هروب (حقيقيه)

الحلقة 6

هروب الحلقة 6 (حقيقية 🔥)
ملاحظة صغيرونه : الروايه حقيقية  بس زدت و عدلت تفاصيل عشان تناسب انزلها لكم مش خيالية زي مايحساب البعض  و نا منزلتهاش لين تاكدت من مصدقيتها 100%😉💜
يا : يعني
هديل: مش حنقول ياولد لانك مش ولد يا #راجل نبي نتعرف عليك ؟
إيليا :أبتسم و ضحك ضحكه خفيفة بس تهبل😍😍😍😍🔥🔥🔥
اسمي إيليا من ام اجنبية  و اب ليبي عايش في دبي من 3 سنوات
هديل؛ وبه ؟؟
إيليا: يلي تشوف فيه هذا محلى المتواضع نخدم في تصليح السيارات
هديل: بس حوشكم و الشقه يلي شفتهن مايبينن انك فقير ؟
إيليا: شن لازم نكون فقير مش نمارس الهوايه يلي نحبها !₩
هديل: اكيده لا ، و به..
إيليا: خلاص هذا كل شي و توا نوضى ارقدي الفجر حيأذن
هديل:- برغم مزال غامض عليا بس حاظر🙊 و وين نرقد
إيليا  صبى ؛ تعالي الحقيني
هديل ؛ ناضت تتبع فيه
إيليا: طلع كم غطاء فرشهن ليها ع بعض
هديل :😟  حنرقد هنا؟
إيليا: لا تعاالي ارقدي ع ظهري 😒😏
هديل: تحشمت😹 باهي غدوا احجزلي تذكرة للاردن
إيليا : بإذن الله تصبحي ع خير
هديل ؛

إيليا: سلح الجاكه يلي كان لابسها و حطها تحت راسه و قعد يفكر
في نص دبي القدر  يجمعه ببنت نفس جنسيته و برغم من قصتها الغامضة يلي هو مش متاكد من صحتها مش قادر يسيبها بروحها و يبي يساعدها
هديل: كانت تشوفله و مزال السوال في بالها الشخص هذا ليش ساعدني و هو عارف اني حنسسبلله مشاكل ؟؟ و تفكر طول الليل لعند غفت 😴😴

صباح يوم  جديد🌝⛅
سحر؛ ناضت  تتأمل في مختار  يلي راقد جنبها و تتفكر قبل  سنه يوم قرر يتزوجها  و قالو  انه بنات العيلة لازم ياخذن ليبي و الافضل اولاد عمهن . بس توا شن صار ليش تغير عليها او بعد مايحبها ليش تزوجها ؟؟
خشت للحمام (يكرمكم الله) دوشت و بدلت و ناضت فطرت و قعمزت ع التلفزيون
مختار: صباح الخير
سحر: صباح النور ، الفطور ع الطاولة و الشاهي واتي سخنه بس
مختار: وانتي
سحر: فطرت من  بدري  و قتلك طالعه لحوش اهلى
مختار: يامرا شن فيك
سحر؛ توا انت حتفطر و تطلع حتجي الغداء خلاص نا حنطلع و نجي الغداء
مختار؛ ديري يلي يريحك و قعمز يفطر و مش عاجبه
سحر؛- فرحت انه مختار حس بوجع الاهمال و ناضت لبست و طلعت هي وياه

_ابتسام ؛ حمودي نوض افطر 
محمد: ابتسام ، مش فاضيلك
ابتسام: حطت يدها ع كتفه مش قتلك ازوجني انا ليش خذيتها هي اهي سيباتك
محمد: شافلها بنظره تخوف ، و ضربها كف 👋
عارفة يا قليلة الاصل لو يسمعو اهلي شن يديرو فيك تي انتي زي اختي تربيتي معانا و في حوشنا يوم توفو اهلك في 2011 بويا تحمل مسؤوليتك انتي و اختك و عايشت معانا زي خواتي بالضبط لذالك اياك يا ابتسام تجي شوري مرة اخري
ابتسام: ناضت تبكي
(ابتسام و مروة بنات صديق المرحوم زروق قبل مايموت بوهن وصاهن عليه و هو جابهن لحوشه من لما عمر ابتسام 5 و مروة 4 سنوات و في يلي مش عارف اصلا انهن مش خوات محمد و للاسف ابتسام كبدت ع محمد يلي يعتبر فيها اخته)