- علقوا على كل جزء 💗.
---
صَباح يوم مشمس مِثل كل يومٌ ولا شي يتغير سوى درجةْ الحرارة
في منَزلي ، أمي تُحاول وتُحاول تصحيني منِ نص ساعة م تسوي شيء غَير أزعاجي كلَ خمس دقائق ترسل شخص يصحيني ويزعجني مثل م تسوي هيَ
أسوي المثل فيها أقوم أطفي الضوء اللي تشغله وتتركه
وأغلق الستائر حتى م يوصلني ضوء وأرجع لسريري امتثل النوم عشان أزعجها .
فُتح باب غُرفتي مرة ثانيه
م راح تقومي؟ أردفت بعد ما جلِست على السرير وسحبت الغطاء عن وجهي
اقول يمه تركيني بس كم مره قلت لا حد يصحيني كذا والله عناد فيج ماني قايمه أنهيت جملتي
رجَعت سحبت الغطاء وغطيت وجهي فيه مره ثانيه
قامت عن السرير
أسمع تحركاتها ف الغرفه رفعت الغطاء عَن عيوني
رجعت فتحت الستائر قالت بهدوء بعد أن تنهدت
ترا فطور يلا اصحي افطري معنا
ضحكت قبل أقول طيب قمت بس أمانه كنت بنص
حلم، أحس كل اللي بالحلم قالوا بسم الله خلينا
نكمل أخر مقطع عاد
أتكلم وانا أرتب سريري وصلني صوت ضحكة امي
لما قلت ، تقدمت وجلست على السرير بعد م ساعدتني فـ ترتيبه أردفت غسلي وانزلي عشان تفطري طيب؟ همَهمت لها وطلعت
دخل دورة المياه غسلت وجهي وفرشت أسناني وطلعت شفت اخوي كان جالس على سريري يقلب فونه
تكلمت برسميه حياك لؤي تشرب شي؟ ضحكت دليلاً على المزاح
رفع حاجبه قبل يقول كأس عصير بُرتقال لو سمحتي
أبتسمت وتقدمت لخزانتي تأمر بشي ثاني؟ فتحت خزانتي وانا ادور عن ملابس لي
سلامتك م شي غيره ضحك أردف بعدها
طيب يلا غيري بيجامتك وانزلي نفطر
طيب طالعته قبل يقفل الباب ويطلع
___
غيرت ملابس ونزلت تحت
بيتنا كبير نوعاً ما لكن م معنا ولا خدامه ف البيت
سبب ذلك أبوي تقريباً م يحب الغرباء ف البيت
أعيش فالبيت مع أمي وأبوي وأخوي حياتنا هادئه بعيده عن المشاكل وكل شي ، أخوي اكبر مني بأربع
سنين أنا وهو نكمل بعض عشنا من صغرنا كأنا توأم
أمي وأبوي يحبوا بعض ويحبونا احنا تقريباً قريبين من بعض كثير وم نخبي اسرارنا عن بعض
مانا عائله مثاليه بس مانا عائله فاشله .
نزلت من الدرج وجلست في مكاني المعتاد على
الطاوله جلس بعدي لؤي وكان مشغول بفونه
أعرفه يكلم حبيبته لذلك ناسي العالم
خليت ايدي علي الطاوله وضغطت على اصبع رجله الكبير برجلي وابتسمت له
ترك الفون على الطاوله وخزرني بعصبيه
شفيج عهد ؟ أردف وهو رافع حاجبه الايسر
رديت عليه بأبتسامه شريره وانا اطالع الاكل اللي قدامي والله ابوي قال ممنوع احد يجلس على
طاولة الطعام وهو ماسك فونه القانون يتطبق على الكل يا حلو طالعت فيه بعد م خلصت كلامي
وابتسمت طالع فيني وكأنه م مهتم لكني انتصرت قفل فونه وبعده عنه
والله لا تحسبيني سمعت كلامج هذا لأن ابوي جالس تدريني احترم ابوي انا
ضحكت على كلامه رجعت اطالع صحني
قال أبوي بصوت هادئ قولوا بسم الله قبل تاكلوا.
يقصد لؤي بكلامه لذلك ضحكت بعد م قلت بسم الله بصوت عالي عشان يسمعني لؤي
طالعني لؤي وابتسم بسم الله أردف ورجع يأكل من صحنه
خلصنا فطور وأمي جلست تقلب التلفزيون
وأبوي يقرأ جريده وأخوي يكلم حبيبته ع الفون
طالع ابوي لؤي نزع نظارته عن عيونه وقال
أشوفك جالس ليوم.. م معك شغل؟
لؤي م كان منتبه أن أبوي يكلمه لذلك هزيت فخذه بيدي طالع فيني بعد ثواني قليله استوعب ان ابوي كان يكلمه أسف يبه ، نعم وش قلت؟ ترك فونه جنبه
قلت م معك شغل ليوم؟ أردف ابوي وهو يقلب الجريده مره ثانيه
تعبان.. مابغيت اروح ليوم
طالع ابوي فيه وبعد ثواني رد عليه
والله كنت مفكر نطلع فأجازه لمكان
أبتسم لؤي دليل اهتمامه بالموضوع أيش رأيكم نروح لبيتنا القديم اللي على البحر؟ طالعت أمي لؤي وبعدها لأبوي
رديت تأيد لكلام لؤي فكره حلوه من زمان مو رايحين له وهو افضل مكان للأجازه بنتسلى
أردفت امي وجهت كلامها لأبوي
ايوا حمد اتفق معهم
فكر ابوي شوي بعدها قال جهزوا نفسكم بنروح استقام بعد م ترك الجريده وكان ابوي بيطلع عنا قبل يقاطعه لؤي
يبه متى بنروح؟ طالع ابوي ينتظر جوابه
طالعني ابوي قبل يطالع امي بعدها اردف خليها بعد يومين او ثلاث
طلع ابوي وطالع فيني لؤي بعدين قال بصوت عالي
كفك! ضرب كفه ف ايدي ضحكت بصوت عالي
ضحكت امي معنا قاطعنا اتصال هاتف لؤي اللي كانت حبيبته لأن اسمها كان يتوسط الشاشه طلع لؤي برا غرفة الجلوس ورجعت امي ركزت على احداث المسلسل
__
