(قيس وليلى)..❥..(وحبنا)®

كل حلمة

كان كل حلمه
قلبــ،،عاش يحلم يضمه
روح تحبه وتنعم بحبه
واتمنى قرب حبيب لقلبه
و حضن دافى يحيا بقربه

ولما كان فيوم جنبه
كان معاه ولسه سايبه
غدر غريب و للسجن أخده
سَجنه سجَانه وحرمه
من حب كان من لحظه سانده

وسِجنه طال و بالصبر غلبه
عاش سنين عذاب جواه
وخرج وبدأ من تانى الحياه

كمل لوحده..
وكتم حلمه القديم جواه
ولما قابل حبيب ولاقاه
حلم بقربه وبقاله نجاه
كان كل أمله يكمل  معاه

لكن،،سجن الدنيا غلبه وقفل ببانه
خد قلبه وروحه وسجن كل كيانه
حرمه من نبضه و علّـا بينهم حيطانه
وكان حبيبه المره دى سجانه

غاب وفارقه
مع أنه روحه وحته منه
ضعف وسابه غصب عنه
ظروفه كانت أقوى منه

واهى واقفه تتفرج الحياه
ع قلب كان مرتاح وياه
اتظلم وظلمه كمان معاه
وبعد اللى كان روحه فداه
ومش قادر يقول آاااااااه

وسابه لعذاب أشبه بالموت
وصرخه مكتومه بدون صوت
وتنهيده وجع طالعه بسكوت
وحيد و شايف عمرة بيفوت
وحلم،،
لا قادر يحققه ولاجواه بيموت

ღ✍^رومــــا®^