معاناة امرأه

بارت اول

قاوم فالظروف لا تأتي كما نهواها ولا تسير كما نرغب دائمًا، الحياة لا تحتاج منا التوقف أو البكاء، تحتاج فقط المقاومة.ۦ♥️🌙،₎⇣

مرحبا .
اني زهراء عمري 19 سنه موصفاتي بشرتي  حنطاويه وعيوني بني غامق وطولي وسط لا قصيره ولا طويله..
اعيش ويه عمي وعمتي وبنتهم بعد وفاة زوجي .
عندي بنت وحامل .
طبعا ياسر حبي اول ...اني مكمله دراسه متعجبني مدرسه فبطلت .
اتعرف على ياسر بعرس كريبنه صارت بينه صداقه وراها حب .واتزوجنه....
عمتي متحبني لان من بدايه هي رفضت زواجنه بس ياسر جان يحبني ومقبل اله ياخذني  وياسر وحيد ل3 خوات جبيره وسن الوسط ليلى وصغيره اسراء بس اسراء باقيه..وسن وليلى متزوجات
..
خلصت فاتحه واني ميته جسم بلا روح ..
وهنا بدات معاناتي ..بلفاتحه عمتي وبناتها بس تحجي عليه كانو اني موته😔..
حقهم ماالوهم ابنهم الوحيد ..  خلصت فاتحه وناس تجي وناس تروح..واني بس ابجي ،،، ليش عفتني حبيبي لمن اضل عايشه ....
ماما ما تركتني ابد دووم ويايه رغم حجي عمتي عليها ...
خلصت فاتحه ..وماضل احد ببيتنا من صبح عمتي كعدتني على شغل الي ضل من فاتحه واني روحي طالعه وبس ابجي
على ياسر ..وعمتي بس تحجي عليه
حتى امي متحمل وراحت من حجي عمتي لسانها ينكط سم ..
كعدت وشغل كسر ضهري وبدايه حملي وعيوني كوه ينفتحون.من البجي ...اشتغل وابجي ...
للضهر خلصت وطبخت صبتلهم وتغدو..
ام ياسر: عمت عينج اكل ميتاكل .
زهراء:عمه والله مابي شي
ام ياسر: فوكاها تجادليني ..اكولج ميتاكل
سكتت حتى لااسوي مشاكل ومالي خلكها ..
خلصت غداء وشلت وغسلت ونضفت...
وراها سبحت ملاك .اخ بنتي اتيتمتي وانتي صغيره..
نومتها ونمت واني ابجي..
كعدت عمتي فوك راسي ..
ام ياسر:كوم فكره امج بومه اجت.
زهراء : اي جيت
ام ياسر نايمه عساج متكعدين وجه فكر... هيج منج..وهيج من اهلج
وضلت تحجي..
نزلت شفت ماما وبابا وايهم حضنت ماما وابجي..😷😭
زهراء:ااخ يماما شصار بيها
ماما ضلت تصبر بيها..

مرات ايام واني مثل خدامه.. عمتي واسراء  بس يذلون  بيها وره موت ياسر  حتى كامت تسب باهلي واني لا حول ولا قوه  موت ياسر كسرني....
مرت على موت ياسر 7 اشهر واني صرت بل8 ماضلي شي
ناس تجي توسي وناس تحجي .مراء ارمله شلون تعيشين ...وووو

بيوم جانت جمعه اجوي خوات عمتي ..شكد اكرهم بس يحجون..
هم 6 خوات ........اجوي خوله وسعاد واولاد سعاد ..سعاد عدها 5 اولاد ومن تجي تجيبهم ...كلهم  شباب ابد ماارتاحلهم ...
سعاد: شعندج مباقيه هاي فكره يمج .
ام ياسر: بس تلد اخذ احفادي  اوديها بيت اهلها
سعاد :زين تسوين هاي فكره خلي تولي بيت اهلها ام رياجيل..
اني سمعت هيج وعقل ماضل بيها كلشي ولا جهالي هاي من ريحه ياسر حبيبي مااقبل ياخذوني جهالي لو تخرب دنيا ..
عصر .وكفه اشتغل .واحس ايد تمشي على خصري وضهري..اندريت ..اشوف عبدالله .ابن سعاد جبيره
زهراء: شتريد
عبدالله :ما اريد شي بس اريدج انتي..
زهراء عفيه ابتعد عني
عبدالله : شنو اني مخبل وابتعد..
زهراء : اصيح والم ناس عليك
عبدالله: يلا صيحي
اجيت  اصيح وهو لزمني وخله ايده على حلكي ..واني ادفع واريد يبتعد هو يشدني .حيل واني ابجي ودموعي عشره عشره ..
انفتح باب مطبخ ودخل عمي.......

.....................ً....................................
قصه جديده هاي اول قصه الي انطوني رايكم حتى استمر 😘