لاْن بنيه ضِلموني (مكتمله )

بارت الاول

السلام عل من رد السلام ❤💐
شلونكم حبايب.... مع اجمل
التحيات للكاتبه
NotelJubouri
بنت جبور

بقلم ،،رقيه غانم

من ذا الذي ...
دلك علئ طريقي
ومهجتي
عجباً أكنت منيتي؟
لذأ اصطفاك الله من بين
البشر كي تكون حكايتي

********

نهله ""اه آه الحكيلي لح اموت يمه بطني ولك

سعد الحك متت اهئ اهئ

سعد "" تحملي يروحي تحملي هسه اخذج للقابله

سلمئ وينج سلمئ روحي حضري روحج خويه

سلمئ ""ها اي اجيت اجيت جنطه الطفل وين

نهله ""يبووووو يمه لحكيلي

سلمئ""عليكفج نهله قابل اول واحد

سعد ""وكت حجي استغفرلله روحي اركبي
بسياره عل سريع

نهله ""مشت السياره بيه واحس روحي تطلع ما اتحمل وصلنه لبيت القابله

بعد مرور ساعه

ها سلمئ بشري

-الف مبروك خويه اجتك بنيه

سعد ""الله يبشرج بخير الف الحمدلله وشكر

نهله ""هاي شنو بنيه لو ادري مامخلفه صار 3 ساعات اطلكَ

ولج كولي الف الحمدلله وشكر عل تمام

الخلقه دشوفيهه شلونهه عيونه خضر عل سعد

نهله ""دوخريهه من يمي هسه تعبانه مو وكتهه

سعد ""اسمع بحجي نهله وماكدر احجي
وياهه اكول خطيه ستوه جابت...

سلمئ""شبيج ضايجه

ليش مأ اجاني ولد

سلمئ""ولج كولي الف الحمدلله وشكر نتي
شتحجين نتي مو عندج ولد اثنين و أربع وهسه
نورت الخامسه هاهيه اكو عالم محرومه من الطفل استغفري ربج

نهله "" عود استغفرلله

ألئ اين يا قدري؟؟
أين عداله السماء
ستبدأ حكايتي

سنه 1982 بغدأد الاعضميه ساعه 5 العصر

سميه "" اركضي ختلي ولج رهام لا تندل مكانج
يمه بطني من الركض بعد مأكدر احس روحي طلعت
امشي واتلفت اريد مكان اختل بي

رهام "" بنات كافي نركض ونختل فدوه خلي نلعب
شده يا ورد فدوه

رهام شبيج مو دنلعب ختيلن والله موتينه بشده ياا ورد يله بنات تعالن كل وحده تلزم ايد الثاني

نهله ""سميه تعاي طبي جوه يله كافي لعب

اي يمه هسه اجيت.. طبيت للبيت وغصه
بلعومي ماكدر احجي واني ستوني طلعت لأزم مأ
اعاند....جانت امنيتي واكول يمه خلي اضل شويه
اللعب تكتلني بدون تفاهم احنه متعودين يوميه
العصر نتجمع بنات المنطقه ونضل لل مغرب بره
نلعب بيت ابو بيوت وكل وحده اجيب لعيبته ال هيه عباره عن قماش مسويهه النه النهار كله حاطته وياي وافتر بيه واسويلهه هدوم منطقتنه هادئ بالاعضميه بغداد جوارينه كلش حلوه واحد
يدخل بيت الثاني النسوان الكبار كل وحده اباب بيته العصر وترش بشارع وريحه الطين تملي المكان وريحه الحرمل وبخورات تطلع من البيوت والدي الله موفقه وخير من الله من صياغين الذهب حنون وطيب ويحبنه خاصه احنه البنات من اجيت لدنيا لحد هل لحضه امي ما حبتني جانت امي ماديه الئ درجه وعنوديه وتحب الولداكثر من البنات NotelJubouri