فصليه من صغري

part 15.. the end

#فصليه_من_صغري

#البارت_15 #والاخير

عباس : بقيت انتضر واحس الوقت وكف مسافه كلش قليله ليش تأخرو عليه هلگد ..بقيت حاضن درر وكابس ع الجرح حيل ردت اوگف النزيف ..
خلال دقايق سمعت صوت سيارات وشفت اضويه ....كگ ركضت عليهم السياره بعدها مواكفه واني فتحت الباب ونزلت ابن عمي كان هو يسوق .. الكل تسالني شصار ومن ضربك احجي ... ولكم شحجى اني بحال الي ضربني هسه اگولهم درر مصوبه ركضت شلتها وحطيتها بالسيارة قبل مااصعد سمعت ابن عمي صاح شيخنا هاي منعديها ترة اليوم نهجم قريه الشيخ ضاري على روسهم ......
صحت بعلو صوتي وك شتهجم وك بنتهم ويايه ومصوبه مستحيل يهجمون عليه واني طالع من بيتهم وبنتهم ويايه ارجعو للبيو ويصير خير انشاالله ....
لا شيخنا مكملين الطريق امشي واحنا وراك ..
طلعت بالسيارة كل سرعتي واني عين ع الطريق وعين ع درر وكل لحظه احس گلبي يريد بمجرد يتباطي نفسها .. بقيت حاط ايدي ع الجرح وامشي ... وصلت بيها للمستشفى شلتها ونزلت اركض احس اقدامي بعد متساعدني امشي الخطوة ليگدام احسها ترجع ليوه تلگونا الكادر الطبي حظرو السديه بسرعه ... اخذنا دخلوها عمليات واني بقيت انتضر على احر من الجمر ولد عمي .. بقيت انتضر هلكت من التعب واخيرا سمحولي ادخل اشوفها دخلت يمها نايمه ع السرير وجهها اصفر ولونها شاحب حيل بقيت اباوع عليها ودموعي تجرني لزمت ايدها كون بيه ولابيج اني كل الي صارلج من ورايه حسيت ايدها ضغطه على ايدي رفعت راسي كانت فاتحه عينها .. قربت ايدها من وجهي ومسحت دمعتي..

درر : دموعك غاليه عليه مااريدها تنزل ...

عباس : الحمد لله ع السلامه ياعيوني سامحنى على الي سويته بيج والله مااقصد ..

درر : ماكو داعي تتاسف واني كل لحظه احبك ازيد واعشق نضره الغيرة الي بعيونك ... عباس اني ..

عباس : كولي عبيسان ياروح عبيسان وگلبه .

درر : عبيسان اني احبك لان انته تستاهل تنحب .. اني اعرف بحبك اليه بيوم الي كنت ويا بابا بالمستشفى وسمعتك .. تسال روحك هم يجي يوم وتكولين عبيسان احبك .. وهاي اني حبيتك وهم سمعتك من گت اموت عليج من اول لحظه شفتج بيها .. بس بلحظتها حسيت راح اموت لهذا السبب غمضت عيني لان مااريد اسمع غير هاي الكلمه ..

عباس : ولج انتي لو باقيه مفتحه جان سمعتج كلام احلى بعد وج شعبالج جا انه معدل واعجبك .. بس انتي الخسرتي ..

درر : ههههه احجي هسه اسمعك ..

عباس : لا عيني لا بعد مااحجي استحي 😉😉😂😂😂
اگول بزون..جوعانه لو لا؟

درر.. اگول عبيسان شو اسمك تسألني جوعانه لو لا؟

عباس.. مو ما اكلت زين يم اهلج .. عبالي انتِ طابخه ..خفت لا اكي واتسمم😂😂.

درر : لا والله ع اساس طاح بأيدك تاكل من ايدي .. عباس ترة تعبت وبطني توجعني حيل ..

عباس : ياعيوني ارتاحي لاتحجين .. والجرح لازم يوجع تحملي شويه وحاولي تنامين ..