#الجـزء_الثـالث
#نبيـهـ_حـلاآلـي
وعيونهم تلاقت مع بعض لفترة
رهف شبحتهم وكانت متضايقة منهم
نصيب شدت روحها ووقفت .. أسفة
طلال.. ولا يهمک
نصيب ابتسمت من الموقف وكيف شدها كاينه هي صغيرونه بين ايديه 💓
كملو لعب ونزلت رهف تجري
رهف شدتها ع جهة .. شن اللي صار قبل شوية 😟
نصيب.. انتي كنتي تلعبي ولا تراقبي فينا 😑😂
رهف.. نسأل فيك اني
نصيب.. عترت ف حديدة شدني بارك الله فيه 😐
رهف.. اها باه كويس
مراد.. هيا بنطلعوا
نصيب .. هيا ومشت وخلتها
محمد.. وين توا
مؤيد.. نمشو ع البحر شوية
نصيب.. فكرة هيا،💗
رهف.. باه
معاذ.. هيا
طلعو كلهم وطلال معاهم
مؤيد .. خلي السيارة هنا وسكرها وتعال معانا
طلال.. باه لحظة هي
رهف فرحت
ركببو ع سيارتين
نصيب أفتح أغاني وانت تقول رافعنا لعزاء 😶😬😒
محمد.. باه وانتي تعيطي 😒
فتحلهم أغنية " عشق موت أموتا بيك يالغالي غير انت النفس مالي عشقك باقمر عالي عشق موت "
نصيب تدكرت الحظة اللي شدها فيها والنظرات اللي مش مفهومه
رهف متضايقه منها
محمد.. ساحو ،😅
مراد.. ههههه غير غير
فتحلهم أغنية "'كل زول بالزوجه بتاعو الا انا ما عندي مرا ليه بس كده بس كده بس'"
"'"“‘¡
نصيب.. هههه خزي كيف بدينا نتخايلو
رهف.. ههههههههههه
مراد.. ناقصنا احاسيس ومشاعر ماه
نصيب.. اهو احمد بحداك يحس ويشعر 😅😂
محمد.. امتى بتتحشمي انتي 😒
رهف.. ههههه
.
عند الباقي
مؤيد.. ضحكونا 😂 وانا تقول مركب معاي جتت رافعهم للجبانه 😅
معاذ.. ههههه
طلال.. اي نوع بالضبط 😂
رؤوف.. قالك مرة وحده اسمها أماني ضربتها سيارة مشت كل امنيه بروحها 😅😂😂
مؤيد.. ههههه متضحكش ،😒
طلال.. هههه مرة كشيك كبرت ولت مغرف 😂😂
معاذ.. مبرد والله دمكم 😅😂
مؤيد.. مرة ف وحده اسمها زينه مشت لعرس علقوها 😅😂
معاذ.. هههههه خلاص ستوب 😅
.
.
عند فوزية جتها ريهام
ريهام.. كيف حالك يام
فوزية الحمد لله خشي خشي
ريهام.. وين رهف
فوزية.. ف حوش جدك
ريهام.. اها بيلسان بيسان تعالي ماما
بيلسان.. وين رهف
ريهام.. طالعه مهناش
.
نوران.. تفضلي عميمه
ميسون.. لالا صحيتي منمشي العشاء ع النار
نوران.. صحيتي عميمه💗
ميسون.. سلمك سلمي ع أمك وقوليلها تكلمني
نوران.. حاظر
..
.
رهف.. ريحتهه تريح النفس 💓
نصيب..اي تهبل 💙
مراد..اقعدي هني انتي وياها لين نشوفهه
رهف..ع اساس ملكات جمال حني 😑
محمد..ف عيوننا حني 😑
نصيب..تف 😐
نزل مراد وطلال شافوه ورجعو
ركب مراد السيارة
رهف.. ننزلو 😶
مراد.. منروحو 😑
نصيب.. شني 😒 عينك انا مش مروحه امتم روحو 😟😑
محمد.. ههههههههههههههه
مراد يضحكك.. انزلي انتي وياها 😅
رهف.. خزي كلب 😟
نزلـوا كلهم وخدو كراسي وطاولة الشباب قعمزو والبنات مشو يتمشو ع الشط
.
معاذ.. سمعنا صوتكك طلو 😂
محمد.. ايوا حني الدلع 😅
طلال.. ههههههههاي
مراد .. نمشي نجيب حاجه نسمسوها ونجي
طلال.. استنا نجي معاك
.
رهف تبي تسأل نصيب ومش عارفة كيف
نصيب.. ف حاجه تبي تقوليها
رهف توترت .. ااا نسسألك سؤال
نصيب.. قولي
رهف.. بس متفهمينيش غلط
نصيب.. قولي خيرك
رهف.. طلال
نصيب استغربت .. خيره
رهف.. انيي انسي رؤوف ينادي فينا تعالي
نصيب ف خاطرها.. خيرها هذه 😮
مراد.. تعالو تعشو ومنروحو ليل
نصيب.. ف شاورما😟
مراد.. للأسف طلال جاب وحده ليهه بس
نصيب.. اها به
طلال .. خوديها تو نأخد سكالوب
نصيب.. لا لا شكرا صحتين
طلال.. والله تأخديها تتحشميش مني وحطها ف ايدها
نصيب.. شكرا
رهف عيونها دمعوا 😟
رؤوف .. رهف خودي كولي
رهف.. صحتين عنديش نيـه😟
نصيب استغربت منها لأن قالت جعانه
كـلو وقعدو للساعه 9 وركبو مراد ومحمد ورهف ونصيب روحو
والباقي وصلو طلال لسيارتهه وروحو 💓
.
مراد لما وصل للحوش طفي ضي السيارة وقعد يمشي بالشوية
نصيب.. أنا ديما اللي تشد فيا المرة هذه مننزل أخر وحده 😂
مراد.. ههههه أنا منعلقها خامسه ومنخش لداري ومنسكر عليا 😒
رهف.. ووووك 😂
.
صكرو السيارة ونزلو بالشوية ورا بعض مراد بعده محمد ورهف ونصيب 😂
خشو من باب الجنان ومباركه كاينه وراء الباب خلتهم خشو وسكرت الباب 😂😂😂
مباركه.. وين حسكم خاشين ع السكيتي 😑
نصيب نخلعت.. وووه حنينه شن منوضك لتوا 😍 استاحشتك 😂
مراد خش يجري هو ومحمد واحد للحمام والتاني للدار 😂
مباركة.. حالي باه وحيكون احسن بعد م تأكلو رفسات باهيات 😠
رهف.. علاش خيرنا شن درنا 😱
نصيب.. حي ع القطوسه وين راكبه 😱
خلتها تشوف وشدت رهف وخشو يجرو 😂
حصلت شبشب ف ظهر رهف ونصيب هربت
😂😂😂😂
نصيب.. افتح الباب بسرعه😭
محمد فتحلهم وخشو يجرو
نصيب.. ع اللي يمشي معاكم مزال 😠
محمد ميت بالضحك ضربتكم 😂😂😂
رهف.. فردة الشبشب نحس فيها طبعت ف ظهري 😂
محمد.. وووه ع الجو 😂
مباركه خشت بصوت عالي .. أخرلكم مرة تديروها مرة تانية نلزكم من الحوش لا صغاري لا صغار بمتي 😠😤
نصيب طلعت رأسها من الباب .. حاظر انتي تؤمري 😂
طقت ع الحمام.. افراج افراج خالي اطلع 😂
مراد.. وأخيرا فتح الباب وطلع 😂
نصيب.. ههههه
مباركه سيبتهم وخشت رقدت
غيرو لبسهم ودوشو وكل واحد لفراشهه
.
نصيب تفكر ف اللحظه اللي شدها فيها طلال وتبتسم
رهف.. نصيب راقده
نصيب.. لالا
رهف.. شن رأيك ف طلال وشخصيته
نصيب.. ف شن جي السؤال هذا😶
رهف.. سؤال عادي بس
نصيب ضحكت ..شكلك معجبة 😂
رهف.. تي جاوبي
نصيب.. شخصيته حلوة وجميل بس زي المغرور شوية😒
رهف.. بالعكس يهبل انا لازم ندير حاجه نلفتله نظره😤
نصيب تضايقت.. مصح وجهك تتطايحي عليهه انتي 😑
رهف.. شن تبيني ندير باه
نصيب.. لو كان هو معجب بيك راه دار اي شي 😒 انسي
رهف عصبت.. اي لين يمشي من بين ايديا 😤
نصيب.. خيرك تعيطي عليا انا شن دخلي 😓
رهف.. لا شئ أسفه
نصيب.. ارقدي تصبحي
ونقلبت ع الجهة التانية ورقدت
....
#بعـد_مرور_تلاتهـه_أيـام ³
فاتو عاديات مفـي شئ جديد ع الكـل إلا إن رهف تفكر ف طـلال هـلبا وتبي تشوفه
.
قاعدين عند حناهم مرة مرة يجو مؤيد ومعاذ ورؤوف
_
فجأة باب الجنان يطق وكان الوقت ظهر
رهف طلعت تجري بدون وشاح
نصيب.. تعالي جاي شن طالعه هك 😒
فتحت الباب وكاين طلال جاي ولابس شورط وتيشيرت وعضلاته بارزات
