احتواك قلبي وفكري

البارت السابع

زارا مرت الايام وكنت بين فترة وفتره اروح البيت محمد وتعلقت بيه وبمحمد مانكر حبيته وحته كنت اراقبه احظه بلحظه بس مابين هلشي اله وكانت دائما صير مواقف تجمعني ويا ويالله مرات احس بي يحبني ومرات لا طبعا بنسبه السالفه علاء اني الولد ماحبه صح هوه يحبني والمثل يحول اخذ اليحبك ولاتاخذ الي تحبه بس كلبي عاشك ثاني المهم يوم من الايام كنت رايح البيتهم لانو محمد كلما اروح يتصل علي يكول بيبي تريدج واني استغل هاي الفرصه واساله عن حاله بس كان هو كلعاده ميجاوب اله علمحدود حسيت اكو سالفه مخليته بهل شكل فكلت لازم اعرفه من بيبيته اومنه بس شون المهم رحت البيتهم وسلمت على بيبيته وكعدت اسولف وياهه فكان كلت

بيبي محمد ليش مغرور وخشمه مرفوع

الجده هههه لا يمه مو مغرور بس هو هيج

زارا شنو هو هيج اكيد اكو سالفه مخليته يصير هيج

الجده والله يبيبي جنج مصره تعرفين سالفه رح اكلج ياهه

زارا كانت بيبي تحجي واني اتمعن بلكلام واكول معقوله اكو هيج بنات يغدرن بلي يحبهم ومبين كان حيل يحبه افكر واكول ليش هاذ الحب لو كان الي كان شلته بعيوني فززني صوت بيبي

الجده وهاي حالت محمد كلما نفتح الموضوع يكول سدوه جزعنه وين كانت ضحكته ماليه البيت اريده بس يرجع على طبيعته

زارا بوقته فكر ليش ماحجي ويا بلموضوع بلكي يقتنع ويحجيلي عن سبب نكد الي هوه بي بقيت كاعده احوس اريده بس يجي الى ان سمعت هور يعني اجا رحت فتحت الباب

زارا شونك محمد

محمد الحمدلله

زارا عافني وراح بس كال زارا ممكن جاي اني تفاجات لان بعمره مطالب شي مني حميت جاي واخذته وصعدت فوك دكيت الغرفه

محمد تفضل

زارا الجاي

محمد مشكوره

زارا ولو بقيت اباوعله وهو يشرب الجاي

محمد اكو شي

زارا عندي وياك موضوع بس كمل جاي

محمد لا حجي

زارا كمل

محمد داكلج احجي كملت

زارا بس رجاءا لتعصب وتاخذه عله غير شي

محمد احجي يابت الناس

زارا محمد اني دائما اشوفك عصبي ومو طايق نفسك وحته ابتسامه وحده متبتسم وكنت اكول عليك مغرور محمد ليش متغير نفسك ليش مشوف حياتك من جده وجديد غيرك عاش حياته وانته حزين ليش شوف حياتك افرح اتونس

محمد لي انتي شتعرفين عني

زارا اني اقدر وضعك لان اعرف مشكلتك