تزوجت وبدت معاناتي تزوجت شخص بحياته ما حبني أو حسسني اني انسانه مهمه بحياته تزوجت سعد جان كلش حلو وأسمر ثاني يوم كالت الي مرت عمي كومي عجني وخبزي جنت اتكله الضرب من كل شخص من حماي من عمي ومن عمتي وحمواتي جان يمر العيد عليه وانا اطلب من النسوان ملابس الي اكيد راح تسألون ليش بحياته ما حبه لأن جان يحب بنت عمه وانجبر يأخذ امي جان ضالم وياها ابوي مره كتله طلكني كال ميخالف اطلكج اخذني للسيد واهناك تراضينه مرت الأيام غاب سعد شهر كامل عن البيت رحت ادور عليه بالبصرة ماكو اجه كالي راح اطلكج وارجع لبنت عمي نرجع لوره شويه ورى أربع سنوات من الزواج حبلت وجبت ابني الجبير قيصر وراه مباشرة أمير قيصر وأمير تربو عند أجدادهم واخذو طبعهم القاسي جانوا بصغرهم كلش مشاغبين من يروح سعد يكسرون البيت جنت من احبل محد يفرح الي اكيد راح تسألون ليش جنت قابله عل كل هاي المعاناه لأن بالنسبه السعد جنه عل حياتي مع اهلي وبعدين حبلت وجبت سلوى وهدى وآمال ومصطفى وكيان ابني الصغير وزهراء ورتياج وافنان
من جانوا اصغار تحملت كل شي علمودهم سعد يذبني بالمزرعه وحدي وابقه انا وجهالي وحدهم ويروح هو لسفوان مرة طفر حرامى ورميته ومرة عكرب اجت تكرضني ومره حيه وكتلتها نرجع الحاضر كالي سعد راح اطلكج وارجع لبنت عمي كال راح اروح والعصر اجي اطلكج راح لسفوان صادفت بهاي الأثناء حرب الأمريكان راح سعد مات كتلو الأمريكان وانا حامل بنتي الصغيره أفنان
