💔المنحوسة💔
ج6/جاسم:مشغليش يعني انتي بغيتي تبقاي منحوسة هدا متال انتي خترتي قدرك... خترتي تبقاي منحوسة... طفا الكامرة وخبعها وبقا مراقب السماء بقات تسنيم حايرة حسات بتأنيب الضمير مكانش عليها تجاوبو بديك طريقة شافت فيه وقالت:احم واش انبقاو هكا معلقين معندكش سكين ولا مقص
جاسم:جبت أكل جاهز وعاد مكانش يسحب لي ايوقع هكا مجبتوش
تسنيم:عمرني شفت شي حد ماجي لغابة الأمازون لي معروف انها خطيرة ومجابش معاه سكين
جاسم:ايه وعلاش مجبتيهش انتي يا آنسة
تسنيم:على العموم غادي تكون غير شبكة عملها صياد غدا يجي ويفكنا
جاسم:هه زعمة قلبتي موضوع
تسنيم: صافي سكت سكت عرفتك عايق وفايق
جاسم:اشش واش سمعتي لي سمعت
تسنيم:شنو.. سكتت بدأت كتصنت كان صوت الأشجار كيتحركو وخطوات قراب ماجين واصوات غريبة... اوه شي حد جاي يفكنا
بدا صوت كيقتارب حتى دارو بيهم رجال لباسهم غريب شبيه بالهند الحمر ... أقدم شعب بأمريكا بداو كيرددو بعض الأصوات كاغاني
جا واحد قطع الحبل لي كانو معلقين بيه طاحو فالأرض دورو عليهم حبل وربطوهم مزيان وبداو جارينهم
بدا جاسم كيحاول يفك راسو منهم وكيترطا ليهم والو مقدرش اما تسنيم فكتفت انها ترسم على وجهها تعابير الحزن وندم... الندم على أنها عطات لراسها فرصة
أنت تقرأ
قصة المنحوسة
Ação🔕كيقولو المثل المنحوس منحوس ولو حمل على رأسه فانوس🔦وبهاد المثل البطلة عاشت بيه حياتها كلها كتعتاقد انها منحوسة كتحاول تبعد على الكل باش متصيبهمش بنحسها ✋ولكن تقدر يوم من الايام تتخلص من نحسها وشنو هي الطريقة🌚 رحلة للتخلص من الطاقة السلبية رحلتنا...
