#أصابني_مرض_الايذز

#أصابني_مرض_الايدز

الكاتبة Âmõñä Møøñ
رواية خيالية #أصابني_مرض_الايدز
حلقة(2)

تمت الاستراحة وركبو كلهم ولحصص مشو زي اي حصة
معاد:أيمان احني مدما ولينا اصدقاء ف ممكن تعطيني رقمك ونقعدو علي تواصل
أنا:وعلاش بنعطيك رقمي اهو نقرو مع بعض ونتلاقو ف تانوية
معاد:ماهو مش زي مرات اني نبي حاجة ف لقراية بنسألك عليها
أنا:بهه تمام .......092
معاد:تمام نتلاقو أيمو

أنا:قعدت واقفة نستنا جي بابا روح بيا للحوش السلام عليكم
ماما(زينب):وعليكم السلام شنج تانوية معاك
أنا:تمام تعرفي ياماما زي لعسل ف لاول كنت خايفة بس بعدين تأقلمت
ماما(زينب):باهي كويس يابنيتي وشدي قرايتك هي شني بتتغدي
أنا:لالا بنرقد تعبانة
ماما(زينب):بهه براحتك
أنا:خشيت بدلت حوايجي وخشيت فراشي حطيت راسي معش نندري ع شي

في الشركة
خالد:تييي شن تقوول أنت كيييف ماربحناش صفقة كيف الشركة حاتعلن افلاسها
سكرتير (لطفي):والله أني الاول مش مصدق ومش عارف كيف حت الاجتماع كان تمام لاكن في شي مدسوس وبعد لوقا يبان
خالد:اي حت اني حاس وضروري مانعرفوه سر اهوا هوا الي أعلان افلاس الشركة
الباب يدق
خالد:تفضل
رمضان(صاحب خالد:شن لكلام الي سمعته ياراجل مزبوط لكلام هدا
خالد:والله ماعارف منين طلعولي اهما

في الجامعة
أحمد:هي شني ياراجل س2 بنروح كملت محاضراتك ولا
رياض:اي اي كملت هي نروحو
أحمد:هي طلع هوا ورياض ركبو سيارة وصل رياض للحوش
رياض:منور ياقدر وسامحنا علي تعبة
أحمد:تي عيب عليك تحشم مابيناتناش
رياض:ههههه تي باهي منور هي سلام بيناتنا الوو
أحمد:سلام تم ي بروو روح للحوش سلام عليكم
زينب:وعليكم السلام ياوليدي
أحمد:جي باس ع راس أمه كيف حالك يام
زينب:كويسة ياوليدي الحمدلله نحطلك تتغدي ياوليدي
أحمد:اييي يام تعرفي جعان هلي مابين مادوشت ونضمت أموري
زينب:باهي ياحميدا
أحمد:حقا ويين ايمان
زينب:راقدة روحت تعبانة
أحمد:اا اي حق تعب عندها الحق

في لعشية ناضت أيمان وتغدت وجاها اتصال ف الاول مابتش ترد بعدين شدها اتصال الرقم قريب 4مكالمات ردت
انا:الوو من معاي
معاد:ايموو اني معاد
أنا:اا معاد سامحني مزبطش
معاد:عادي ولايهمك المهم شنجوك وشن مدايرة
أنا:تمام كيف نضت من النوم تعب لييوم وانت شنجوك
معاد:تمام بخير اي والله حت اني اي قتلك ايموو عادي نتلاقو
أنا:ويين بنتلاقو وبعدين مانقدرش
معاد:بنرفعك لمكان وبنعرفك ع خوتي وبنات عمي
أنا:اممم بهه تمام ونسأل ماما قبل
معاد:تمام ديري رايك