عشق الطفولة

خطوبة

سلام

يوم الخطبة والكل موجودين اني الظهر رحت للصالون راحن وياي فرح ونور وكلساع يقلدن . اليوم امير يسودن .نور حچيچ صح هوا بدون ظكياج ومتخبل اذا شافها هيچي يمكن يخطفها ويشرد .والله اذا ماسكتن الاهسى  الااخابرة وسوي روحي زعلانة وسولفلة عليچن وتخيلن شي سوي . يالى سگتي بعد منحچي  . عفية بالحبابات  يالى ولن خلي اكمل  صدك منو يچي ياخذنا .نور .الحب يچي ياخذنا  
مرح .انطيني تلفوني.
نور .هاچ
مرح
يالى طلعن
اخذت الموبايل وخابرت امير
الو
امير .هلووو حب تردين شي
مرح .دزلي ابوية لو اخوك يچي ياخذني ولو اخوك بعد احسن وانت اريدك تبقى واگف يام الزلم
امير .ليش ولچ اريد اشوفچ شطالعة
مرح .حتى لو اچيات ماخليك اشوفني  مفاچئة
امير. يمة تعالي شوفي ابنچ چاي يصير بي .
مرح .هااا يالى روح خلي اكمل   باي
امير .بايات مرتي
ورى ساعة اچا اخو امير عادل.
عادل  .اخو امير الصغير عمرة 24سنة  كلية هندسة مثلي هههه مرحلة رابعة
رچعنا وبدت مشية الزلم وچان موجود شيخ عشيرتي وشيخ عشيرة امير ورى ساعة گملت اامشية واچى وقت العقد اني وگفت ورى الباب ويمي فرح ونور وامي وبيبيتي وام امير واختى وباقي النسوان ضلن بالاستقبال ينتظرن
الشيخ . مرح بنت محمد تقبلين الزواج من امير ابن حسين بؤخر ومقدم 30مليون گولي نعم وانت وگيلي
مرح .نعم وانت وگيلي 
الشيخ .امير ابن حسين تقبل بمرح بنت محمد زوجة
امير .نعم اقبل
ورى ما وافقنا النسوان گامن يهلهلن واچت عمتي ام اكير واختة بوسني وبارگلي.
ونسوان عمامي وعماتي  .چان اكو الفرحان وچان الي حاقد والي حاسدني على مهري ميدرون انو الفلوس مو گلشي بالحياة
ورى اشوية گالوا لبسوا حجاباتكم راح يچي العريس طب العريس وچان طالع مث الملك بقاطة الي كانوا مصمم بس اله
سلمن عليه وبارگلة خوب البنات يردن ياكلنة بعيونهن گالهن اريد اشوف مرتي 
امير . شلونها مرتي الحلوة يما شطالعة اليوم اريد اگلچ
مرح .شكرا وانت هم طالع حلو
امير .عمي يا حلو شوفي روحچ شطالعة راح اموت بمكاني عمي انطيني حتى لو بوسة
مرح .امير شنو هذا الحچي استحي شوية شوف العالم اتباوع علينا
امير .شعليا بالعالم مرتي واريدها اتبوسني
ورى شوية اجت عمتي وچابت الذهب  وچان كمية كلس چبيرة لبسني امير وگلساع يبوس بية ويگول مرتي عسل ماينشبع منها واني لو يذبحوني مايلگون بية قطرة دم.
ورىاشوية طلع وضلن النسوان ايرگصن اني شوية رگصت ورچعت بيبيتي ماتقبل تگول ايضربوها عين  ورى ساعة گالن تعاي امير يريد ايشوفچ وحدچ 
مرح .لاعمة حبابة ماريد  اروح والله استحي
عمة .يمة مين تستحين بعد صار رچلچ
بعدين رحت لغرفتي ورى شوية اجى وسد الباب وراه
امير .مبروك امريتي
مرح .الله يبارك بيك
امير .بنيتي خجلانة مني اكو وحدة تستحي من حبيبها
تعاي گعدي يمي لضليين واكفة ترى والله مااگلچ
ردت اگعد يمة على السرير  شوهذا اسحبنب وگعدني بحضنك  وظل يبوس برگبتي ويشتم بيها
مرح .امير جاي اسوي واخر عني حباب
امير .ابنيتي سكتي تعرفين شنو انتظار 15سنة اربد اطلع ضيم هاي السنين كلها 
مرح .امير ليش هيچي المهر عالي ترى والله ماكو داعي والذهب همين اني هذا الشي ميهمني
امير .لا يگلبي مو هواية تستاهلين اكثر من هذا الشي حتى لو المهر عالي اني مستحيل اطلگچ بيوم ولا اعوفچ الا اذا الله اخذ امانتة 
مرح .اصمالله عليك لاتگول هيچ ترى بعد مااحچي وياك
امير .هههه غير اموت اذا متحچين ويايا  الاحد نعقد محكمة والاثنين نطلع بس اني  وياچ
مرح .الله كريم يصير خير
يالى خلي انزل وكمت من حضنة وچان يسحبني ويبوسني
امير . رادت تطلع وتعوفني سحبتها وبستها لمن حسيت نفسها انگطع اله وخرت عنها
يمة بنيتي ردتلي عافيتي شنو من عسل هذا انطيني بعد
مرح .ورى ماباسني عفتة وطلعت ظل يحچي ردتلي عافيتي وعسل وبعد ماادري شنو  رحت يم النسوان وهوا طلع ورايا من طلع غمزلي وياشرلي على شفتة همزين محد انتبه عليه ورى ساعتين گلمن راح بيته بس بيت امير ظلوا لان ابوية چان عازمهم على العشة نزعت البدلة وسبحت وصليت وبعدين نزلت سلمت على ابوية وعلى ابو امير واخوان امير وباركولي وبارگوا لامير اني عفتهم وطلعت صبينا عشة النسوان وحد والزلم وحد  كملوا وغسلت الاماعين  صبينا چاي وقدمنا فواكي چان اسعد يوم بحياتي  صدك مابين حبي لامير بس هوا اغلة شخص عندي هوا كل حياتي وحلمي الي واخيرا  اتحقق  ورى ساعة راح امير ويا اهلة بقت يمنا بس  نور ضلينا انسولف وراح نبدي نشتري اجهاز العروس بس البدلات اني وامير نشتريهم وحدنا 
وهيچي خلص احلى يوم بحياتي 

چنت لابسة بالمهر

والمكياج

والتسريحة

باي ونلتقي بارت جديد 😘😘😘😘😘😘