انا وصاحب الدكان 💛
حلقه 2
عبد الله تزخرط:😳امم هكي الحق 15 دينار
سلمى تهررب من السؤال تو تخب......
قطع علينا خش زبون
الزبون السلام عليكم
سلمى عطت عبدالله الفلوس وطلعت
..................
روحت سناء وكانت حاسهه بشعوور حلوو لان ايمن جميل يعني مش شين وجنتل ♥️
سناء مسااء الخير ع احللللى امم وباستها ع راسها
جميله ههه شن جايك ي بنيتي 💛
سناء خيررك ي امي مش من حقيي انسلمم عليك ونبووسك 😹
جميله غير باهي افتحي الباب شكله اختكَ جت
فتحت سناء وخشت سلمى
سلمى هياا ي اميي جيعاانههه 💔
جميله هيي نغسل الخيار والسلاطهه بس
تغذينا بعدين قيلنا
نوضنا حوسنا شوي وساعدنا امي ف الطلبيه
سناء سلمى الباب ايدقق امشي شووفي
سلمى تمشط ف شعرها :باهي تو نفتح خلاته مطلووق وطلعت
سلمى فتحت بدون ماتقول منه
سلمى وووه هذا انت!
عبد الله لا جن انسيتي باقي الفلوس وطلعتي بدون ماتاخديهم 😒
سلمى باهي شكرا فيك الخير:بعدها فطنت انها من غير وشاح 😳
سلمى سكرت ف وجه عبد الله الباب
عبد الله محلولة فم 😒
خشت سلمى وجها احمر ككيف عررف الحوش هوو😳
جميله منه ي بنتي الي جي
سلمى اه ي ماما هدي مراءه تسأل علينا منه وهكي وخشت
شوي هكي دق الباب اخرى
مشت جميله فتحت كان مرة خوها الي هي ام ايمن
ام ايمن شننوو جميله عاش من شافك
جميله خيريه وحضنتها والله ليك وحشهه
خشت وقعدو ايدردشو بعدها خشت سناء
خيريه تباارك الرحمن كبرتي وحلويتي ي سناء😍
سناء من ذوقك ي خالتي 🤭
خشا سلمى بالقهوه
سلمى السلام عليكم كيف حالك خالتي خيريه🙂
خيريه الحمد لله بخير ي بنتي مشااااااااء الله ي جميله عندك ملكات جمال ف الحوش ♥️
جميله عيونك الحلوات ي غاليه
خيريه عارفهه ي جميله طلبنا وان ايمن يبي سناء ع سنة الله ورسوله وبإذن الله خالها ايكون وصيها بدال باتها الله يرحمه وان شاء الله مافي الا الخير
جميله شبحت لسناء والله واحني موافقين وع بركة ربي
سلمى لولولولوي😹😹
جميله ههه مايطلع منك
سلمى بنتكك رهه 😹😹
سناء متحشمهه بكل
طلعت جميله وبعدها خيريه غمزت لسلمى بمعنى تطلع
خيريه ي بنيتي عارفهه ايمن ولد خالك ومش غريب وقريبا راجلك بصراحهه عارفهه طلب غريب لكن هو يبي رقمك😹
سناء😳اه والله قصدي نشوف ماما
خيريه مافيها ماتشوفي خطيبك وقريب نقرو الفاتحه عموما اني رقمك عندي حنعطيهله غير خبرتك😹
سناء ع راحتك ي خالتي 🙂
بعد التقديم والكلام وبلا بلا
ف الليل
سلمى شاده كتابها
وسناء اضم ف دارهم
جميله ادير ف حلويات
سلمى سنااااء تعالي ي دراه الخرا امتاعك ايرررن
سناء باهيي غير امتى بتحسني اسلوبك
سلمى بالله فوتيني راني امتحانات ودماغي هكي كبرره رايح تعالي شوفي الخرا متاعك واسكتي
جت سناء لتليفونها لقاته رقم غريب
سناء الو السلام عليكم
ايمن وعليكم السلام ورحمة الله وبركاته 🙂
سناء دارت روحها معرفتاش احم من معاي 😳
ايمن ع اساس من بيكلمك يعني ايمن اني 😹
سناء ضحكت بلا راده :ههه صح والله كيف حالك ♥️
ايمن بسمع صوتك بخير ♥️
سناء غمزت لسلمى معناها اطلعي
سلمى اوووو ايمن هووو 😹😹😹
ايمن سمعها :مطوول لسانها الفرخهه 😹😹
سناء باهي اطلعي ي بليي😒
سلمى طالعهه ي هممم طالعهه
ايمن امم باه كيف حالك
سناء الحمدالله بخير ♥️
ايمن اسمعي بنسألك سؤال وجاوبي بصراحه..
...................
عبد الله امييي اميي
نواره امه :نعم
عبدالله قتلي خالتي اليوَم ف مراءه اسمها جميله ال..... جت وتعرفك ولا مش عارف 🙂
نووراه :حلللليلي. جمييله جتت وني منعلمشش ي وخيتي صحبتي هادي من زماان♥️
عبد الله حقققق صحبتكك!
نواره اي خيرك رعشت!
عبد الله اه لا غير استغربت بس
نواره خلاص بكرا العشيه نعديلها
عبد الله تم.... اني ماشي لدكان توو
نوارن طريقك بيضهه
..................
سناء امم شنو السؤال!
ايمن سناء متحشميش مني! عندك حد ف بالك!
سناء انصدمت من السؤال:شن قصدك!
ايمن مقصدي شي خفا اكون ف حد ف بالك وني خديتك منه او شي!
سناء تخزرطت بكل رغم ان سؤال عادي بس حزت ف نفسها علاش؟ مش عارفهه ردت بضيق خاطر:لالا ماف بالي حد وسلامات ماما اضبح "وبدون اي رد من ايمن سكرت الخط!
طلعت سناء من الدار
سلمى الي كانت حايسهه ف كتاباتها وشعرها المنكوش قالت بغضب:كملتتتي طيب فينااا!
سناء بضيق خاطر:اي كملت خلاص خشي وفوتيني ☹️
سلمى شبحتلها بنظرة غريبه امتاع شن في وهزتلها حواجبها:
سناء قالي ف حد ف بالك ☹️
سلمى:وباه!
سناء عارفتهه سؤال عادي بس مش عارفهه ليش حزت ف نفسي هكي
سلمى ابتسمت ع جنب وشدت شعرها الي كان منكوش
وجت تبطبت ع كتفها :ههه لأنك تحبيه... ولمت كتاباتها وخشت للدار
سناء انحبهه زعما حقا.. وعدت لحقتها
سناء قعمزت ع السرير بينما سلمى كانت امقعمزه ع الكرسي
سناء شن قصدك!
سلمى رغم اني اصغر منك بس نفهم انتي حزت ف نفسك لما قاللهلك عشان عمرك م فكرتي ف حد الا فيه معناها حبتيه!
سناء تعرفي يمكن لان هو الوحيد الي لفتلي انتباهي ف الجامعه 🙂
سلمي عدت للمرايا وخدت المشطه وتمشط ف شعرها:مش قاعدتلك طول العمرر ره فتحي مخك 😹
سناء اهيييي علينا شن احزها توو 😒
جميله:ي بنااات تعالن غلفن معايا
سلمى بري لماما انتي وتو نلحقكك!
................ الصبح الساعه 7 ونص........
جميله تي سلمممممممى مزال منوضتيش!
سناء تلبس ف اسبيدروها :كالعاده تو نمشي نشوفها
جميله بريلها سلم بنتي نمشي ندير الفطور
سناء جت اتهز ف سلمى:سلممممى سلممممى هيا نوضي وقت
سلمى فوتيني مش ماشيه!
سناء خيره صوتك هكي!
سلمي حولت الغطاء من علي وجهاا وكانت اترشف وخشمها احمر وعيونها ذابلات:شكلي مرضت امس درت دوش ورقدت بدون منجفف شعري وشفتي الجو كيف!
سناء بسم الله ترا نشوف حرارتك لمست سناء جبهت سلمى
سناء اححححح ساخنه 🔥 هلبااا ره
سلمى ردت الغطا ع وجها قتلك خليني تو نصح بنرقد
سناء زادت غطتها تمام ارقدي بيش اتريحي
.......
جميله شنو وينها مناضتش!
سناء مريضه هلبا ي ماما حراره ومزكومه
جميله بسم الله أمس مافيها شي!
سناء مدايره دوش ف ه الصقع ومش مجففه شعرها ورقدت هدبيش انتي ادهنيها ب الزيت تو ايريح حالها باهي
صوت بيابة الحافله
سناء جت الحافله ي ماما بسلامه ورد بالك عليها
جميله ان شاء الله ♥️
........
وصلت سناء الجامعه
خشت حضرت المحاضره بعدها طلعت اتكت ع الكافيتيريا خدت نسكافي ساخن ف ه الصقع وقعمزت تحت الظلاليه وتشرب فيه
ايمن شبحهز من بعيد جاها
سناء كانت مش منتبهتله كانت سارحه
ايمن بست سناء💛
سناء شبحتله :اهلين 💛
ايمن قعمز جنبها :حلوتي فيش سرحانه!
سناء تحشمت وراحو خدودها حمر:اممم لاشي مسيبه سلمى مريضهه هلبا نخمم عليها 🙂
ايمن شن فيها تبي مستشفى نشيلها!
سناء مش عارفهه نزله معاويه شكلها ماما بدهنها بزيت تو كان متحسنتش نقولك.
ايمن انتي زعلتي امس
سناء شبحتله بلهفه:اه لا علاش بنزعل!
ايمن اشبحيلي وانتي تدوي!
سناء شبحتله وعيونها دموع (حساسه هلبا لين بكلل)
ايمن علاش عيونك مدمعات!
سناء رفعت راسها لفوق بيش مينزلوش دموعها
ايمن ضحك ع حركتها:سناء خيرك!
سناء امس عرفت حاجهه كنت مش منتبهتلها مش عارفه اعلاش!
ايمن شنهيا!
سناء اممم مش عارفهه كيف بندوي بصراحه😳
ايمن احكي خيرك! بتحشمي من خطيبك!
سناء دوتها بسرعه:ايمن اني نحبك😳♥️
ايمن ضحك بصوت عالي لين قعدو يشبحوله بعدها فطن لروحه :نعم في شي ليش تشبح انت وياه!
ايمن هههه تو متحشمه ع هكي
سناء امم مش عارفه عارفني انتحشم امس حزت ف خاطري لما سألتني ف حد ف بالك بعدها عرفت اني نحبك هدبيش وجعتني منك هكي!
ايمن تعالي معاي!
سناء شبحتله بإستغراب:وين
ايمن تعالي وراي وبس
مشت سناء مذهوله وراء
ايمن خداها وراء الجامعه وكانت الدنيا فاضيه
سناء اا يمن خخخيرك جبتني هنايا!
ايَمن متخافيش ي هبله خيرك ني راجلك ره ف المستقبل خيرك شن مزال ع عرس خيرك هكي ارخي روحك!
سناء باه خيرك
ايمن مسكلها ايديها وشبحلها بكل حبب:نحبك ي احلى شي ف حياتي ♥️
سناء رعشت من لمست ايديها ليها هي كانت ساخنه وهو ايديه مسقعات:ححتى ني
ايمن:انتي شنو!
سناء نحبك♥️
ايَمن بدون اي مقدمات باسها ف خدها
سناء حطت ايديها ع خدها وتشبحله وهي مصدومه
ايمن خيرك!
سناء شن درت انت
ايمن خطيبتي وندير معاك اي شي!
سناء مهبول صح ويين تحسابنا انت!
ايمن مهبوولك ي قلبي ♥️
سناء ضحكت وسحرت ايمن بضحكتها
ايمن حليلييي ي ربي عدي عدي قبل لنديرها ف مكان تاني
سناء خزي ي سخيف
ايمن قربلها مني السخيف
سناء سخنت امم لا حد ايمن خلاص بنعدي
ايمن ضحك عموما معاش تلبسي هكي البسي بشت ولا عبايه 🙂
سناء ام اه اوك 😒
......
جميله خيرك ي بنتي شنسناء ام اه اوك 😒
......
جميله خيرك ي بنتي شن جاك
سلمى صصقعع ي ماما غططنييي 😭
جميله باهي ي عمري معاش تبكي
سلمى مريضه ي ماما جسمي متكسرر
جميله قعدت تقرا عليها ف قرأن لين رقدت
فتحتت سناء الباب بمفتاحها كالعاده وخشت شلحت سبيدروها ووشاحها وخشت
سناء ماما ماما
جميله طلعت من دار سلمى وسناء :اصص اختك راقده
سناء كيف حالها
جميلة مدقدقه البنت عندها نزله معويه شكلها☹️
سناء ايمن قالي كان متحسنش حالها انقلها المستشفى
جميله خلينا للعشيه نشوفو
..........
ايمن السلام عليكم
عبدالله عليكم السلام بعدها رفع اعيونه... اوووو ايمنن وينككك ي راجل
ايمن ههه والله اهو شغل وخطوبه وخاشهه بعضها
عبدالله اخس ي خسيس خطبت وني منعلمش
ايمن خدي تشبس وفتحه :اهاا خطبت بنت عمتي الي نحبها 😍
عبدالله ي بختك ي راجلل☹️
ايمن عندها اختها طرررف ره 😍
عبدالله عيت من انت خديت
ايمن عيت ال....
عبدالله شبحله بلهفه:قصدك الي جوو مليهمش 4 سنين صح!
ايمن ايي
عبدالله قصدك عمتك جميله ال...
ايمن علييك نوور ويش عرفك بيها انت!
عبدالله خدي التشبس منه:امي تعرفهم
ايمن باه هات التشيبس 😑
عبدالله مفيش لين تخلص حقهه 😹
ايمن خزي ي حيوان اقعد معاش نبيه
عبدالله............. يتبع
تفاعلووو نزللكم حلقه ف الليل❤😌
#SOMA ♥️
