تزوجت واني عمري 14 سنة وطلقت بعد زواجي ب6شهور😢😥
وعمري توا 16 السنة
سبب طلاقي انه راجلي عنده عادات وتصرفات غريبه وبش مفهومه بكل .. 🙄😫
زي مثلا.. / انه ينوض ف الليل ماخر
يمدغ في المستكه ويقعد يطربق فيها😟
ومرات انوض مخلوعه نلقاه يشحلي في وذني
والا يقعد يبقلي ف عيني🧐
ننوض نرعش مع بعضي
يقعد يقولي وين عينك؟ وين ودنك؟ وين خشمك؟
زي اصغار لم نعلمو فيهم علي اعظاء جسمهم.. 😥💔
وفي مره ندكر عندي مناسبة وجوني وامه خوته يحنو فيا المهَم
بعد ما روحَو واني محنيه جاني قالي وين صونية الحنة.. 🙄
قوتله علاش👀 قالي بنحنيلك حواجبك واني نعيط نقوله لا بالله عليك ونوض نمرد ويقولي لمه نحنيهملك
😔
فعلا جابلي الحنة واني كيف بنوض علق عليا وحنلي حواجبي وجت حتي علي جبهتي الحنة😒
وناض صبح قالي بنعاودهلك قاعده ماصبغتش... 😭😭
كل مره يصدمني بتصرف ونقول بالك يتسهوك وهو هكي جوه متاع بصاره وانسان تافه.. 😟
لين بدت حالته تتطور في حاجات تانيه.. ❌🔞
زي متلا.. معنداش حشمه وخصوصية
بكل
مايحبش يصكر علي روحه الحمام وقت يقضي حاجته (حشاكم).. 😷
مرات يبدو عندنا ضيوف لين نتحشم.. 🙁😒
وقت نكلمه نقوله عيب ياخيري وكان حد بيخش الحمام يلقاه مفتوح عليك شن موقفك يقولي اللي بيشخ يمشي يشخ ف حوشه🙄🙄
وماعنديش موقف ندرس وين مايعجبني...😭💔
اخر موقف قبل نمشي حرجانه كنا مقعمزين علي الغدي اني وياه ومعانا ماما اول مره تجي تقعد عندي.. 😫😓
نتغدو فجاة ناض يحدف علينا في الحمص
من فمه ويقول بوف بوف 🔫🔫.. 😫😓😱
منورة القصعه ياعمتي🤦♀️
ماما نصدمت لين ساخت علينا من رعشة وفلتت عيونها 🤒
قعد يعبي في فمه اميه ويبشبش عليها 💦😳
ويقولي خيرها امك شكله ضربها سمله العظيم وماتقوليش خلي
نجيب المغرف و نطلعه منها 😒
..مافهمتش اني خيره اهوا مريض نفسي 😦 والا عنده تاخر في النمو والا يبي اعادة ضبط المصنع..؟؟😤
دمرني.. 😓😓
لين خلاني ختشت وجتني حالة نفسية
وبديت نكدب هلباااا
زي مانكدب عليكم توا.. 😂😂😂✋
بالله عليكم ماتحدفونيش 😭😭 ناديلكم خيري يحدفكم بلحمص ره.. 😝😁
شكرا علي حسن المتابعه😎
مع تحياتي🙏
مسيلمه الكذاب.. 🤪👀
نستقبل اول فلقه.. 🤭🤭🤣🤣🤣😂
