DARAH UMANG

TAJUK:DARAH UMANG
DIKARANG:SANDAH LAST BAJING
TUSUN 1

        Genap iku kitai mensia sigi ingin berumahtangga...nadai kala kitai berunding idup bujang belama tang nyangka ketegal pengilap keterubah kitai nguji niri ka ya ngujung ka runding kitai lalu enggai nguji kali ke dua..mayuh mega nguji kali ke dua tang agi mega enda mujur...lalu merambu deka kediri belama ya...kekadang mega jadi enggau diri serumah nyadi ka pilih kitai lalu meruan begulai belama ya...

      Pagi nya hari cukup manah...munyi ai sungai rarat asai ka ninga rentak lagu.. jauh meh asai penyamai diau di rumah panjai ari ka diau di mengeri..tang nama ga daya laban ketegal begiga belanja meh kebuah betinggal ka menua...
"wahhhh...umang Lenti kah?.", ko siku indu nanya...aku lalu merening ngagai orang ti nanya nya...
" ya...aku meh tu...Riti?.",ko aku ga nyaut..
"aku lah tu Umang...apu..nyu makin bajik burak iya", ko indu nya...aku lalu senyum merening ngagai indu nya..jari majak ka diri merus gari...lama meh kami duai riti duduk ba pendaie..bekenang ka pengingat agi dara kelia ka sigi deras baka....nyau udah lanjur jam baru aku ngangkat ka diri ari ai...
" umang...apu..bendar amai...tabar legik",ko indai ga dipeda datai ari atas...
"mang...kemaya pulai ke mengeri baru?.", ko riti ga nanya...
" pagila ti...nadai ulih lama ku cuti...nama deh ka enggau?.",ko aku ga nanya riti....
"ulih ga...lama dah ka ke mengeri...asai ku..budged aku pan udah cukup...hehe", ko riti ga nyaut....
" au meh....besikap aja meh pagila...",ko aku ga nyaut iya...aku lalu nitih ka indai niki ke rumah..tinggal meh riti kediri mandi...
ninga rita aku bisi pulai ke menua...lemai nya mayuh meh orang ngelumu...nyau penuh ga tudah bilik laban ka sigi enda besai buka...kengka ka bisi di rumah maya nya ngenatai ka diri memagang...bisi nya nanya ka pengawa di mengeri,bisi nya betanya ka bisi betemu ngau kaban belayan di bintulu...enda kurang mega nanya ka bisi udah perambu deka berumahtangga...
"eh umang...umur ukai majak biak...nama nyu sepuluh tahun da agi...enda dapat enggau orang tawis²", ko indai bonie ga...
" ngisin ka diri ibuk...ukai tawis..twice",ko lenjai ga nimbal ari sepiak...
"eh..ni ko kami meh ..sibuk", ko indai bonie ga nimbal..sidak sebuat alu ketawa ga ninga ulah indai bonie enggau lenjai,..aku lalu merening ngagai siku lelaki ka baru tama lalu nuduk ka diri semak buma...
" indai...ukai igat lium nya?.",ko aku ga nanya indai ka duduk ari tisi muak ari kiba aku...
"iya meh nya....", ko indai ga nyaut...
" apu..nama igat ngenyaie nya...kurus bakanya...meda agi sekula suba ngenyigat nya...",ko aku ga...
"nya...sakit igat...sakit kena utai orang..nyu ka mati da igat nya",ko indai ga madah
" udah kala berubat?.",ko aku ga nanya baru..
"ya lapa enda...ambis udah endur berubat..sepital udah..ubat iban udah...indon udah..tang ga nadai ngasi lalu", ko indai ga madah baru..aku lalu angkat ke bilik dapur serta datai di bilik dapur ai mata pan labuh naya....teringat ka maya agi sekula suba...igat meh siku lelaki ti paling dikesayau....

                                     ****

    "Udah ti?.ti udah mupuk tua..", ko aku nanya Riti..
" udah deh...nganti nuan aja gi tu ga...sigi ari pagi dah sedia..hehe",ko Riti ga nyaut...
"am meh", ko aku ga...aku lalu nulung riti berangkut ka barang...udah tembu berangkut...kami duai lalu nepan kereta..." mupuk ku indai...apai...mupuk ku",ko aku ga sambil jari sepiak udah megai stering lalu jari sepiak ngebai seduai ya
"au bejimat ka...ingat...anang laju..ukai kitai aja nenggah jalai", ko indai ga...berupai mua indai sinu meda aku mupuk...udah ngelebus ari mua rumah...aku lalu ngelaju ka agi kereta nuju ngagai simpang......
" ti...sinu amat meda igat lium...balat mat iya bakanya neh",ko aku ga bejaku...
"nya meh...ukai lama nya udah...baru ga bisi ngempat bulan tu....udah iya ka sarak enggau bini iya", ko riti ga nyebut...
" ya..udah bebini pia ti...enda lah aku nemu",ko aku ga nyaut riti...
"udah..bisi setahun udah jadi...alu sarak laban igat ka udu pemabuk...iya maie bini iya sarak", ko riti ga bejaku baru...
kami duai semina ngetu di selanggau aja laban ka beguai enggai ka hari malam...laban mata ka enda tentu meda driver maya malam...
" agi jauh mang..nyu ka kemi tu",ko riti ga nanya...jam maya nya udah pukul 18.33pm...
"nda jauh gi...limpas traffic light nya legik datai", ko aku ga...
" pajak ka ga...agi ulih tu ditat deh",ko riti ga madah...
kira bisi 5 minit meh alai kami duai riti pan datai..ya baru udah muka pintu rumah alai riti sedanah masuk...
"ni tungga jamban?.", ko riti ga nanya..aku lalu nunjuk ka ngagai sepiak kiba....riti lalu belanda nuju ngagai ditunjuk aku nya...enda lama udah nya iya pan pansut baru..
" akai...nyamai nal...",ko riti ga bejaku...
"ti..ku legik ka bejalai enda lama au", ko aku ga madah riti...
" au meh...anang lama au..hehe..",ko riti ga...aku semina senyum aja ninga ulah riti..