حقيقيه💔
كل القصه يابنووتة الشيخ حبيتها هلبا من لما كانت تقرا في الاعدادي هيا بنت جيرانه وحوشنا ميفصلش علي حوشهم سور يعني جنب بعض كأنه حوش واحد اسمها رنا من حبي ليها مخليتش حد يخطبها ودرت العار لين تخرجت وخطبتها وهيا تموت فيا منقصت عليها شي والف واحد حاسدنا برا برا برا لين في يوم كلمتني وقتلي صاحباتي فاتحين فيس خاطري نفتحه وانا رفضت وبشدددددده رغم اني انا فاتحه وقعدت شاك فيها هلبا وقتها كيف طالع النت والفيس والنيم
المهم فتحت ايميل من وراي ومن العباطه متاعها فتحت من رقمها وطلعلي وانا من لما شفته ناااار ولعت فيااا ومخليت مسمعتها وهيا مدارت شي غير تبكي وتتأسف مشيت في نفس اللحضه لي حوشهم وخذيت تالفونها فتشته ملقيت فيه شي حتا ايميلها كلها هدرزه مع صاحباتها وكلام عادي لاكن انا متحملتش وقعدت شاك ومخليت مدرت وفسخت منها برغم مزال شهر بس علي العرس وهيا حاجزه في كل شي ترجتني هلبااا وتأسفت بس معادش عطيتها وجه وسكرت سريبها
ثاني يوم خطبت بنت جرانه الثانيه وكانت صاحبتها ووافقت طول بدون اعتراض سمعت ان بو رنا جاته جلطه وهلبا قالو لاني سيبت بنته قبل شهر بس من زواجنا لاكن انا مهتميتش لان عيوني ناااار من يلي دراته فيااودرت العرس في نفس الموعد مغيرتاش درته في جنان حوشنا يلي هوا جنان حوش حتا رنا معادش شفتها بكلللل لين كمل العرس خذيت عروستي وسافرت تونس قعدت اسبوعين
عروستي الجديده كانت هاديه واي شي نقوله حاضر ومن عيوني بس تصدقو معجبنيش طبعهاتعودعلي رنا وعنادها وجوها كل مره كنت نقارن في مرتي بيها لين بجد استاحشتها روحنا من تونس وبدت المشاكل مع مرتي وكرهتهااااا من اول شهر لدرجة رجعت حوش اماليها وانا قريب نهبل نبي رنا حاولت نوصل في رقمها لين حصلته اخيرا
اتصلت بيها قتلها استاحشتك ولو يرجع بيا الزمن راهو سامحتك لان غلطك مش كبير الحق علياا سكتت شوي وقتلي بكرا نتلاقو قدام حوشنا مع الضهر فرحت هلبااا ونضت من الساعه 11نستنا فيها لين طلعت من الحوش كان وقتها شتي شفتها لابسه كبوط ووشاح اسود كانت ذاابله وفيها شي متغير بس معرفتش شنو طلعت وراها امها شاده صاكو شبحتلي شبحه اخخخخخي وركبت السياره
شبحتلها وقلتلها وين ماشيه رنا ؟
رنا:متكلمتش وصدمتني لما نحت وشاحها وكانت بدوووون شعر قعدت واقف مصدوم وبس
رنا:جاني السرطان بعد جوازك وراح شعري يلي كنت تحبه💔من جرعات الكيماوي قتلتني قبل ميقتلي السرطان يامحمد انا ماشيه للمشفى توا وعارفه روحي مش رح نروح عارفه اني رح نطلع من المستشفى في ثابوت
محمد:رنا نحبببببببك مستعد نوقف معاك وتو تصحي نبيك بالله عليك خليني نوقف معاك خليني جنبك 💔
رنا:منبي منك شي خليني نموت بسلام خليني نموت بهدوء وربي ياخذ فيك الحق ....وركبت السياره مع امها
توفت رنا سنة2010 ومتت معاها 💔حاليا جسم بدون روح بسبب غلط تافه داراته ومسامحتهاش
