و هما قاعدين في الكافيه فرحه و ساره لقوا حد بيخبط علي ضهر ساره....ساره لفت عشان تشوف مين..
ساره:اااا...نعم حضرتك عاوزه حاجه
....:انتي مش فكراني مش انتي ساره بردوا
ساره:ايوه انا ساره بس مين انتي
فرحه:اي ده استني يا ساره انا بشبه عليها
....:اي ده مش انتي اختها صح
فرحه:ايوه ايوه افتكرتك و ايوه انا اختها مش انتي امنيه اللي كنتي معانا في المدرسه و احنا في ابتدائي
امنيه:ايوه انا صح كويس ان في حد فيكوا افتكرني😂😂😅
ساره:اي ده امنيه ايوه افتكرتك عامله اي
امنيه:الحمد لله كويسه انتوا سبتوا سينا امتي و جيتوا دبي لي
ساره:احنا لسه جايين امبارح اصلا و سبنا سينا بقا عشان زهقنا من العيشه هناك اوي فماما كانت تعرف واحده صحبتها هنا فجبتلها شغل و وضبتلها مكان و كده يعني و انتي جيتي هنا امتي
امنيه:يابنتي فاكره و احنا صغيرين لما قلتلك اننا هنسافر و هنستقر في بلد تانيه بس ساعتها مكنتش عارفه هنروح فين احنا بقا ساعتها جينا دبي
فرحه:ايوه ايوه صح انا فاكره الحوار ده ساره كانت قيلالي عليه😂❤
امنيه:طب كويس حد فاكر😂😂❤انتوا هنا بتعملوا اي بقا...انا كنت نازله راحه كليه اعلام عشان اقدم ورقي و كده و انتوا؟؟
ساره:اي ده اي الصدفه دي😂😂انا كمان كنت راحه اعلام بردوا و قبليا رحت انا و فرحه هندسه عشان فرحه كانت نفسها تخش هندسه و دخلت الحمد لله😂❤
امنيه:لا..لا لا بتهزري بجد!!
ساره:ايه تاني😂😂
امنيه:انتي يا فرحه في هندسه بجد
فرحه:اه يا بنتي في اي😂😂
امنيه:اصل اختي مريم كمان دخلت هندسه فكده يبقي صدف غريبه اوي بجد😂😂❤
فرحه:اي ده بجد الله مريم بجد دي وحشاني اوي و انا كنت بحبها جدا طب و هي عاوزه تطلع مهندسه ولا مصوره ولا اي اصل انا عاوزه ابقي مصوره❤😂
امنيه:لا مصوره بردوا😂😂
ساره:طب يلا نمشي انا دفعت الشيك اهو عشان منتاخرش و نتكلم في الطريق..
امنيه و فرحه:يلا بينا
قاموا من علي الكافيه و قرروا انهم يتمشوها عشان الجامعه كانت قريبه منهم
ساره:عارفين احلي حاجه اي بجد
امنيه و فرحه:اي
ساره:يعني ان انا و فرحه مش هنبقي لوحدنا في الجامعه هيبقي معانا حد و كمان نعرفه من زمان
امنيه:ايوه فعلا عندك حق هبقي كمان اعرفك علي حبيبه اتعرفت عليها لما جيت هنا دبي في المدرسه من و انا صغيره دخلت اعلام بردوا هعرفك عليها اول يوم ان شاء الله
ساره:ماشي ان شاء الله....اي ده وصلنا اهو الكلام خدنا😂😂❤
ساره و امنيه و فرحه وصلوا عند الكليه و دخلوا و قدموا الورق و كل حاجه و بعد كده زي ما كانوا متفقين راحوا علي البيت و خدوا فلوس و راحوا عملوا شوبينج و كانت امنيه معاهم
______________
*في سينا في بيت فريد*
فريد دخل يصحي صالح عشان يشوفوا هيعملوا اي بقا النهارده
فريد:صالح..صالح يلا قوم
صالح:اممم...اي عاوز اي
فريد:يا عم يلا قوم الساعه 12
صالح:طيب طيب هقوم اهو
صالح قام دخل الحمام و خد شاور عشان كان هينزل و يروح عشان يطمن علي مامته و باباه و يشوف لو عاوزين اي حاجه...
فريد:هنفطر اي بقا يا صالح
صالح:لا لا فطار اي بس انا هروح بقا و هشوف هجيلك بليل ولا اي النظام
فريد:طب لي كده يا حبيبي ما تفطر و تنزل
صالح:لا لا خلاص لنا هنزل سلام بقا
فريد:يابني انت لسه صاحي اقعد شويه
صالح بردوا كان مصمم ان هو ينزل لبس الكوتشي و سلم علي فريد و نزل
في الطريق....
صالح حط ايده في جيبه افتكر انه خد صوره فرحه و مكنش عارف هو خدها لي اصلا و هو حبها بجد ولا اي......
صالح وصل البيت و خبط علي الباب عشان مكنش معاه المفتاح،مامته فتحتله
ام صالح:ازيك يا حبيبي عامل اي *و سلمت عليه*
صالح:الحمد لله كويس
ام صالح:عندي ليك خبر حلو
صالح:بجد اي هو قولي
ام صالح:اختبارات انبي للناشئين فتحت و هتكون بعد اسبوعين و هي في القاهره
صالح:ايوه بس هروح ازاي و كده😟
ام صالح:انا كنت محوشالك فلوس عشلن اكيد كنت عارفه انه هييجي يوم و تلعب كوره و ان شاء الله هتسافر الاسبوع اللي جاي
صالح:لا لا بتهزري صح انتي بتتكلمي بجد
ام صالح :ايوه والله بتكلم بجد
صالح انبسط بطريقه غير طبيعيه و حضن مامته و جري علي اوضته عشان يكلم فريد و يفرحه
*في الوقت ده عند فريد*
فريد اتفاجئ ان التنسيق جابله الحلم اللي بيحلم بيه هندسه القاهره و فرح جدا و كلم مامته
فريد:الو ايوه يا ماما افرحي يا ماما ابنك هبكون مهندس قد الدنيا💃💃❤
خديچه:بجد يا فريد انت بتقول اي بتتكلم جد التنسيق جابلك هندسه القاهره!!
فريد:ايوه يا ماما والله بتكلم بجد و لازم اروح الاسبوع اللي جاي علشان اقدم الورق و كده بقا بس...
قاطعته خديچه
خديجه:عارفه عارفه الفلوس انا كده ولا كده كنت كام يوم كده و ابعنلك فلوس هلعتلك فلوس بزياده عشان المصاريف و عشان تروح القاهره و كده
فريد:بجد يا ماما شكرا يا ماما واللع ابعظبم ربنا يخليكي ليا....استني يا ماما صالح بيرن عليا خليكي معايا هرد عليه و ارجعلك
خديجه:طيب يا حبيبي ماشي
فريد:الو يا صالح
صالح:فريد مش هتصدق انا اخيرا هنزل القاهره و هقدم في ناشئين انبي
فريد:انت بتتكلم بجد يا صالح ولا انت كمان هتصدق التنسيق جابلي هندسه القاهره يعني ههزل معاك و كمان كنت لسه بكلم ماما و هتبعتلي فلوس كمان كام يوم عشان المفروض بعد اسبوع اكون هناك
صالح:انا كمان الاختبارات بعد اسبوعين....شفت يا فريد مش قلتلك اكيد ربنا هيحققلنا حاجه من اللي احنا عاوزنها و ادي اول حاجه اتحققت اهي ❤
فريد:ايوه فعلا الحمد لله و بعدين اقفل بقا ماما انا سايبها علي الويتينج اصلا😂😂
صالح:طيب طيب ماشي سلام😂❤
فريد:ايوه يا ماما معلش اتاخرت عليكي
خديجه:لا يا حبيبي ولا يهمك اي صالح كان عاوز اي كل ده
فريد:كنت لسه هقولك اهو والله😂😂اصل بردوا بالصدفه رايح يقدم في اختبارات للناشئين في القاهره بردوا بعد اسبوعين بس هيسافر الاسبوع اللي جاي بردوا فهنسافر مع بعض و انبسط بكده اوي انا بجد
خديجه:طب الحمد الله يا حبيبي ربنا يفرحك دايما❤
فريد:يارب يا ديجا
خديجه:طيب ماشي يا حبيبي اسيبك انا بقا عشان تحضر حاجتك و كده
فريد:ماشي و سلميلي علي فرحه و ساره
خديجه:ماشي حاضر بس لما ييجوا عشان هما اصلا لسه بيدقموا في الجامعات كده و بعدين اقفل بقا عشان انا في الشغل اصلا و شكلي هترفد من اولها عشان عماله احكي معاك😂😂
فريد:لا لا و علي اي يلا سلام😂
فريد قفل مع خديجه و كان مبسوط جدا و مبسوط اكتر لنه هيسافر مع صاحبه مش لوحده
*عند صالح*
صالح كان مبسوط اوي و اخيرا هيحقق حلمه و هيلعب في نادي و اكيد دي خطوه انه يوصل للنادي الاهلي لان ده حلمه الاساسي انه يلعب فيه
صالح كان قاعد في اوضته و طلع صوره فرحه و حس انه عاوز يكلمها و يحكلها كل حاجه و قعد يتكلم فعلا❤
صالح و هو باصص للصوره:عارفه يا فرحه انا حلمي فعلا اني العب كوره من و انا صغير خالص انا عارف انه هبل اوي اني امسك صوره و اقعد اتكلم معاها و عي مش هترد بس عاوز حد اتكلم معاه و يسمعني كويس فقررت لني اتكلم معاكي انتي مش عارف بردوا اشمعني انتي بس انتي شديتيني ليكي كده اول ما شفت صورك و حبك للاهلي و اكيد في يوم من الايام هقابلك علي الحقيقه و حتي لو بعد سنين تعرفي انا حاسس اني اتعلقت بيكي ولا اي😂لا لا اي الهبل ده اكيد لا اتعلقت بيكي بسسب صوره بس فريد بردوا كان بيحكيلي عنك كتير اوي عشان انتي اقرب ليه من ساره و بيحكيلك كل حاجه زي ما هو كان بيحكيلك كل حاجه كده انا هحكيلك بس هحكي للصوره😅مش عارف لي انا خايف اقول لفريد اني اعجلت بيكي او حاجه بس اصل انا عاوز اتاكد لما اشوفك علي الحقيقه و انا مش عارف هشوفك ولا لا عشان كده ساكت و مش عاوز اقول لفريد.....❤
___________
بعد عده ايام....
خديجه كانت بعتت لفريد الفلوس و صالح جهز كل حاجه باباه كان عنده واحد صاحبه في القاهره خلاه يجيب شقه لصالح و فريد عشان يعدوا فيها
دلواتي صالح كان عند فريد عشلن كانوا بيجهزوا حاجتهم و عشان يسافروا
صالح:فريد...هو انا لو قلتلك اخد حاجه من البيت عندكوا و احنا مسافرين هترضي
فريد:طبعا يا حبيبي البيت بيتك براحتك بس انت عاوز تاخد اي يعني
صالح:احم...ااا عاوز اخد حاجات من اللي في اوضه فرحه دي😅
فريد:يابني ما انت قدامك البيت كله ملاقتش غير اوضه فرحه اشمعنا يعني
صالح :عشان فيها حاجات عن الاهلي و الكوره و هما عاجبني اوي الصراحه و بعدين هي اصلا مش هتيجي هنا تاني و بعدين متخافش هحافظ علي الحاجه
فريد:طيب ماشي خلاص موافق بس متاخدش حاجات كتيره اوي يعني
صالح:حاضر❤
صالح دخل اوضه فرحه و كان مبسوط اوي ان فريد وافق خد شويه حاجات للاهلي و لقي حظاظه مكتوب عليها الاهلي و حرف الF جنبها عجبته و قرر انه يلبسها و مش يقلعها ابدا حس انها حاجه ممكن تشجعه في التمرين او كده.....
بعد ما خد الحاجه حطها في شنطته و كان معاد الطياره قرب فمشيوا ..
و هما في الطريق...
فريد:تفتكر يا صالح هنعرف نستقر في القاهره و كده و احنا منعرفش فيها اي حاجه
صالح:ان شاء الله اكيد يعني و بعدين كويس ان بابا خلي صاحبه يجبلنا شقه ده احنا كنا هنتعذب و احنا منعرفش اي حاجه كده
فريد:صح عندك حق
وصلوا المطار و كان معاد الطياره جه خلاص و ركبوا الطياره...
بعد ما وصلوا راحوا الشقه و كان الوقت متاخر فقرروا يناموا و يصحوا تاني يوم يشوفوا هيعملوا اي بقا....
*بعد مرور شهر*
في الشهر ده صالح قدم في نادي انبي و اتقبل و كان بيحكي كل حاجه لفرحه"*الصوره*" و كان مبيقلعش الحظاظه بتاعت فرحه❤
اما بقا فريد فخلاص دخل هندسه و كان مبسوط جدا و كان فرحان كمان ان فرحه دخلت هندسه و بقوا زي بعض بس فرحه عاوزه تدخل قسم تصوير و فريد عاوز يكون مهندس
و النهارده كان اول يوم في تمرين صالح و كمان اول يوم في الجامعه لفريد و اخواته
*في القاهره*
صالح:يا فريد اخلص يا فريد اتاخرني علي التمرييين😒😑
فريد:يا عم اهدي اهدي خلاص بلبس الكوتشي اهو 😒
نزلوا هما الاتنين صالح راح التمرين و فريد راح الجامعه
*في دبي*
كان اول يوم في الجامعه لفرحه و ساره فرحه هتروح الجامعه مع مريم و ساره هتروح الجامعه مع امنيه و حبيبه كلهم بقول صحاب اوي و بيحبوا بعض جدا
في الطريق لجامعه هندسه
كانوا فرحه و مريم مع بعض
فرحه:صحيح يا مريم انا كل الفتره اللي فاتت دي مسالتكيش عاوزه تدخلي قسم اي
مريم:انا بحب التصوير جدا بردوا زيك جدا و كنت عاوزه ابقي مصوره كرويه و كده
فرحه:😂😂زيي بالظبط ان شاء الله حلمنا هيتحقق و بعدين مدي شويه عشان منتاخرش بقا من اول يوم
مريم:امشي اكتر من كده بسرعه اي يعني😂😂
في الطريق عند ساره و امنيه و حبيبه
ساره:عارفين اي احلي حاجه مشتركه ما بينا اننا كلنا بنحب الكوره كده و كلنا عاوزين نكون صحافيين في الكوره😂❤❤
امنيه و حبيبه:😂😂عندك حق فعلا
حبيبه:طيب يلا بقا نمد شويه عشلن منتاخرش😂💁
*بعد مرور عده ساعات*
كلهم خلصوا الجامعه و اتقابلوا بعديها و كانوا عاوزين يخرجوا بس مكانوش عارفين يروحوا فين
حبيبه:طب دلواتي احنا بقالنا نص ساعه واقفين مش عارفين هنروح فين😂😂هنروح فين بقا
امنيه:مش عارفه بردوا طب اي رأيكوا مثلا نروح اي مول نتمشي فيه
مريم:لا مش عاوزه اروح مولات انا اي رأيكوا نروح اي كافيه مثلا قريب
فرحه:لا مش عاوزه اروح كافيه😂
ساره ولا انا😂😂
حبيبه:طيب احنا كده بردوا معرفناش هنروح فين علي فكره😂😂
فرحه:طب خلاص انا عندي فكره حلوه اي رأيكوا تيجوا البيت عندنا انا و ساره شويه اي رايكوا
ساره:اه فعلا فكره حلوه يا فرحه اي رايكوا تيجوا فعلا نقضي شويه من اليوم مع بعض
حبيبه:طب طنط خديجه مش هتدايق يعني
ساره:لا طبعا يا بنتي مش هتدايق انتي هبله ولا اي لا طبعا😂😂❤
امنيه:طيب ماشي انا و مريم موافقين هيبقي يوم حلو فعلا❤
مريم:طيب ماشي بقا يلا بينا كده بدل ما احنا واقفين في الشارع زي العبط كده😂😂
كلهم:يلا بينا
راحوا كلهم عند عند بيت ساره و فرحه و انبسطوا اوي و كان يومهم جميل اوي و قعدوا يهزروا و يلعبوا و يتكلموا كتيير اوي
*في القاهره*
فريد خلص يومه في الجامعه و كان مبسوط اوي انه دخل هندسه و صالح خلص اول تمرين ليه و كان سعيد سعاده متتوصفش بجد بعد ما كل واحد خلص اتقابلوا هما الاتنين في كوستا كوفي في المهندسين
فريد:اي يا صلوح عملت اي النهارده لعبت كويس و كده
صالح:اه الحمد لله المدرب عجبه لعبي اوي و قالي شكلك هتكون حاجه كبيره اوي و انا نفسي اوي فعلا باللي بيقولوا ده
فريد:ان شاؤ الله هاكون حاجه كبيره و انا بقولك اهو
صالح:يارب....و انت عنلت اي في الجامعه النهارده
فريد:الحمد لله كان يوم كويس و كنت مبسوط اوي
صالح:طب الحمد لله بقولك اي تعالي نروح عشان تعبان اوي بجد و عاوز انام
فريد:طيب ماشي يا حبيبي هدفع الحساب و نروح
فريد دفع الحساب و وروحوا صالح كان تعبان من التمرين و دخل اوضته قعد يتكلم مع صوره فرحه شويه و يحكلها اي اللي حصل في يومه و وعدها انه هيبقي لاعب كبير ان شاء الله و هيلعب كويس و هيجتهد
فريد بقا حب انه يجتهد من اول يوم و كده و روح ذاكر و كان مبسوط عشان بيعمل حاجه بيحبها❤
__________________❤_______________
مخلصتهاش علي حاجه مشوقه النهارده معرفش لي😅بس تأكدوا ان الparts اللي جايه هتعجبكوا اوي❤
و ياريت تقولوا رايكوا في كومنت😃❤
Bent alahly💜
