DARAH UMANG

DARAH UMANG TUSUN 3

     Seminggu pengudah aku chat siku lelaki alai lelaki nya npan bisi malas chat aku...
" hi mega...siapa tu deh",ko orang nya ga...aku lalu beguai nyengkau telefon....endang udah dijangka mega...
"riti...", ko aku ga nyaut...
" dini nuan bulih no whatsapp aku deh?."ko laki nya ga nanya...
"ba facebook", ko aku ga nyaut...
" o..nya ukai nama sebenar aku ba facebook nya...nama famous aja",ko laki nya ga madah ka aku...berasai tawas asai mua udah nemu orang nya cukup manah...
"siapa nama nuan ka bendar deh?.", ko aku ga....
" andrew",ko laki nya nyaut...aku cukup puas hati...aku lalu ngasuh Gina masuk ngagai office...enda lama udah nya gina pan datai...
"yessss...lantang amai ati ku na", ko aku sambil bejoget dalam office....pengaga aku semina gina aja nemu...
" tapi ingat ti...setiap pengawa nuan tu bisi risiko ti tinggi..ingat nya",ko gina ga...
"nemu aku na...tu meh utai ti dianti aku....enda sabar agi asai ya", ko aku madah ka gina...
" sorry andrew...busy kerja",ko aku ga....
"enda apa..adu dulu meh pengawa nuan", ko andrew ga malas chat aku...sehari nya enda baka ka hari bukai...pengeransing aku kerja ngasuh tiap iku orang dalam opis nya berasai iran....ga sekumbang ka udah mati umang lalu sekumbang ka udah ditiki pangkat nganti niang umang..aku semampai bemasam mua....tang ka sehari nya aku senyum belama...enda kekasak sebelah opis......
" hi...tenggahari andrew",ko aku ga lebuh ngetu bak kedai kopi tengahari nya...
"ya hi...ma gagak?", ko andrew ga nanya...
" benung rehat..nuan deh?.",ko aku ga nimbal tanya andrew...
"sama...ku ba seberai hotel li hua ditu..nuan deh?.", ko andrew ga nanya aku...
" ku ba tanjung kidurong ditu..bah...ka makai dulu...lemai tua chat",ko aku ga madah....andrew semina bluetick aja....gina ka ba tisi aku majak ka diri makai....berumban enggai ka jam nyau cukup.....
udah tembu makai kami duai gina lalu pulai ke opis baru...kerja sehari nya cukup mayuh tang nadai berasai ga nembu ka....pengelantang dalam hati aku enda ulih dikira agi..utai ti ditarget aku asai ka udah dalam genggam......

                                                   #***#

   Datai di rumah aku lalu nulung gina bebela..udah tembu bebela aku lalu mandi..ditangkan ka gina...udah gina tembu mandi kami duai ya lalu makai...benung makai aku ngasai ka bisi meda kenaya orang bejalai...laban mua aku ka ngadap ngagai mua pintu nuju ke bilik besai...
"Na...asai ku meda umang ku Na", ko aku ga madah ka gina...
" dini ti...amat nuan?.",ko gina ga nanya aku...
"amat Na...nyin..nuju ke tungga ngagai bilik besai lalu belok ke tungga mua tv......", ko aku ga sambil jari nunjuk ka ngagai endur nya...tang laban endur nya ka betiku...sofa ka endur meda tv nya enda dipeda ari bilik dapur...
" amat nuan ti...anang memain",ko gina ga madah...
"enda aku bula na...nama takut nuan pia...?.", ko aku ga madah ka gina...
" enda ku takut ti..ti amat nya umang..aram meh tua ngagai iya...nyangka ulih berandau endur tua mantup ka lelenggau ngagai iya",ko gina ga madah...aku enggau gina lalu angkat nuju ngagai kenaya umang ti dipeda aku tadi.....belubah kami duai ya nuju ngagai sofa ka nunga tv nya...lebuh kami duai ya datai diak..nadai ga meda utai....aku enggau gina lalu pulai ke dapur baru...
malam nya sekali agi kami duai gina teguran ningga orang mandi..tang kami duai ya nadai berasai takut....engka nyangka nya kelamayang umang meh....
"mang...ti nya nuan...ayan mang...sinu ka kami duai tetenggap ka nuan.....nadai lebih ari nuan meh orang ti siru enggau kami duai...ti nya antu bukai..minta nuan lari ari rumah tu..tu ukai endur nuan", ko gina ga....gina sigi orang ka berani...nya meh kebuah aku berasai lantang begulai enggau gina...enda berasai pemuas ka meda jerita ka digaga orang ba facebook alai kami duai alu tinduk.....
" ti...dani gi...enda nurun kerja seduai gina?..apu..dah laun ndar tu",ko orang ngerak....nyawa cukup dikelala...tang enda patut nya iya....aku lalu encelak ka mata...sigi amat ga hari endang cukup tampak...perencing mata panas mancar ari cermin ngasuh mata cukup linsau...aku lalu sedanah angkat ngiga orang ka ngerak...nadai ga meda...semina gina ka bisi dipeda gegaring agi bekuruh....
"enda apa lah....enda nurun ga sehari tu", ko aku bejaku kediri berandau nengali...udah nya aku lalu telefon ngagai admin clerk madah ka kami duai gina enda nurun....
udah gina dani iya lalu sedanah angkat...
" apu dah laun..dah laun...",ko iya alu beguai deka nurun..
"kini nuan?.", ko aku ga nanya gina...
" la ka mandi...alu nurun kerja",ko gina ga....aku lalu neju ka aja iya nurun mandi...kira setenggahjam alai iya pan niki baru...
"udah mandi?.", ko aku nanya gina
" udah....nyamai asai....nama nuan alu enda begari?.",ko gina ga meda aku agi ngena garie diau..
"peda nuan jam na..hehe", ko aku ga sambil senyum..gina alu nilik jam bak telefon iya...udah iya meda jam nya iya lalu nuduk ka diri baru..." pukul 15.20pm...enda berasai..mata ngeneka nya tinduk",ko gina ga...
nadai ngawa nya..dah ku madah admin tadi tua enda nurun",ko aku ga madah gina...iya lalu ngalie ka diri baru....
"anang tinduk baru au...ku ka maie nuan ke sungai plan..meli barang dapur tua nadai gi", ko aku ga madah ka gina....
" ermmmmm...au meh....",ko gina ga..
udah gina begari manah...kami duai ya pan lalu mupuk ke sungai plan.....ta naka bansa sayur dibeli memagang....gina sigi nyadi tukang angkut...daging bemacam daging ga dibeli...udah utai dibeli...kami duai ya pan pulai ngagai kereta....
udah tembu nyimpan utai dalam kereta...aku pan madah ka utai ngagai gina....
"na...legik enti aku nyium andrew...alu snap nuan foto..ingat...asuh clear ndar", ko aku ga madah ka gina
" ok...",ko gina ga...pemuas ka gegining ba tisi kereta..aku lalu mansang ngagai siku lelaki kira bisi takah 4 buah kereta meh ari kereta kami duai gina...
"andrew?.", ko aku nanya andrew...
" ha...ya....riti?.",ko andrew ga....
"yup...riti...nice to meet you", ko aku ga...sambil nyurung ka jari maie betabi...
" o...bajik diri ga neh...meda ba foto enda sebajik tu..",ko andrew ga sambil nyua ka jari betabi...
"bah mupuk dulu ku..enggai ka laun masak..hehe", ko aku madah ka andrew...
" ok",ko andrew ga...
"muuuuuaaaaahhhhhh", ko aku nyuium kuyu andrew..andrew semina senyum aja laban aku ka alu nguing pulai ngagai kereta....udah tama dalam kereta..gina pan lalu nyua ka telefon ngagai aku...
" thank you Ni...fasa pertama udah siap..fasa kedua menyusul...",ko aku madah ka gina...kami duai gina lalu hi fi....tang enda ga pasti gina amai nemu pengawa aku nya tauka enda....