قال ليه أبوك دا عندو مرض نفسي اسمو برافيليا والمرض دا بجي للناس الكبار في السن والزول المصاب بيه بكون عندو ميلان كبير للجنس يعني حتى لو كان متزوج ممكن يميل لوحده تانيه غير مرتو وممكن يأذي الناس الحوليه عادي في حالة انو هم عارضو طريقو في حاجه هو عايز يعملها وبكون منفعل شديد يعني وبزهج سريع قال ليه طيب وحلو شنو المرض دا قال ليه والله ابوك دا متابع معي من زمن لكن كل ما يجيني واشوف حالتو بلقاها أسوا حتى انا عرضت عليه انو يكون في المصحه عشان نتابع حالتو لأنو شكلو ما بياخد العلاجات ياسر قال ليه طيب ما تجيبوه المصحه قال ليه هو ما رضى وما كان معاه زول عشان أعرض عليه الكلام دا والمشكله انو هو حيكون خطير على الناس الحوليه ياسر قال ليه خلاص انا ححاول معاه🙂ومشى وكان شايل هم ما عارف يعمل شنو ضرب لمروه وقال ليها عايز اشوفك بعدين شافها وحكى ليها الكلام القالو ليه الدكتور كلو هي ياداب حتى فهمت ليه راجل أمها بتصرف معاها بالطريقه دي😪وهي ما كانت فاهمه وقالت لياسر نحنا لازم نحل المشكله دي قال ليها طيب نعمل شنو قالت ليه انا بعد دا مضطره اكلم أمي بأي شي عشان نتصرف لأنو نحنا برانا ما حنقدر نحلها😢قال ليها طيب🙂
ياسين كان قاعد في الجامعه مع بنات طبعا كالعاده😹😹وبضحكو وبقرقرو😹😹عندو صحبتو كدا اسمها لوله كانت ماشه معاها بنت اهلها جابتها معاها الجامعه قام ياسين لما شافها صفر ليها قامت مشت ليه هي وبنت اهلها🤭قام شال الشيت من يدها وبقى يهظر معاها قام هبشها في شفايفها قال ليها الروج دا شغال طبعا هو عندو عادي😹😹وهي ما سألتو قامت بنت اهلها شالت ليه يدي بقوه كدا قالت ليه احترم نفسك طبعا هو اتخت في موقف مبالغه خش في اظافرو😹😹بقى يعاين ليك للبنت قال ليها قدر دا؟انتي شكلك زعلانه عشان ما قلت ليك روجك شغال اها روجك شغال كدا انبسطتي؟صحباتو كلهم بقو يضحكو😹😹قالت ليه اولا انا ما طلبت رايك وبعدين ما معناها انك لامي البنات حوليك معناها انت وااو احترم نفسك والحق الجبهه بتاعتك👊🏻ومشت ليك بكل ثقه يلاا😹😹ياسين بقى واقف يعاين ليها لا قدر يتكلم لا قدر يفتح خشمو😹لكن زعل زعل مشى ركب عربيتو ورجع بيتهم ما كان قادر يعاين لزول😹😹
مروه مشت حكت لأمها عن راجلها من طق طق للسلام عليكم أمها دي بقت تبكي وتبكي قالت ليها دا كلو يحصل معاك وانتي ما اتوريني قالت ليها انا خفت عليك انتي يا أمي وبعدين الفيك مكفيك قالت ليه يا مروه انا ما عندي غيركم في الدنيا دي والراجل دا زاتو اتزوجتو عشان اعيشك انتي وعشان ما نتشرد لكن لو دا ضد سعادتكم انا ما قاعده هنا ولا دقيقه قالت ليها يا أمي كدا استهدي بالله الموضوع دا بتحلى انا وياسر قلنا نكلمك عشان انتي تقنعيه يتعالج لأنو بالطريقه دي حايضرنا كلنا أمها قالت ليها خلاص انا بتصرف معاه لكن يا بنتي انا امك لو حصلت معاك اي حاجه في الدنيا دي تجي تكلميني حقيف جنبك وما حاسمح انو تحصل ليك حاجه انتي حبيبتي ودنيتي أول فرحه لي عشان كدا ما تخبي عني حاجه قالت ليها حاضر يا ماما انتي ما تشيلي هم بس قالت ليها انا عايزه اضمن اني اخليكي مبسوطه واضمن انك قاعده مع زول كويس عشان لو مت اكون مرتاحه🙂 قالت ليها امي ما اتقولي كدا ان شاء الله تعيشي كدا وتشوفي اولادي واولاد اخواني والله يديمك لينا ي حبيبتنا💖☺قالت ليها امين ويخليكم لي كمان🙂ياسين طبعا رجع البيت متضايق نفسو مقفوله😹😹بقى يتذكر في البنت وكيف بقت تتكلم معاه بالطريقه دي حسى نفسو اهبل اهبل😹😹قال والله البنت دي لو لقيتها تاني ما أخليها😹😹هو بتكلم مع نفسو كدا ياسر ضرب ليه قال ليه تعال لي في المحل سريع قام مشى لي وياسر قعد يتكلم معاه في موضوع الورثه حقتو وانو عايز يرفع دعوه ضد عمو عشان يرجع قروشو☺
ياسين قعد يصرخ واخيرااااا ياخ اقسم بالله دا أحلى خبر سمعتو من الصباح☺ياسر قال ليه خلاص من بكره نمشي المحكمه قال ليه خلاص قداام🙂
أم مروه انتظرت راجلها يجي لما جاء كان زهجان وشغال يصرخ قالت ليه مالك في شنو قال ليها ياخ ما بخصك وزحي من وشي كدا ولا كدا قالت ليه استنى انا عايزاك في موضوع على فكره انا عرفت اي حاجه قال ليها عرفتي شنو قالت ليه عرفت البتعملو مع بنتي وعرفت مرضك النفسي المخبي علينا قال ليها ش ش نو؟دا كلام شنو دا انتي جنيتي؟قالت ليه اي جنيت وانا ما بسمح ليك تكون قاعد في البيت دا نهائيا من اسي وشيل حاجاتك واطلع من هنا لو سمحت قال ليها انا البيت دا حقي ومن هنا ما طالع فهمتي انتي لمي اولادك وشيلي حاجاتك واطلعي قالت ليه انت واحد مجنون ومختل وانا ما برضى واحد زي دا يكون قاعد في نصنا يلا امشي من هنا🤬قال ليها ياخ انتي وينتك واولادك ككلكم معفنين كان ما انا جبتكم ولميتكم عندي كان لقيتو ليكم محل تقعدو فيه كان قعدتو تلفو في الشارع ودا اخر جزاي عندكم قالت ليه ياخ انا ما نكرت فضلك لكن انت تحاول تعتدي على بنتي وانا اسكت ليك ما بتخجل بشيبتك دي قال ليها بنتك دي حتفضل لي انا وافهمي الشي دا وبقى يجر فيها وهي تجر فيه عشان يطلع وهو يجرها قامت هي لزتو وقعتو في الأرض قام هو شال طربيزة زجاج وركبها ليها في راسها😱
