بارت 1
..........
لا يسمح او يحلل نشرها بدون ذكر أسمي 🤝🏻
.............
♥️✔حنين الربيعي ✔♥️
................
ذكريات لا نريد من الدنيا غير نسيانها تدق بالرأس
ك ناقوس وتزداد كل يوم لا تنتهي رغم موتها الا انها لا زالت تنبض في القلب ألمآ
ذكريات كبرت معنا منذ الطفولة وضل ألمها يلاحقنا
ماتت واصبحت ذكرى سوداء كلما ذكرته انتفض عقلي
وقلبي واعلن جسدي بارتجافه عن خوفه بأ أن تعود
تلك الأيام وتلك ليالي السوداء وذاك الرجل والمكان
وكل شيء 🖤
:خليت المخدة واني احاول اكمل نومتي لكن امي
منعتها بصوتها العالي كعدت وخرت شعري من وجهي
باوعت الساعة 5 الفجر ياربي الصبر والله تعبت كمت
بوجهي للحمام بدلت هدومي وسويت شعري ولبست
حجابي طلعت وتعثرت برجلين ياسر اخوية جان نايم
باوعت ل اخواني جانو ٤ واني يسر واختي الصغيرة
هدى
جان عمرها سنتين رحت متوجهة عليها سويتلها حليب
ورضعتها وطلعت بوجهي ك العادة ابوية سكران ونايم
يوميآ لصبح عدهم حفلة جنت امشي واحجي بكلبي
عجنت وبديت اخبز وامي بس تحجي وتفتر يمي
ام ياسر : من الله يأخذج انتي وهاي ثانية اني ادري
بيكم بنات وما ذبيتكم بليلة سودة
يسر : ليش يمه هيج تحجين بشنو مئذيج احنة منو
شايل البيت هسة غير اني وهدى هسة تكبر وتلحك
على الضيم
: بنت الفكر ضيم مو لازم معاجبج
: لا يمه الحمد الله على كل حال هاي قسمتنا من الدنيا
فاتت من يمي وضربتني على راسي واني جاي اشلع
الخبزة من التنور انجوت ايدي ونزلت دموعي مع انو
اني متعلمة على هل منوال اجة ياسر وأخذ خبزة
وراح كلشي محجة وبعدها طلع كاظم ويركض ورا
محمد يلعبون واجة اخوية الي قبل هدى وكعد يمي
باوعت عليه وضحكت كتله شبيك
جواد : يثر ليش تبجين هم ندى ضربتج وعيطت عليج
: ولك جوجة عيب تكول ندى حاف كول مامة
: يثر تدرين البارحة شنو شفت ورحت كلت أل ندى
ضربتني وكالت بعد ممنوع توثل هناك ومتحجي ل أحد
: كملت اخر خبزة واني ابتسم عليه شلون يحجي
ويكطع بالكلام كتله شنو شفت يروح اخيتك
أنت تقرأ
يسر والخمر وليالي العسر 🖤
Romanceقصة جديدة خطها قلمي من ارض الواقع تتحدث عن فتاة في مقتبل العمر يسر فتاة ضلمها ابيها شراب الخمر ليبيعها الى أحد اصحابه مقابل أن يسد دينه اشتراها من والدها وامها التي لا تكترث لها تفضل الأولاد على البنات ذهبت يسر مع ذاك الرجل المجرم رزقه من الفتيا...
