احببت قاتل ابي

البارت 4

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
اللهم صلي على محمد وال محمد💕💕

هلو انا اسمي علي عمري 22 سنه
انا عايش وي امي مره جبيره متگدر تمشي
مشلوله ابوي مات بسبب حادث
وبسبب هاذ الحادث امي انشلت 😢

راح احجيلكم كل قصتي
لمن جان عمري 17سنه
خطفوني تجار الاعضاء
بس انا گدرت اشرد منهم
همه اول ما خطفوني
دخلوني لغرفه بيهه شباك
بس جان الشباك كلش بعيد
حاولت ولگيت دولاب
واگع بالكاع صعدت علي
وگدرت اشرد من الشباك
رجعت للبيت لگيت الباب مفتوح
بصراحه انا خفت على امي
خاف صار بيهه شي
دخلت للبيت لگيت
زلم حاطين المسدس براس امي
زعيم العصابه:بصراحه انا من شفتك
حاولت تشرد اتعمدت احطك
بغرفه بيهه شباك حتى اشوفك اذا انته
زلمه لو زعطوط تگدر اتحرر روحك لو لا
علي:انته هسه شتريد
الزعيم:اريدك تنظم وياي بالعصابه
مالتي بكيفك لو غصب عنك
علي 😡انته شتكو لا بكيفي ولا خصب عني
انا مستحيل انضم وياكم
الزعيم:ههههه اذا من غصبن ما عليك
راح تنظم
علي:گاعد اكلك مستحيل
الزعيم:اذا ما انظميت وياي
راح اكتل امك (حط المسدس على راس الام)
علي:ماشي انا اموافق 😢
بس عوفو امي
الزعيم:ههه لا ما راح اعوف امك لان امك
ضمان وجودك ويانه
راح ناخذهه ويانه
علي:😔
الزعيم: يله اخذوهم
علي:بعد مرور شهر ضلو ايدربوني
او ايعلموني على شغلهم
واول مهمه الي هي
اصير حرامي
انا بلشت بلسرقه
جانو ايطلبون من عدنه
مبلغ معين لازم انجيبه
واذا ما جبنه هاذ المبلغ
ما كو اكل ليوم كامل
ويضربونه هم

---------------------💝
---------------------💝
بعد مرور 5 سنوات 💕

علي:ضليت على هل
حال يوميه ايطلعونه حتى نسرق
جانو ايطلعونه من7 الصبح
لل10 بليل
وره ما فاتت مده 5 سنوات اجاني
الزعيم وگال
الزعيم:علي بعد انته راح
اتعوف السرقه
علي:افففف الحمدلله(بيني
وبين نفسي)
الزعيم:راح انطيك مهمه
ثانيه
علي:ياستار
الزعيم:اريدك تكتل واحد
علي:شنوووو
الزعيم:الي سمعته يتنفذ
علي:لالالالا مستحيل
كافي سويتوني حرامي
تردون اتسووني قاتل
الزعيم:اذا ما كتلته امك
راح تنكتل
علي:مستحيل اكتل
الزعيم:جيبو امه
سيدي هاي امه
الزعيم:(حط المسدس على راس الام)
علي:امي لالالا
خلص موافق
الزعيم:لو من البدايه موافق
مواحسن
علي😢
بعده رحت سئلت علي الرجال
الي يردوني اكتله
علي:اكلك ماجد ليش يردوني اكتل
هاذ الرجال(ماجد هو احد
افراد العصابه)
ماجد:هاذ الرجال محامي
جاب الاعدام لاخو الزعيم
والزعيم يريد ينتقم منه
علي:ليش انا اكتله ليش مو غيري
ماجد:ما اعرف بس يمكن الزعيم يريد
ايخليك واحد من زلمه المقربين
هن يالك
علي:😡ياهنيالي
بعد فتره حدد الزعيم المكان والزمان
الي راح اكتل بي
رحت الهاذ المكان
خابراني الزعيم فيديو وراواني امي
وهو حاط المسدس براسهه
بعدهة نفذة الي طلبه
ورميت طلقات على المحامي
وره فتره تقريبا شهر
سمعت انو قبضو على اثنين
من العصابه بعدهة اجه الزعيم وگال
الزعيم:علي انته لازم اتجيبلي
هاي البنيه
علي:يا بنيه
الزعيم:الي بلغت على زلمنه
بنت المحامي
علي:اوشنو المطلوب مني
الزعيم:اريدك تخطفهه
وتجيبلياهه حتى انا احاسبهه
علي:ماشي بس بشرط
الزعيم:حلو وصاير يتشرط
شنو شرطك
علي:انتو ما اتخلوني اشوف
امي بس بالشهر مره هسه
اريد اشوفهه يوميه
الزعيم:لا بس راح اخليك
اتشوفهه كل جمعه
علي:ماشي بس مو هسه اخطفهه
انا راح اراقبهه واشوف الوقت المناسب
واخطفهه
الزعيم:ماشي
علي:انا رحت خطفت البنيه وضميتهه
بغرفتي بقيتهه منومه
وگلت ما انطيهه حتى اعرف
اشراح ايسوون بيهه

نبراس:انا جنت ضايجه طلعت
اتمشه وما حسيت اله
واحد حط وصله بيضه
على خشمي
وبعد ما ادري شنو الي صار بيه

وراهه گعدت لگيت نفسي
بغرفه صغير مربطه
بس جسمي حسيته امكسر مابيه
حيل اطلع اي صوت
اضن اني بعدني تحت
تاثير المخدر الي حطاليا

علي:اليوم هو جمعه يعني اليوم
راح اشوف امي
رحت دخلت لامي لگيتهه مريضه 😷
كلش حسيتهه جاي تلقط انفاسهه
الاخيره وحالتهه كلش صعبه
علي:😢 اشبيج يمه
الام:علاوي يمه همزين شفتك
قبل لا اموت
علي:اسم الله عليج يمه
الام:يمه انا احلفك بالله
انو اتعوف هاذول الناس
وتشرد ولا اتاذي احد
علي:(ملاحظه امي ما تدري انو
ابنهه صار قاتل علمودهه)
الام:ابني انته بقيت كل هل سنين علمودي
هسه انا راح اموت
عوفهههههم (ماتت الام)
علي:يمه😭😭😭😭
اجو الزلم شافوني ابجي على امي
وراهه رحت دفنت امي
رحت لغرفتي لگيت البنيه نايمه
او ما اعرف شنو الي صار بيهه

علي:يا بنيه گعدي
نبراس:جان جسمي كلش يوجعني
وتعبانه حيل فه اول ما گعدت
وراهه بشوي نمت ما حسيت على روحي
گعدت على صوت ولد ايحاجيني
باوعت عليه خفت ورجعت روحي ليوره
علي:لاتخافين انا جاي اساعدج
راح افكج بس لا اطلعين اي
صوت خاف ايسمعونه الي بره
نبراس:هزيت راسي بنعم
بلش ايفكني بس انا ما حجيت اي كلمه
علي:قررة انفذ وصية امي وانو
ما اسوي شي غلط بعد هل يوم
ورحت حتى احرر البنيه
نبراس:منو انته
علي:انا جاي انقذج من هاي
العصابه
نبراس 😢فدوه خل نطلع من هاذ
المكان بسرعه انا كلش خايفه
علي:لا تخافين انا وياج
جاي نركب بالسيارة واحد من
الزلم شافانه
وطلع مسدسه وضل يرمي علينه
صابتني طلقه بجتفي و
ركبنه السياره وشغلتهه
ومشيت همه ضلو ايلحگونه
رحت على طريق البساتين
وگدرنه انضيعهم
علي:نزلي من السياره ابسرعه
نبراس:نزلت من السيارة وضلينه
نركض بالبستان صار الليل
واحنه بس اندور على مكان
حتى نلبد بي واعالج هاذ الشاب

واحنه جاي نمشي لگينه غرفه
من طين
نبراس:يا ولد هاي غرفه خن نلبدبي
لگيته واگع بالگاع وجاي ينزف
😱يا ولد (انا ما جنت اعرف اسمه)
سحبته ودخلته للغرفه جانت
الغرفه مهجوره يعني محد بيهه
لگيت فانوس وبصفه جداحه
شغلته وگعدت اعالجه
(ها نسيت اگللكم انا بالجامعه قسم طب
بس مو كلش اعرف بالطب لان انا ما خلصت
بس سنه وحده)يعني اعرف بس قليل
المهم طلعت الطلقه
وطلعت بره الغرفه حتى ادور علي
واحد ايساعدني
مشيت اشوي ولگيت مره جبيره بالعمر
گاعده يم بيت طيني رحت يمهة.......

------------------💕
------------------💕
للكاتبة-شهد💜