سجى:روحت فرحااااانه خشيت الحوش وشفت امي زي العاده مقعمزه في سريرها تراجي فياا
سجى:خشت لدار وباست راس امهااا....البشاره ياغاليه
بدريه:بصوت كله تعب ومرض.....بشريني يابنتي
سجى:حصلت شغل راتبه كويس هلبااا
بدريه:ابتسمت....الحمد الله شغل شنو هاذا؟
سجى:تفتح في الدواء...مش علرف بزبط بس في فندق ومكان محترم تو بعد شوي بنتصل بي الراجل نفهم منه
بدريه:احوو احوو احووو
سجى:هي خوذي دواك
بدريه:خذت الدواء وشربتها سجى شوية اميه
سجى:صحتين
بدريه:سلمك وربي يعاونك بنتي
سجى:ان شاء الله😊
وجدي:روحتي
سجى:تنهد ومنزعجه....وين تسوف فيا يعني
وجدي:هاتي 20جني
سجى:معنديش
وجدي:مسكها من يدها بقووووه ....هاااتي فلوس قتلك😡
سجى:تتألم قتلم معنددددديش
وجدي:ضربها كف وقعد يفتش في شنطتها لين طلع الفلوس
سجى:وجدي بالله عليك الفلوس بناخذ بيهم دواء لي امك😭😭😭
وجدي:تكذبي عليا انا يا كلبه يامطلقه يامعفنه
بدريه:بصوت تاااعب....وجدي بعد من علي اختك
سجى:وجدددددي استنى هات الفلووووس دواء امك حرام عليك
وجدي:دف سجها لين طاحت وخذي الفلوس وطلع
سجى:ناضت تمسح في دموعها قدام امها
بدريه:تبكي وهيا مش قادره تتحرك وتحضن بنتها وتخفف عليها
سجى:حضنت امهاا....خلاص امي اهدي عادي تو خدمتي الجديده ان شاء الله ناخذلك الدواء بيخلصوني بي اليوميه
بدريه:ابتسمت وهيا تدعي لي سجى
سجى:ناضت للمطبخ توتي في العشي لي امها واتصلت بي رقم الراجل صاحب الشغل الجديد
امين:الو
سجى:الو السلام عليكم
امين:وعليكم السلام تفضلي؟
سجى:انا البنت يلي عطيتني رقمك اليوم بخصوص الشغل
امين:ابتسم....اهااا اي اي عرفتك
سجى:للصراحه انا في حاجه للخدمه في الوقت الحالي
امين:فاهم عليك اي ...خلاص انا توا نبعتلك عنوان الفندق اول ماتوصلي قوليلهم انا من طرف امين واستنيني لين نجيك
سجى:تمام
امين:ياالله شويه ونبعتلك العنوان
سجى:بارك الله فيك
امين:ولوو....وسكر الخط
سجى:قعمزت مع ماما عشيتها وانا فرحااانه الحمد الله مزال الدنيا فيها الخير وفيها ناس تساعد كملنا العشي غيرت لي ماما وساويتلها سريرها ورقدت فرشت جنب سريرها وحطيت راسي ع المخده نفكر في بابا كيف طاوعه قلبه وسيبني؟ليش فضل توأمي عليا؟اخر مره سمعت من وجدي خوي ان بابا توفى محسيتش بي الم كان خبر عادي كأنه راجل غريب مات وتمت قعدت نفكر في توأمي رهف ياترى كيف عايشه مع عمامي؟زعما حتا هيا متبهدله زيني ومش لاقيا من وين تاكل ؟كيف شكلها بعد ماكبرت قاعده نسخه مني او تغيرت ؟ومن بين كلللل هاذي الاسئله دمعتي نزلت منعرفش ليش هل استاحشتها؟ولا ساخفه عليها وعلي روحي كنا ضحيت طلاق 💔_____بعد هلباااا خطط وافكار غرقت في النوم بدون منحس بي روحي
اما عند توأمها رهف:—
رهف:راقده علي سريرها المريح وشبعانه ❤️ومقعمزه تفكر حتا هيا تعبت من كثر متحاول مع اعمامها وتطلب منهم تشوف امها ويرفضو ويقولولها امك سحاره💔صح عمها ومرته وصغاره كانو شايلينها ع كفوف الراحه ومفيش ولا حاجه تنقصها بس حرموها من امها وتوأمها وخوها
