#زواج_ثأر 11 (حقيقيه)
ربيع:تي تكلمي ...علاش كل متشوفيني يتغير وجهك وتبدي تخضي مع بعضك درتلك شي انا؟!
افنان:اانن انا انا
ربيع:شنو
افنان:انا نحبك
ربيع:فتح عيونه لين قريب طلعو
افنان:حطت يديها ع فمها من صدمتها وخشت الحوش تجري
ربيع:تغيرت ملامح وجها لي غضب وطلع وهوا يتمتم...قليلة اذب استغفر الله بنات هاذي الايام بدو احرف من الشباب لا حول ولاقوه الا بالله
افنان:خشت تجري لي الدار تخبط ع وجها وتعيط....حيييي عليااااا شنو درت😭😭😭نهاري احررررف ووووه عليااااا حماااااره انا حمااااره
يوسف:رورو رواااان...وين هاذي🤨رواااان
روان:طالعه من غرفة النوم والمنشفه ع راسها ...ها صدعتني
يوسف:تعالي خوذي مني الغدي
روان:وعلاش ان شاء الله ؟تسحاب روحك في باب الحاره ؟حطه ع الطاوله بلا جو
يوسف:تنهد بقلة صبر وخش المطبخ
روان:في داخلها...شكلي زودتها 🙄حرام طالع يجيب فيه واتي ميبيش يتعبني ....وخشت المطبخ
يوسف:يغسل في يديه
روان:اطلع في المشروب من الثلاجه...مكلمكش صخر؟!
يوسف:مزاال
روان:قعمزت ع الطاوله وبدت تاكل
يوسف:قعمز قدامها ويبتسم
روان:خيرك بسم الله زي مرضى التوحد🤨
يوسف:يده علي خده...انتي وحده مجرده من الاسلوب والصوت الانوثى وحقيره ولسانك طول لاكن حبيتك هني ....واشر ع قلبه❤️
روان:في داخلها شي حلو تحرك✨بس مبتش توضح.....ياسر بلا تخريف وكول متنفعك الا بطنك وكمل بسرعه بنمشي حوش بوي
يوسف:استمر يبتسم ويتفرج عليها تاكل ❤️
___________________
هاجر:نزلت من الطياره وانا مش شايفه شي نسمع في ضجه كبيره وصوت الناس في المطار كنت خايفه 💔من الضلام يلي انا فيه بس مخفتش من خطواتي يلي نمشيها لان صخر يلي كان شاد بيدي ويمشي فيا ....عرفت صخر بزواج ثأر بس حبيته اكتر من اي شي في حياتي
صخر:طلع من المطار هوا وهاجر وامها وبوه للفندق ع طول حجزو غرفتين وحده لي هاجر وامها والثانيه لي صخر وبوه وطمنو كل العيله انهم وصلو بسلامه .....وكل واحد رقد عشان يرتاح من تعب السفر يلي يهد الحيل ❤️
روان:نزلت من السياره بعد روحت من حوش بوها
يوسف:نحا جاكيته وطلع تالفونه من جيبه وهوا منزعج من اتصالات سلسبيل
يوسف:شن تبي
سلسبيل:وينك؟علاش متردش عليا ليك قريب شهر
يوسف:فوتيني بالله عليك شن يلي تبيه مني؟فلوس؟تو نصدق عليك لاكن اخطيني
سلسبيل:قامت حاجبها...شنو امالا بدي قلبك يلين ع هذيك التافها
يوسف:حياتي وتخصني مدخلكش انتي في النهايه هاذي مرتي ومنرضاش فيها سكري فمك وهي اقلبي وجهك عطيتك هلبا وقت....وسكر الخط في وجها ودارها في الحضر
سلسبيل:حقييييرر😡تو نوريك دبارك عندي
روان:كانت واقفه تسمع فيه ❤️🙊...خشت بسرعه لي الدار وفي قلبها شوية فرح مش معروف ليش ؟
يوسف:فتح الدولاب وطلع حوايجه ....كلماتك هاجر؟
روان:تمسح في مكياجها....اي اطمنت عليها خايفه من العمليه هلباا
يوسف:نحى التيشرت ....عادي تو يزول الخوف مع الايام
روان:بلعت ريقها وهيا تشوف لي يوسف من المرايا
يوسف؛لبس كناتيرا ورقد ع السرير
روان:تلفتت....شنو بترقد هنايا؟
يوسف:اي وجبت غطاء ليا باش منتعاركوش
روان:ضحكت وسكر الضي
يوسف:حس بي امل من ناحية روان لانها مرفضتش ترقد جنبه
روان:رقدت ع السرير وعطاته بضهر
يوسف:روان بنقولك
روان:تلفتت جيهته وهيا راقده ...شنو؟
يوسف:رقد جنبها وقرب منها ...قررت نشد مكان بوي في الخدمه شن رايك
روان:متفاجآه...شن خطر عليك؟!ق قصدي انت طول عمرك تحب الراحه وتترقد زي البنات توا بدير روحك تخدم وحالتك حاله
يوسف:قام راسه وتكى ع يده...مستحيل تقولي كلمة خير 😒
روان:والله هاذا الواقع علاش تبي تخدم كان الفلوس يجوك لعندك ولا الخدمه فيها بنات وانت حشيشتك عاد
يوسف:مسك يدها...بنخدم لان وليت متزوج وعندي مسؤليه نبي نعتمد علي روحي
روان:قعدت ساكته مصدومه
يوسف:يمسح علي يدها ...بعدين عيلتنا بتكبر ويبدو عندنا صغار ونبدا اب نبي نكون اب كويس ويخدم ويتعب ع خاطرهم
روان:جديات تحكي؟❤️😨
يوسف:بنضره تجنن....اي ليش لا ؟!
روان:سحبت يدها وجت بتعطيه بضهرها لاكن جبدها ليه❤️
يوسف:خلاص روان لا امتى بتقعدي بعيده عليا حرااام راهو شوفي قداش لينا متزوجين وعايشين زي الخوت مع بعض
روان:تتنفس بسرعه....منقدرش نخليك تمسنى وانت كل يوم مع وحده مستحيل
يوسف:تنهد....تي اي وحده سكرت كل مواضيعي انا حبيتك وناوى نبنو حياتنا گ اي زوجين
روان:سكتت وتشوف لي عيونه
يوسف:باسها ع راسها...تصبحي ع خير وعطاها بضهره
روان:يوسف 😣
يوسف:نعم
روان:لو الكلام طالع من قلبك معنديش مشكله انا ن......
يوسف:هجم عليها اخيرااااااا😍😍😍🔥
روان:بعد من عليا ياصايع خلي نكمل كلامي
يوسف:مش ضروري غضوا هدرزي ...ويبوس فيها
روان:يووووووسف😂😂😂😂😂
