ثاني اقوا قصه توصلني ع الخاص الاسبوع هاذا 🔥🔥
قصة الدكتوره فكرتني بقصتي هلبا 💔انا اسمي لمياء متخرجه معهد متوسط من عيله متواضعه وحالتنا الماديه تاعبه هلباااااا يا اروى حوشنا عربي وقديم بابا يشتغل صبح وليل ومش ملحق ع شي
المهم مشينا العرس قريبنا وشافتني مرا عجبتها وعطتنا موعد عشان تجي تخطب
واليوم يلي بيشوفوني فيه والله يا اروى بدون مبالغه كان اسوء يوم في حياتي💔
ع المهم خواتي وماما نايضين من الصبح ينضفو ويلمعو في الحوش خوتي ولاد زوز عمرهم14السنه طلعو يخدمو في غسيل السيارات عشان يجيبو الحجات يلي ناقصه وبابا تسلف فلوس عشان ياخذلي ضيافه تستر 💔اما انا خذيت لبسه محترمه من صاحبتي
وصلو امه وخواته الزوز والعريس اسكه خليل طبعا خواته من لما وصلو وهما ينخصو في بعض وميتين من الضحك ع الاثاث القديم يقعدو ساكتين شويه بعدين يوشوشو ويضحكو وحتى طريقة كلامهم بي استهزاء علينا لين امهم حست وفنصت فيهم وهما ولا كأن💔امي تأثرت وخواتي نفس الشي بس محبوش يوضحو
منحكيلكش علي شعوري كيف هازيين عليا وعلي تقديمنا يحكو ع الماركه والفلوس ومره مره تطلع منهم ضحكه
نداني بابا عشان نطلع للعريس قلت يمكن يكون كويس لبست وشاح وطلعت سلمت عليه وقعمزت قالي جديات مش متحشمين منه حوشكم عادي تستقبلو في الناس؟؟
انا نصدمت وقلت بالك مش قصده سألته قتله ع شنو تحكي؟!
قالي حوشكم قديم والحيوانات يلي بوك مربيعهم برا بروووحهم وميت بضحك ..بعدين قالي تعرفي كان مش ع خاطر امي راهو مجيتش لاكن به يلي جيت باش نضحك شويه
لمياء:حسيت بغصه في قلبي وهوا مستمر في الكلام
خليل:امالا السوريه يلي لابسها بوك تقول طايح من فيلم عمر المختار
لمياء:معش قدرت نتحمل نضت وقتله والله لو تكون اخر واحد في الدنيا مناخذك وطلعت من المربوعه نبببببببكي نبككككي وخانقتني العبره لين روحو معاش طلعت
قعدت ماما تهدي فيا وخواتي بس قلبي نااار ع الموقف صليت قيام الليل وندعي من وسط قلبي ربي يجبر بخاطري ومرقدتش هذاك اليوم لين اذن الفجر وانا نبكي وبس وجعني كسرة خاطر بابا يلي تسلف ع خاطر ناس تتعزى عليه وجعوني خوتي يناري صغار كيف فرحانين بيا وخدمو وجعتني ماما كيف تأثرت هيا وخواتي 💔
بعد مرور سنين وسنين وسنين
لمياء:خشت لمعرض سيارات تتمشى جت عينها في عين خليل واقف جنب سياره ويمدح فيها عشان الراجل يشري ...قربت منه لمياء تتأكد لو هوا ولا لا وفعلا طلع هوا وشافها
خليل:اول مشافها ضحك ....اهلا اهلا تبي سياره؟!ولا ادوري في خدمة غسيل سيارات 😂😂😂
لمياء:مقدرتش نرد عليه لان عقلي في لحضات اذكر هذاك اليوم المشؤم
خليل:الوووو يالله قولي شن تبي ولا اطلعي مفيش مكان لي الشحادين هنايا
لمياء:شكلك جديد هنايا انت
خليل:اي جديد وشكلك تشحتي كل يوم هني
هيثم:اسف تأخرت عليك ....ومدلها فلوس هاااك خليهم في شنطك وبعدين نحكو تشربي حاجه ولا نطلعو؟!
لمياء:خذت منه وقعدت تشوف لي خليل
هيثم:حس ان في شي....خيره ضايقك؟!
لمياء:لالا
خليل:مش فاهم شي
هيثم:خيرك به صاير شي؟'دارلك حاجه؟!
لمياء:لالا حرام متقطعش رزقه خليه بس يمكن ميعرفنيش يسحابني بنشري
خليل:يا مدير انا....
هيثم:بجديه....هني روحك هاذي المدام في الجديد تشوفها هنايا احترمها ودخلها متقعدش تستنى
خليل:قعد ساااكت معرفش يرد حتى كلمه وطلعت لمياء مع راجلها
يلي صار بعد خليل ربي بعتلها هيثم وكانت حالته الماديه متريحه هلباااا خطبها وقعد يخدم في بوها معاه وكل مره تتحسن حال عيلتها لين ولت ممتازه وتزوجت هيثم حاليا عندها 3صغار زوز ولاد وبنت وخليل سيب الخدمه لما عرف انه يشتغل عند راجلها
متضحكوش ع ضروف حد لان دعوه بس لي ربي كافيه تقلب الموازين كلللللهااا...اروى الطاهر المسلاتي (بنووتة الشيخ)
