ضلم فصليه

‏‮‬‏‪ضلم فصليه
البارت الثاني
رقيه:لانجبي اريد ازورها امشي سوه نروح
سحر:رحنه زرنه وكملنه ورجعنه كعدنه اجه بابا والولد ضلينه نسولف ونضحك وننوش تسحف وروح اجيبها كلساع رايحه يم ناس😹😹
مهند:يله يابه امشو نطلع للكراج
حسين:يمعود خلنفتر شويه
ام سحر:اي يمه خنروح للسوك نشتري اشياء كرزات حلويات ونرجع للكراج
ابو سحر: اي يله حته اوديكم مكان يجنن نكعد نتغده بي
سحر:كمنه رحنه لسوك شترينه هواي اشياء واني شكد شتريت كرزات😹😹عشقي وشتريت شاميه وكل واحد اشتراله علاكه شاميه😹
ورجعنه للكراج
حسين:هاوين نتغده
ابو سحر: مفاجئه
الكل: اييييي يله متنه جوع
سحر:وصلنه للمكان جان مكان يجنن مزرعه وبيها خضار يجننننن وبيها مغاسل ومحد بيها بس احنه كعدنه احلى كعده وتغدينه وسوالف وضحك وكرزات
مهند: ننوش خالو تعاي هاج شاميه
رقيه:مهند اذا تغص اموتك
مهند:نجبي
رقيه:اهو بابا شوفه حيموت طفله
ابو سحر: عوفها ولك تعاي جدو ننوش
ام سحر: خبلو الطفله تعاي حبيبتي
حسين:يمه انتي هم خبلتيها كلكم دكلولها تعاي حارت تعاي خالو فديتج
سحر:ولكم دعوفوها تعاي يبعد خالتج
رقيه: شبيكم خبلتوها بعد روحي ضلت تجي منا وتروح منا صدك جذب تعاي ماماتي فديتج
الكل:ههههههههه
ابو سحر: يله نتوكل بعد
الكل: يا الله
سحر:رجعنه للبيت وصلنه ب5 العصر وكل واحد الغرفته ونمنه ورقيه يمي بغرفتي
نمنه من5 لثاني يوم ب10 صبح😹😹
كلنه نايمين
كعدنه تريكنه وضلينه كاعدين نسولف
طبعا جانت عطله اخر السنه اني رحت 4 اعدادي ودرجاتي نارررر اقلدرجه عندي96
صار الغده دزينه من بره كباب وتغدينه
والولد وابوي طلعو
طبعا اخوي حسين موضف
واخوي مهند يشتغل وي ابوي بمعرض مالتنه عدنه معرض مال سيارات
كاعدين وتلفون امي اتصل بابا يتصل عليها هيه راحت للصاله وكامت تعيط
رحنه نركض اني ورقيه
سحر:يمه شبيج شبيج شصاير
رقيه: احجي الله يخليج مو نشف دمي
ام سحر: ولجن شحجي وشكول اخوجن مهند
رقيه/سحر: يمه شبي احجي عاد
ام سحر: يايمه ولجن متعارك وي ولد واكع ع حديد وهسه بلمستشفى خطر
مهند: كاعدين بلمعرض واجه ولد اعترض ع سياره الماخذها وكام يحجي ويجاوز علينه وع سمعه المعرض اني ويا تلاغينه بعدين مد ايده اني هم كمت اضرب بي ودفعته وكع ع حداد جانت اكو حداد باب المحل بلكاع يردوم يسقفون بيها وكع وسبح بدمه
ابو سحر: هاي شسويت مهند طيح الله حضك ياعار الله ياخذك تعال خلناخذه للمستشفى
مهند: اخذنا للمستشفى بس حالته خطره لان وحده من حدايد دخلت براسه
ام مهند: يمه يارب ان شاء الله مابي شي ويصحي
رقيه سحر: يارب امين
حسين: هايمه متصلين عليه جنت اشتغل شكو
ام سحر: ولك يمه شحجي هيج وهيج سالفه
حسين:لا اله الا الله
الكاتبه حنين الموسوي
‏‮ ‬‏‪
ام سحر: خابر ابوك شوفه يامستشفى وروحلهم
حسين: اي يمه صار..الو هايابه شونك باي مستشفى انتو  ها خوش جاي الله وياك يابه
ام سحر: هايمه
حسين: رايحلهم يمه
ام سحر: الله وياك وطمنه ع ولد
رقيه: ع كيفج يايمه
سحر: يمه فدوه اروحلج سكر ليصعد اهدي
ام سحر: شهدي واجن وابني خاف يسون بي شي
رقيه سحر: لايمه مابي شي ان شاء الله
ابو سحر: اجوي اهل الولد وامه تبجي واهلي يهددون بينه
مهند: اجوي شركه وخذوني للمركز اهل الولد مشتكين
حسين: يابه مهند وين
ابو سحر: اخذو المركز لحد ما اهل الولد يقررون
الدكتور: وين اهل المريض
ابو سامر: اني دكتور اني ابو وهاي امه وخوانه
الدكتور: بقيه بحياتكم الولد هواي نزف مكدرنه نسيطر عليه
ابو سامر: والله اله اسوي ب ابنكم هيج
ابو سحر: صل ع محمد وشتردون اني حاضر
رجعت للبيت تلكني ام سحر ها بشر
ابو سحر: شبشر ذول شراين الناس وابنهم مات
ام سحر:يمه ابني وين شراح يسون بي
ابو سحر: ابنج طبه مرض لعد شدكولين لام الولد وحالها هسه
رقيه: اوف يابه الله يساعدهم منين اجتي هاي المصيبه
سحر: وهسه شون
ابو سحر: مادري يابويه بعدهم ممقررين نطيتهم رقمي وهمه يخابون بله فصل صخام ابوجهي
الكل: لدكول هيج اسم الله عليك

سحر:اهل الولد اتفقو وي اهلي ع فصل وصار حجي وصياح بيناتهم وكامويجاوزون
اجه حسين
ام سحر:هايمه حسين بشريني يبعد امك
حسين:شبشر يمه مدكليلي لخاطر الله
ام سحر: دحجي يايمه شصار
حسين:يمه رادو فصل100 مليون وكوه بتواسيل قبلو75 مليون وياها فصليه
ام سحر: يايمه منين جتي هاي مصيبه عمت عيني خنطيهم100 ولافصليه
حسين:يمه حتلو ننطيهم100 هم يردون فصليه
ام سحر: اوف ياربي منين جتنه
رقيه: يمه بعدها زغيره فدوه شون ننطيها وين تتحمل ضيم
سحر: رقيه اكلج شنو يعني
رقيه: ولج سحر راح ينطوج فصليه لهل الولد
سحر: يعني شون
رقيه: لاعرس ولاشي كبل ياخذونج بس لتخافين يارب ناس زينين
حسين:رقيه يمكن جهازج يتصل
رقيه: الو ها همام شونك باجر تعال والله بعدهم نوب هسه يردون فصليه شنسوي الحمدلله اذا مننطيهم يضل دم مستمر همام شون
همام: اعرفكم بنفسي همام عمري27 سنه ابن خال رقيه
همام:يله حبيبتي الله كريم
سحر: يمه ماريد اخاف واستحي ناس ماعرفهم شون اعيش وياهم
ابو سحر:بابا اذا متوافقين يقتلوني ويقتلون اخوانج
وضلن وحدجن
سحر:لابابا اسم الله عليكم اقبل ميخالف فدوه الكم
اجه بابا وماما ورقيه وحسين باسوني ويصبرون بيه
ابو سحر:ام سحر اذا تريد شي اخذها لسوك وكلشي جيبيلها لتخلين شي بنفسها
ام سحر:صار بطن عيني
سحر: لايابه كلشي ماريد ممحتاجه شي
ابو سحر: لايابه روحي واشتري كلشي
الكاتبه حنين الموسوي