اباوعلها واكعه بحضني ودمها يجري وشعرها وملابسها عباره عن ماي
عمر:لااا لاتموتين انتضريي هسه تجي الاسعاف حبيبتي الله يخليج تحملي اززززل
قبل ٣ سنوات
اباوعلها من بعد وكلبي احس راح يطلع من صدري هاي البنيه نقطة ضعفي من اشوفها احس بلحياة فززني صوت صديقي
احمد؛هااا وين شاارد
عمر:هههه ولاشيء بس اباوع ع الهوسه الي بلمول
احمد:يمعود اتعودنا
عمر:اي وين علي
احمد:مادري قبل شوي جان هنا
خل اعرفكم بنفسي اني عمر مواليد ٩٨ من مدينة البصره ابوي بلبرلمان العراقي نائب وامي دكتورة عندي اخوات٢ واني اصغر شيء المدلل بلعائله صار ٤ سنوات احارب بلسادس ولازلت شنو اريده عندي بس اني من النوع المتواضع ومااهتم لمكانة اهلي دائماً كاعد بلمول وشنو يعجبني اسوي مره من المرات شفت بيها بنيه بس بقت براسي نستني كلشي وطيرت عقلي من راسي البنيه ملاك كل اسبوع انتضره تجي بس حتى اشوفها صارت كلشيء بحياتي بقيتها سر بيني وبين نفسي الى ان مره من المرات صادف يوم جمعه ٢٠١٧/١/١ليلة رأس السنه
شفتها من بعيد اجتي وياها بنات ٢ تقريبا بعمرها جانت لابسه فستان اسود جوه ركبتها وجاكيت اسود وبيه ابيض وفاتحه شعرها ومخليه حمره حمرا شفتها انجنيت اباوع للعيون اكلتها تمنيت اضمها بكلبي اني مو ذاك الجمال مرات اشوف نفسي مو بمقام جمالهه بشرتي حنطيه ع سمار عيوني كبار خشمي شوي جبير شفايف وشعر عادي جسمي طويل وضعيف مو نوع العضلات
صارت مسابقه ويا الفقرات شاركت هيه وصديقتها ٢ وطلبوا شباب ٣ يصعدون وياهم بلمسابقة
عمر:شباب نصعد بلمسايقة
علي:يلا اني هم عاجبني اشارك
احمد:انجبوا اني مالي خلك هاي السوالف
عمر:بس هلمره احمد شبيك
احمد:ديلا صعدوا
صعدنا وكفوا كدامنه خلوا با اذان البنات سماعه واحنه نأشر فد شيء وهيج شيء لسوء حضي هيه وكفت كدام علي صديقي واني وكفت كدام صديقتها بس عيوني عليها
انتهت المسابقه بخسارتنة وفازوا البنات
بعد المسابقه اجوي البنات همه من النوع الفري واختلاط
ازل:ههههه شكراً علي ساعدتني ع الفوز
علي:ههههه عادي كسرتي خاطري وكلت خل اساعدها
ازل:لالاجد حظ اوفر الكم شباب المرة الجايهه
احمد:المره الجايه اكيد احنهه نفوز مانقبل بلهزيمه
ريم:لاعيني احنه اقوى
زينب:كافي راح نتعارك بمناسبة خسارة الشباب شنو رأيكم تعزمونه ع عشه
ازل:انجبي لج
عمر:لا شكو بيها تعالوا اني اعزمكم
رحنه الاحد المطاعم الموجوده بلمول كعدت كدامي نضراتي توجهت عليها وع ملامحها وعيونها تفحصتهاا واني اشوف البرائه والشغف والجمال كلها كدامي اروع ماخلق ربي
تعرفنا ع البنات وتبادلنا الحديث وحسابات الانستغرام وكعدنا نحجي ع انفسنا الى ان صارت الساعه ١٢ الكل تجمع بره بلمول انطفت الاضويه وبده العد التنازلي ١٠ ٩ ٨ ٧ ٦ ٥ ٤ ٣ ٢ ١
الكل صرخ واشتغلت الاضويه احنه دخلنا بسنة جديده ٢٠١٨
بعد الاحتفال والاغاني والاجواء الجميله الحلتها بوجودها
ريم:يلا شباب ساعه ١ لازم اروح هههه واذا اكثر ننطرد صدكوني
ازل:هوه احنه هيج ومطرودين ح اروح يم زينب لأن اهلها مسافرين
علي:لعد ابقوا اذا هيج
زينب:لاوالله تعابنين
ازل:ع فكره اني باجر اجي ويا اهلي نلتقي
ودعونا البنات با ابتسامه وطلعوا
احسها اخذت كلبي وياها اكثر شيء فرحني انو باجر راح تجي
رجعت للبيت الساعه٣:٣٠ دقيقه فجراً
كعدت اتصفح بحسابها اباوع ع صورها اتأمل اجمل ما خلق ربي
