هلاو خل اعرفكم ع نفسي و ع عائلتي 😍 اني اسمي ملاك عمري ١٦ مواليد ٢٠٠٢ من بغداد شارع فلسطين عندي اخوان ٢ الكبير مواليد ١٩٩٧جواد❤️
والصغير مواليد ١٩٩٦ محمد 💙
واختي اخر العنقود جمونه (جمانه) مواليد ٢٠٠٩ 💚
وماما مواليد ١٩٧٥ ♥️♥️
وبابا مواليد ١٩٧٣ ♥️♥️
احنه ك اي عائله عراقيه بيوم من الايام رجع اخويه من الدوام وجان جوعان وماما تسوي اله اكل (طبعا اني جنت صغيرة وهيج اهلي كلولي 😢) جنت صغيرة كلش عمري سنه او اقل حسب ميكولون وجان اخويه محمد خطيه معاق وميكدر يمشي بس حاصرني يمه وميخليني اروح لطباخ خاف اتأذه بس ضليت ابجي وماما مشغوله دتغسل بلصينيه علمود تصب اكل ل جواد ومحمد هو ميكدر حركته ثگيله جان افلت منه ورحت گبل للطباخ 💔 وجريت چدر التشريب ووكع ع جسمي وحرگني وماما ندارت واخترعت لگتني جامده بمكاني گبل خلتني جوه المي واخذتني لبيت جدو 😭 اخذوني خالو وبيبي للمستشفى وجانت ايام رمضان ودنيا ظهر وحارة كلش والناس نايمه ببيوتها ماكو احد طالع .
خالوو :: الوو ابو جواد الحگنه لمستشفى ____ ملوگه تخربطت ...
بابا:: ليش شبيها صاير شي
خالو :: مو وكت الحجي خويه يلا بسرعه تعال
بابا :: ان شاء الله جايكم مسافة الطريق
وصلنه للمستشفى واجه بابا بسرعه وشافني وبچه عليه وضل يصيح ع ماما وكللها ليش هيج وهيج وبعدين سكت وكال يلا قدر وصار لا حكم ع رب العالمين وضل بس يدعي الي بلشفاء وبعدين ضليت اتعالج قسم من اثار الحرگ راح وقسم بقه مشوه 💔
من يم صدري وصارت عندي عقده من ورا احس عندي نقص وكمت اكره روحي من اشوف نفسي بلمرايا والبگدي مبيهن شي كلش اضوج ضليت متأثره ودائما اكول ل ماما شوكت يروح تكولي من تكبرين يروح وكلما اكبر سنه مديروح لحد عمري صار ٦ سنوات ماما انقهرت عليه من كثر ما الح عليها شوكت يروح وشوكت اصير زينه لحد ماسوتلي عملية تجميل بس الصدمه 💔 """""""""""
