الجزء السادس من قصه .. البيت المسكون .. ☠
تاليفيي انا {{ Manar Elnashar }} 💙🌍
رايكو من غير مجامله .. ومنشن لصحابكو الي بتحب الرعب
الكل بداء يبص للتانى ويحكى اللى.حصلوا علشان يشوفوا حل ف المصيبه دى وبدئوا يبصوا لسالى اللى عنيها ع السرير كلهم بصوا للسرير والمرايه ملقوش حاجه بس لقوا طلاسم جديده على الحيطه
احمد:لا انا مش هترجم حاجه انا تعبت حاسس انى مخنوق اوى والمنظر مش راضى يمشى من خيالى
الكل ف صمت رهيب قطع صمتهم صوت رجلين الكل اتنفض من مكانه
سالى : انا عايزه امشى كفايه كده
حمزه:يعنى هيحصلنا اى اكتر من اللى حصل
تعالوا نشوف مين اللى تحت
اتحركوا كلهم ماشين وكل واحد بيفكر ف المصيبه اللى فيه
صوت الخبط عمال يزيد ومحدش عارف يحدد مكانه بالظبط
حاسين بتشتت ودماغهم ابتدت تتعب
حمزه:انا مش قادر دماغى مش قادر استحمل
محمد:احنا لازم ندور على مصدر الصوت ده يلا بينا
بعد دقايق الصوت وقف تماما
سالى: احنا لازم نمشى ونبلغ البوليس
احمد:صح يلا ونبلغ ونيجى قاعدتنا مش هتفيد
الكل بداء يقتنع وبدئوا يتوجهوا للباب وحاولوا يفتحوه ومش راضى يفتح
محمد:احنا شكلنا اتحبسنا هنا
حمزه:انت ساكت ليه ي احمد م انت ليك علاقه بالسحر والجن خرجنا م المصيبه دى ورجعلى حبيبتى
احمد: انا ممكن احاول بس انا محتاج حاجات كتير اوى
محمد:خلصنا ي احمد نشوف البيت ده فى اى وخلصنا ومشينا من هنا
احمد:تمام محتاج خصله شعر بنت و ورق وسكينه و.................
حمزه:تمام يلا ندور على الحاجات دى كلها
بعد دقايق الحاجات كانت موجوده
احمد طلب منهم كلهم يقعدوا ويرددوا وراه بس من غير ما حد يفتح عينوا حتى لو حصل اى
احمد: ياااقادش يا ملك من ملوك الجن اطلب منك ان تخرجنا من هنا وارجع لنا فقيدانا يااقادش يا ملك من ملوك الجن اخرجنا من هنا
هزه عنيفه جدا ف البيت كلوا تعالوا اوصفلكوا البيت من وجهه نظر احمد نور عمال يطفى وينور ودخاان كتير جداا جدااا وحراره عاليه جدا والشبابيك كلها اتكسرت ووقعت ع الارض الاثاث عمال يتحرك
احمد: محدش يفتح عينووووو
وبعدين ابتدت مخلوقات ضخمه تظهر وتضرب الارض واحمد اتكتم من صدمه اللى شايفوا حاجه فعلا ترعب شايف .. مخلوق ضخم جداا جدااا واحمد قام وانحناله وبداء يتكلم بلغه غريبه محدش من اصحابوا يعرفها وفجأه حصل حاجه احمد مكنش مخططلها ....
