ذهبت فصليه

بارت 3

يلا نبلش انكمل

عسل /
جنت امشط شعري و ما احس اله انفتحت الباب و دخل صكر اولي راح اموت بس ما بينت خايفه

صكر/اي اشلون الحلو اليوم

يحجي و يتقدملي

عسل /شتريد

صكر/ احجي عدل لو اموتج

عسل/هه اتموتني

لزم فكي و يعصر بيه

صكر /احترمي نفسج و لتستزئين بيه

حابه اكلكم شغله(لمن يحجي صكر ياحلو و هيج شي مو محبتا بيه و انما كرها بيه )

عسل/وخر كاعد توجعني

صكر /هو اني اريد اوجعج اريد اذلج هههه

عسل/لو صدك رجال متتمرجل عليه هه

طبعا بل كوه احجي لان ضاغط علئ فكي

صكر /هاا رادلج تربيه من جديد

عسل / الحمدالله متربيه احسن منك

اني حجيت هيج لو اتورطت اجاني راشدي فر راسي فر حتئ اذني كامت اصوفر و نفس الحاله مالت اول من جابني دفرت  علئ ضهري رشديات الله اعلم اشكد حتئ من خشمي و حلكي دم طلع بحيث كمت ما احس بشي يضرب اني بديت يغمه بلكوه فتحت اعيوني عاد شالني من شعري بعد ما حسيت بشي
كعدت ما اعرف اشد نايمه بس مابيه احرك جسمي احاول بس ماكو فايده متكسره بس اكول حسبي الله و نعم الوكيل اخخ بعد اشكد راح اتحمل ما ضل بيه طاقه اشوي و انفتحت الباب طبت منه ابنيه طويله ضخمه اشوي سمره

البنيه/يلا لج كوميه شنو نايمه كومي سوي عشه لو اتريدين نخدمج يلا كومي

راحت و اني ميته ما بيه حيل اكومه بل كومه كمت رحت اتمشه بلكوه رحت للمطبخ سويت العشه و كملته جتي حجيه

حجيه /يلا يل فصليه صببي عشه

عسل/مم صار

رحت صبيت العشه و كملوا اكل سويت جاي و صبيتلهم شربوا رحت غسلت مواعين و اكلت اشوي ما اشتهي بس مجبوره لازم اقوي نفسي حتئ لا اضعف المهم رحت اخذت اهدوم و سبحت اشوي راح اوجع ارتاحيت نشفت شعري و مشطته و فكرت شراح ايصير بيه شنو المخبه تعبت من تفكير و نمت

كعدت علئ سطل مي اخخخ

صكر/لج يلا كومي سويلي ريوك

عسل/والله العرف واحد ايكول صباح الخير بس امكن صارت قديمه هسه اتبدلت بسطل مي هه

صكر/ضبي اللسان ل اكصه
طلع
عسل/الله ايديم العقل

كمت بدلت رحت

طبيت

الحجيه /مم اشبيج اللسانج منكص متسلمين

مشيت و عفته ما جاوبته مالي خلك
سويت ريوك و اكملوا غسلت مواعين سويت كهوه الي علمود اصحصح شربته بديت اشتغل سويت غده و كملت و صبيت
غسلت مواعين و كملت و نمت و كعدت سويت عشه و نفس روتين صار و الهانه و الكتل يوميه من صكر صار 5اشهر موجوده و ما اعرف عن اهلي اخخ اليوم كعدت نفس روتين عاد انجمعوا عمام صكر

صكر/اني اريد
ووووو

خلص بارت اعرف قصير بس ما عندي مجال احبكم 😍😌