه و بنغيره اخرى تي انتي اسم مرزوقه خساره فيك)
انا: اها باه شنجوك ويشييي😂
و منار قريب بتموت م ضحك😂😂
بعدها لما كملنا درنا شاهي و طلعناه لحناي بيش تديره ف العاله(جو عزايز ما غباكم)
جت نادت منار و ويشيي😂 دروحه تعلم فيهن و ويشي قالتها : لا ي حناي نعرفش و نبيش نتعلم اعيي جو عزايز
حناي: باه براحتك
منار : حتى نا نبيش نتعلمش (تقلد ف ويشي😂)
و جيت نا قلتلها :حناي علميني انا
حناي: لالا معاش نبي لبيز يلا صبي
انا : ف سري(وجعتني بكل كنت منبيش نكسر بخاطرها انها تعلم وحده فينا بس كسرت بخاطري) ☹☹♥️
بعدها ف العشيه طلعنا للمزرعه و نا كنت نبي نروح مش متحمله نضرات الاستحقار اللي يوجهولي فيها تقول جايتهم بالحرام
جا المغرب و تعشينا و قلت ل ماما نبي نروح و بديت نبكي و هكي ماما نادت بابا و طلعنا
( و ياريتنا م طلعنا☹♥️)
يتبع.....