قاومت حبك و لكن🖇♥️

البارت الثاني

قاومت حبك ولاكن♥️🖇
البارت الثاني
للكاتبه:شووذي العرفي
انا: فتحت عيوني و قعدت نعيط 😭
و فجاءه نشوف يمين يسار انا ف مستشفى و نبدا نفك ف الاحهزه و نعيط جوني دكاترة و عطوني ابره مهدئه و طلعو و نا قعدت ع الحال 6 ساعات
بعدها نضت بهدوء خشو علي خوتي
و كانو عيونهم حمر و شكلهم باكين .
بحتت فيهم نحسابهم يبكو علي ابتسمت و قلتلهم اطمنو م فيا شي
و قالتلهم شن صارلي
احمد: انتو درتو حادث😢
انا: اي صح نذكر انه بابا كان يناشب ف ماما بعدها سمعت عيطت ماما بعدها معاش شفت شي
باه ماما و بابا وين شن صارلهم
عم الهدوء ف المكان😩
انا: شن في خبرووني امي و باتي ويييين صارتلهم حاجه قولووولي و نعيط و لين صوتي انبح😩😢😭😭
بعدها احمد اضبطني و اول مره يدير هك 🤔
و قالي: امي و باتي عند ربي 😭😭😭😭😭😭
و نا :بعدته من عليا وقلت شن تكذب انت تكذبببب لالا مستحييييل انت كذاب و بدين نضرب فيه و جو خوتي يشدو فيااا
احمد: هو يعيط و يقولي و الللهي هلي خلاص ماااااتوو و نزل ع اركابه و يبكي
انا: عيطت لميت المستشفى كلها لااااااااااااااااااا
و اغمى عليااا
و نضت الساعه11:54
أنا: بحتت يمين يسار م فيش حد فكيت السيروم و طلعت من الغرفه
و لقيت احمد و علي مقعمزين ع كرسي جنب حجرتي😩🖇
علي:جاني يجري خيرك فيك شي تبي شي
انا: نبي ماما ي علي نبي ماما
علي: اضبطني و اول مره نحس بحنان الاخ من علي اللي كان 24 ساعه يضرب فيا
علي: إلين صبري روحك راه هذي صدمه للجميع و كلنا حالنا اشر منك بس نتحملو
انا: علي انتو إكبار انا صغيره نبي ماما نبي ماما و بابا توااااا 😭😭 و طحت ع اركابي نبكي
علي: نزل لعند مستواي و اضبطني و صباني و سندني لعند خشيت للحجره و قلتله نبي نقعد بروحي
علي: رقد بجنبي ف سرير 😭🖇
اول مره يدير هكي😭
___________________عند احمد
كان منهار بعد شاف حالتي و حالت خوته و عدا للبحر و بدا يعيط و فتح فونه وشاف صوره و زاد عياط ( صوره منو ي ترا )
________________عند تيسير
كان منصدم صدمه كليه و عدا للجامع طول
و صلي و بعدها قعد يعيط ي ربيييييي لاااا ي ربيييي الشيخ جاه يجري
الشيخ: كنك ي ولدي تعيط ايش فيك
تيسير: ي شيخ نا اليوم خسرت هلي و كان يبكي بعبره
الشيخ: الله ي بني ان احب عبدا بتلاه فاصبر ع ابتلاء الله لك فهو يقيس في قدره تحملك
تيسير: ي شيخ ههلي هذوم كسروولي ضهري ي شيخ
الشيخ: متقولش هك ي ولدي تعذب فيهم تو انت اهتم بخوتك و خواتك و هك هلك حيكونو مرتاحين
تيسير: مسح دموعه و باس راس الشيخ و طلع للمستشفى و جا رقد ف الكنبه اللي حدانا
___________اما عند نادر
اللي كان مش مستوعب الخبر 😭😭
و كان ف الحوش و يعيط كيف العيل اللي الصغير 😭 و محد حاس بيه
بعدها تذكرني و مسح دموعه و جاني ف مستشفى رقد جنب تيسير
جا احمد للمستشفى و رقد ع كرسي
__________
الصبح الساعه 7:00
هذا وين وصل لحناي الخبر
و نضنا نا و الاولد نسمعو ف عياطها ف المستشفى
حناي: وجه النحس كلا منها هي او امها هما قتلو ولدي و تعيط و تخبط و عمتي تزيد ف نارها
عمتي: جتني مسكتني من شعري ي حيوانه ي وجه النحس
و خوتي حولوها من عليا و هزبوها و اول مره نحس بجد انه عندي خوت
___________
عدن ايام العزا 😩😩
كنت ف الحوش بروحي الشباب كل واحد ف عمله
و حناي و عمتي قطعو علاقتهم بينا😩
قعد عمي عبد السلام هو اللي شايل همنا و يزور فينا
______
ساعه3:37 القايله يرن الجرس
طلعت فتحت الباب يطلع ولاد عمتي
انا: و خرت و قلتلهم شن تبو
هما: نبو تار خالنا اللي قتلتيه ي وجه نحس
انا: قعدت نجري جوا لحقوني و شدووني و بدو فيا ضرب قريب قتلوني و سيبوني
معاش عرفت شن ندير جسمي دم و متكسر و مش عارف نتحرك 😣😣
_____
قعدت ع الحاله هذي لين جا احمد ساعه
4:00
احمد: لقا الباب البراني مفتوح الصور محوس و الحوش مشرع و خش للصاله لقاني طايحه بدمي
ببداا يعيط
احمد: إلين إلين إلين ردي عليا و نا مش عارف شن نقول لا نترحك جابلي عباتي و لبسني و ركبني للسياره و كلم الاولد و شالوني للمستشفى
انا: انكسرت ايدي و رجلي و وجي جروح
جبسوني و خش احمد
احمد: احكيلي شن صار
انا: حكيتله كل شي صار
احمد وقف مصدوم هو و خوتي : كيف عيال عمتي
انا:ايه هما معاش تخلوني ف حوش برووحي😭😭😩
احمد: حاظر
_________
طبعن مرت سنه مجوش شورنا
و عمي عبد السلام و مرته ديما عندنا
و منار تبات عندي مرات
و خوتي تحسنت معاملتهم معاي
طبعا بديت جامعه اول سميستر
_________
اول يوم ف جامعه
نضت ساعه7
و درت فطور و فطرنا
احمد: وتي روحك بيش نشيلك للجامعه
انا: حاظر
ضميت السفره و صبيت نلبس
لبست بلوفر ايود و بلوزه بيضه فيها الوان و البنطلون امريكي واسع و سبيدرو ابيض و شاح اسود و شنطه دميه و درت بارفان و طلعت
______
خشيت للجامعه كلمت منار و قعمزنا لين بدت محاضره ثقيله من بدايتها
طلعنا
منار : هي نعدو للكافيتريه🙂
انا :يلا
عدينا لقينا عايشه بنت عمتي مقعمزه مع واحد🤔
و تضحك و ماسكه ف يده و لما شافتنا تخزرطت و صبت
نحنا معدلناش طلبنا و كلينا و طلعنا
جاني احمد روح بيا
____________
كان روتين الجامعه شبه يوميا هك
الي ان جي يوم لقيت فيه عايشه راكبه مع نفس الشخص ف سياره جيتها ننصح فيها دفتني و هزبتني و قلت مدخلنيش هي حره
و تعاودت اللقطه و هكي كم مره
و جتني بنت تبي تتعرف
البنت: اهلا
انا: اهلا شنجو
البنت: تمام و انتي
انا: دوم تمام
البنت: تسلمي نا نسرين ننقرا ثانيه و انتي
انا : إلين سنه اولى
نسرين: تشرفت بيك
انا: لي الشرف
خذت نسرين رقمي و ايميلي و نهدرزو و جو سمح
لين يوم قالتي تطلعي معاي للكافي اللي جنب الجامعه انا هبله وافقت
و طلعنا
و اول م وصلنا تستقبلني ...
يتبع 🙂