يسر والخمر وليالي العسر 🖤

يسر والخمر واليالي العسر 26🖤

بارت 26
................
لا يسمح او يحلل نشرها بدون ذكر أسمي 🌹
....................
❤✔بقلم حنين الربيعي ✔❤
......................

قصي : عوفنا من سيرتهم بعد الولد مات الله يرحمه

ميجوز نحجي عليه

عدي : زين اكلك شلون انروح بالفاتحة لو لا

قصي : طبعآ انروح عيب من العالم مهما يكون أبن

عمتنا ومحسوب علينا بس لا ناكل ولا نشرب

عدي : هههههههه نادين ديري بالج مني اخاف ارجع

ولن متهجم عليج وكاتلج ومعذور مو بيدي

نادين : ههههه والله اعوفك وانهزم بليلة ضلمة

عدي : هااا ولج بعتيني اني زوجج

نادين : لا ما بعتك بس اني اخاف من هيج حالات

لو ابني مو زوجي

قصي : هسة عوفونة من هاي سالفة احجولي بالمخبلة العندي كالت البيت عمتي

العرس نهايت الشهر

أم قصي: ياااا يمه لا ميجوز شيكولون الناس علينا

عرس ابنهم وابن عمته استشهد

عدي : اي هم صحيح الناس الها الضاهرة هسة يحسبو

شهيد علينا ونطلع احنا الموخوش وهمة الملائكة

يسر : جنت اباوع بس بالوجوه هم حقهم مهما يصير

ابن عمتهم والناس تحجي واني اصلن ما مستعدة

للزواج وضعي ميسمح بس كلت هيج حتى اقهرها

حمحمت وكلت قصي ترة اني كلت هيج بس حتى اقهرها

لتخلي بالك

قصي : هسة الله كريم انشوف شلون تصفى وبعدين ..

هوة شوكت راس الشهر شكد بشهر اليوم

عدي : اليوم 23

يسر : ههههههه بعد سبع ايام

قصي : أحح ماعندي شي عادي نزوج بعد سبع ايام

واذا تردين اليوم ماعندي اشكال

ام قصي: ولك يمه عيب ما تخجل انته

عدي : انتو ضلو اني اروح اتعشى جعت راح اجيب

من برة اشتهيت كباب

يسر : لتحسب احسابنة متعشين

عدي : اممم اكول بيكم حيل تحجون بس ميخالف

راح اتأخر لئن أمر على ولد صاحبي الذاك الؤقت تجوعون

ام قصي: روح ابو بطن من يوم يومك حتى من حبلت

بيك مصيت عافيتي صرت جلد ع العضم واجت

انته متفح وزنك 4 كيلوات ونص