الحلقة 8
وفي المساء بدور نايمة في اوضتها ويوسف يطلع يتسحب ويروح لاوضتها ويفتح الباب ولسه هيحط ايده علي شعرها هيلاقي ايد مسكت ايده وهتصحي وتشوف المنظر ده
محمود:انت هنا بتعمل ايه؟
يوسف:انا ...انا هااا
محمود بعصبية:انت ايه بس؟ بقي مش مكسوف من نفسك يااخي جاي تتهجم علي بنت نايمة في نص الليل
بدور تقوم من علي السرير وتقف قدامهم
بدور:هو في ايه؟
محمود:متخفيش انا معاكي
امان وفريدة يسمعوا الصوت العالي وينزلوا تحت في اوضه بدور
امان يشوف المنظر ويتخض
في ايه؟
فريدة بعصبية:في ايه يايوسف؟ماتتكلم
يوسف:البيه هو والحلوة دي شوفتهم مع بعض وهما........
بدور وهي بتعيط:اخرس
محمود:صدقني يا امان ده كداب ده هو الي كان عايز يتحرش بيها
امان ساكت مبيردش
فريدة بعصبية:خلاص كفاية بقي كدب انتي تلمي هدومك وبره من هنا
بدور:ما تقول حاجة ياامان؟؟
فريدة:امان؟؟ انتي ازاي يابت انتي تقوليله امان حاف كده يلا غوري بره
محمود:كفاية كده يا مدام هي مش كدابة ولا انا كداب ولا ايه ياامان؟
فريدة:ماتتكلم ياامان
امان ينزل ضرب في يوسف وفريدة بتحوش عن يوسف وبعدها هتاخده وتخرج بره الاوضة
بدور هتبدا في العياط ومحمود بيهديها
محمود:بدور ...تتجوزيني!!!
بدور بتفاجا وصدمة:ايه.؟ انت بتقول ايه؟
امان مصدوم وبيبرق
محمود:صدقيني انا اقدر احميكي من الزبالة الي زي يوسف ده بس تقبلي تتجوزيني
بدور وهي تبكي:الي انت بتقوله ده مينفعش
محمود:ليه مينفعش؟
بدور وهي بتعيط:انت.....انت مش فاهم حاجة مش فاهم حاجة
محمود:طب فهميني انتي....انا اتعايب في حاجة؟؟
بدور:لا
محمود بتعجب:امال....امال مينفعش ليييه؟؟
امان قرر في اللحظة دي انه لازم يقول لاخوه علي الحقيقة ويتكلم
بدور:علشان انا....انا ابقي
امان مقاطعا:دي تبقي مراتي
محمود يتصدم ويبصلهم هما الاثنين وبدور بتعيط ومش عارفة تقول ايه
****************************************************
فريدة وهي بتعالج جروح يوسف
فريدة:معلش يا يوسف انا مش هقعدلة في البيت ولا ثانية يبقي اخوه هو الي عامل العملة ويضربك انت
يوسف:هو عمل كده لانه ...
فريدة:لانه ايه؟
يوسف:بصراحة بقي شكله عينه منها
فريدة:انت بتقول ايه؟
يوسف:هي دي الحقيقة..امان بيحب البت دي وكل افعاله بتقول كده
فريدة:ماشي لو الي بتقوله صح انا هوريهم
فريدة تحضرهدومها وتمشي وامان يخرج من الاوضة
امان:فريدة استني
فريدة:ورقة طلاقي تجيني وابقي اشبع بالخدامة بتعاتك
وتمشي وتسيبه
يدخل امان تاني الاوضة لبدور و لاكأن فريدة مشيت ولاحاجة
***********************************************************
محمود وامان وبدور في اوضة بدور
محمود:مرتك؟؟؟ مراتك ازاي ؟؟ ما تفهومني
امان يحكيله علي الي حصل
محمود:يعني انتي تبقي مراته؟
بدور:ايوة
محمود:وجالك قلب تشغلها عند مراتك الثانية خدامة وتسبها تبهدل فيها وواحد زبالة زي يوسف يعمل معاها كده
امان:الحمدلله ربنا ستر بعد الي حصل مش هخلي مخلوق يلمسها
ويعانقها امان
محمود يبصلهم وهو سعيد وكانه فرحان بيهم رغم انه حبها
امان في سره:انا بايني حبيتك ولا ايه
بدور تفوق لنفسها وتسيب امان
امان:في ايه؟
بدور:في ايه؟؟؟في اني اتبهدلت بسببك ووصلت كمان ان اخو مراتك كان عايز......انا تعبت بقي
امان:يا بدور صدقيني انا اسف وانتي عارفة انه مش بايدي حاجة..احنا ممكن نهرب من اي حاجة الا الحقيقة
بدور:اي حقيقة؟
امان:انك مراتي
بدور بعصبية:اه فعلا مراتك الي متجوزها ومش متجوزها الي حتي ملمستهاش وبتشتغل عندك شغالة....مراتك بورقة جواز مدلوق عليها قهوة وقلب مجروح ونفس مكسورة وعنين ورمت من كتر العياط وفي الاخر بتقولي مراتك ده انت غريب يااخي ...عن اذنك
محمود:ايه؟؟؟؟
امان:بدور استني بس....بدو
محمود:انت كمان ملمستهاش؟؟
امان:ونبي يا محمود مش ناقصاك انت كمان..انا هروح اشوفها
ويخرج امان ومحمود من الاوضة يلاقوها رايحة للاوضة تاني ويدخل امان وراها الاوضة
امان:انتي بتعملي ايه؟
بدور:زي ما انت شايف بلم هدومي وماشية...انا بقي المرادي الي همشي
امان:يا بدور اعقلي بقي
بدور:سبني في حالي بقي
امان:طب خدي خدول خليهم معاكي
بدور:شكرا انا مش محتجاهم انت نسيت اني بشتغل هنا عندك خدامة وباخد مرتب
بدور تاخد من الفلوس مرتبها وتسيب الباقي
امان:انا جوزك ولازم اديكي مصاريفك
بدور:اذا كان الجواز بالنسبالك واحدة ملمستهاش واتجوزت عليها ومتدتش نفسك فرصة حتي تعرفها يبقي ظلم وحرام عليا لو مطلقتش منك انا ماشية
ويتصل حسين بامان ويجيب امان عن الهاتف وبدور لسه واقفة
امان:ايوة ايوة الحمدلله.....ايه؟؟؟؟؟؟؟ اه طبعا خلاص تشرفوا!! سلام
استني انتي مش هتقدري تروحي في اي حتة
بدور:ليه؟
امان:علشان ابويا وامي وخالك جايين بكره من البلد وهيعدوا معانا يومين
بدور بفزع:اييييييييه؟
محمود:يانهار اسووود
************************************************
الحلقة 9
بدور:انا مستعدة اقعد اليومين الي هيقعدوا فيهم وبس بعد كده كل واحد يروح لحاله
امان:يابدور ارجوكي انا مش متحمل
بدور:وانا كمان تعبت
محمود:استهدوا بالله يا جماعة بس مش عايزين نبين قدامهم حاجة
بدور:ماشي عن اذنكوا
في اليوم التالي في الصباح الباكر يصل والدين امان وخال بدور وبدور تفتحلهم
بدور بقلق:اهلا اهلا يا خالة ازيك ؟
فوزية:وحشاني يابدور
بدور:انتي اكتر ....اتفضل يا عمي
حسين:يزيد فضلك امال فين امان؟
بدور:هو هو...هو نايم
فوزية:طيب ماشي
بدور:طيب اتفضلوا ....تشربوا ايه؟
حسين:شكرا مش عايزين نتعبك
فوزية:تعالي معايا بقي اساعدك في المطبخ
حسين وخال بدور بيلفوا في البيت ويشوفوا صور جواز امان وفريدة وامان ينزل
امان:حمدلله علي السلامة يابا
حسين:الله يسلمك...مين دي ياامان؟
امان:هااااااا اتفضلوا
حسين:امال فين محمود؟
محمود:انا هنا ...حمدلله علي السلامة
خال بدور:انا رايح بقي اسلم علي بدور علشان بدوب كام ساعة وهمشي ورايا شغل هناك
امان:ماتخليك قاعد ياحاج
خال بدور:مرة ثانية
****************************
بدور وفوزية في المطبخ
بدور تحس بدوخة وفوزية تاخد بالها
فوزية:مالك؟
بدور:دايخة شوية
فوزية:اااه يبقي البشاير هلت
بدور عارفة ومتاكدة انها مش حامل مهو حامل منييييين؟
بدور:هااااااا لالا تلاقيه تعب بس
فوزية:لا احنا لازم نروح نكشف
بدور:اييييه نكشف ايه لا؟
فوزية:مالك اتخضيتي كده ليه؟
بدور:هاا لا مفيش
بدور في سرها:ربنا يستر
وتخرج من المطبخ
بدور:امان معلش عايزاك
امان:خير
بدور:تعالا بس...وتعالا انت كمان يا محمود
بدور تدخلهم وتقفل الباب
محمود:خير
امان:ما تنطقي قلقتيني؟
بدور:امكوا عايزة توديني لدكتورة
امان:اايه؟؟؟؟؟ ليه؟
بدور:اصلها فكراني حامل
محمود:نعم؟؟؟؟
بدور:شوفت بقي
محمود:ودي فيها ايه؟
بدور:فيها ايه ؟؟؟ ما تتكم يا امان
امان:حاولي تخليها تنساه
بدور:امك مصرة
امان:معلش حاولي
يدخل عليهم حسين
حسين:انتو بتعملوا ايه؟
بدور:هااا مفيش يا عمي
حسين:طب يلا اقعدوا معانا بره
امان يهمس لمحمود:شيل الصور بتاعة فريدة من غير ما حد ياخد باله
محمود:حاضر
فوزية :يلا البسي هدومك هنروح للدكتورة
بدور:يا خالة بلاش
فوزية:اسمعي الكلام
حسين:انتو رايحين فين؟
فوزية:مش هنتاخر...يلا بينا
بدور:حاضر
وتروح بدور وفوزية للدكتورة
الدكتورة تكشف عليها وتقوم بدور وتقعد علي الكرسي الي قصاد مكتبها
الدكتورة:اتفضلي هنا ياانسة
فوزية:انسة ايه دي متجوزة يجلها 4 شهور
الدكتورة:نعم؟؟ متجوزة ازاي يعني دي لسه بنت بنوت
بدور وشها يتقلب ميت لون
فوزية تبصلها بصة غريبة
الدكتورة:علي العموم هي معندهاش اي مشكلة
فوزية:شكرا
فوزية وبدور يمشوا من عند الدكتورة ويرجعوا الفيلا
فوزية:امااان تعالا عايزاك...وانتي قدامي
امان:حاضر
فوزية تاخدهم وتتدخل الاوضة وتقفل الباب
فوزية:انا عايزة افهم بقي مراتك لسه بنت بنوت ازاي؟
امان وشه يجيب 100 لون وميردش
فوزية:مش هتتكلم؟؟ طب اتكلمي انتي يا بدور
بدور:يا خالة انا.....
فوزية:انتي ايه؟؟؟ مهو يااما انت فيك حاجة غلط يااما انتي الي فيكي حاجة غلط...ازاي ساكتين علي نفسكوا
امان:تقصدي ايه بكلامك ؟
فوزية:تقدر تقولي مراتك لحد دلوقتي لسه بكر ازاي؟؟؟
امان بهدوء:امي انا هحكيلك علي كل حاجة بس ارجوكي افهميني
محمود يدخل فاجاة
"انا الي هحكيلك ياامي"
******************************************
فريدة ويوسف في بيتهم
فريدة:انا يسبني يومين وميتصلش بيا ماشي انا هوريه؟
يوسف:اعقلي يا فريدة اكيد فيه حل
فريدة:ايه هو؟
يوسف:بالحيلة بالحيييلة
فريدة:ازاي؟
يوسف:اقولك
**********************************
فوزية:يعني انت استغفلتنا واستغفلت ابوك واتجوزت واحدة تانية ورميت البت الغلبانة دي وشغلتها عندكوا خدامة
امان:انا....
فوزية:اخرس
فوزية هتضربه بالقلم
يا خسارة تربيتي فيك
امان وهو بيعيط :صدقيني انا
بدور مقاطعة:ياخالة ونبي علشان خاطري انا......
فوزية بغضب:انتي تسكتي مش عايزة اسمع صوتك
بدور:انا مقصدتش حاجة
فوزية بغضب:انتي كمان ضحكتي علينا واستغفلتينا
بدور وامان ومحمود ساكتين
فوزية:ابوك لازم يعرف
امان بتوسل:لا بلاش يعرف ابوس ايدك
ويدخل حسين فاجاة
هو ايه الي بلاش يعرف
...................................................
********************************
