ما أحلل لأي شخص ينقل القصة بدون علمي 😊
القصة من خيالي
بس موجود بواقعنا مثلها
القصة ما بيها حب وهيج شي
وإنما تحجي عن حب العائلة وشنو يصير اذا فقدناها (لاسامح الله)
تحجي عن نهاية الجشع والطمع
واذكرنا انو الله موجود ويشوفنا كلنا ويأخذ حقنا
القصة بي...
-صار لازم احجيلكم عني اسمي أزل حاليا عمري 28 مواصفاتي وجهي دائري بيضة عيوني عسلي كبار خشمي وسط شفايفي صغار بس منفوخات شعري طويل يوصل لتحت ضهري لونه جوزي فاتح يعني على شگآر شخصيتي غامضة لأبعد درجة ما أثق بأحد باردة صورة أزل بس أزل عيونها عسلي وشعرها أطول
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يمكن الضروف العشتها سابقا خلت شخصيتي هيج بس احسن اصير قوية أخذ حقي بأيدي عندي نقطة ضعف وحيدة وهي الاطفال الاي☹تام والسبب أيضا طفولتي وماضيي•••••••••••••••••
جان عمري 8 سنين بهذاك اليوم الي دمر حياتي جنت راجعة من المدرسة فرحانة جنت ماخذة عشرة من عشرة بالاملاء بس ضايجة هم تعاركت وية وحدة بالمدرسة ورحمه المديرة طلبت أولياء الأمور وأخاف من ماما شلون اكللها جنت بس اريد أوصل للبيت علمود اراويها البابا والماما جانت مدرستي قريبة علبيت يعني بينه بس شي 9بيوت فجنت امشي دك الجرس وطلعت من المدرسة أركض بس شفت كومة سياارات يم باب بيتنة شفت عمامي الثنين ماجان عندي وخال وحالات لأن ماما وحيدتهم وما عندي عمات عندي بس عمام ثنين طبيت للبيت أركض شفت كومة نسوان يبجن حيل جنت طفلة صغيرة ما افهم بس يمن شفتهن خفت كمت أركض بالبيت ادور على ماما لأن خفت ردت اكعد يمه بس ماما ماكوو مجانت موجودة كمت ٵﺒ😭ڇۑ اسمع النسوان يكولن يااا خطية بعدهي صغيرة ونص يكولن منو الهة اسأل شكو محد يجاوب طلعت لباب البيت ركضت على عمي -عمو عمو شكو شصاير ماما ماهية 😢ماما وين أخيرا واحد جاوبني بس ياريت لو مامجاوب -امج وابوج راحواا بعيد -يعني سافروا بس ليش ما اخذوني اني اشتاقلهم مااكدر 😭 -لا ماسافروا امج وابوج صار بيهم حادث وهم راجعين من الدوام وماتوا -شنو عمو شتكول بابا ميتركني اني وحيدتهم هم يحبوني ميتركوني لااااااااااااااااااا لااااااااااا ماما منو الي غيرج بعدني ماشابعة منج بابا حبيبي مو تكول ما احب أشوف دموعج هسة انت نزلت دموعي ارجعوا حبابين ارجعوا صيحوا علية اضربوني ما أزعل ۈآلْـَلْـَھ بس ارجعوا ..........
اجو دخلو وشايلين بيدهم تابوتين خلقهم بالنص وطلعوا دفعت الكل وركضت ذبيت روحي عل تابوت فتحت التابوت مال بابا وابجي واكلة -بابا شوف جبت عشرة بالاملاء ليش متكعد تشوف هاا مو كلت ما اتركج فتحت تابوت ماما -ماما يروحي انتي اليوم تعاركت وية وحدة بالمدرسة كومي عاقبيني صيحي علية بس كعدي حبابة يردون اولياء امري يجون منو يروح اكلهم ولي امري راح ما عندي ولي أمر بعد شالوني يردون يطلعون التابوت كمت اصيح بكل صوتي -لاااااااااااااااااا لاااااااااااااااا لتاخذوهم هسة يكعدون نايمين لان تعبانين من الدوام باااااااااباااااااا أريدك تعااااااااال حباب منو الي غيرك ماما تعاي اريد أشبع من حظنج المن عفتوني ها¿¿ اخذوني وياكم يااااارب أخذني لبعيد ويلهم ما اكدر أضل بدون اهلي اشتاقلهم اخاف ما اكدر بدونهم 😭 😭 😭 😭.............
يتبع .....
اني ها لسنة وزاري لذلك راح أضل أكتب بالقصة وتنزيل بأوقات فراغي وهذا بارت هدية راح أحاول أنزل قد 3 بارتات ويا قبل الدوام يعني خلال هالاسبوع
