يوم لخميس فليل
عيت عادل في حوش خوالهم ولبابه جايه بايته ف حوش خوالها مع ملاك والباقي كل واحد ف حوشه
طبعا عمامي كلهم بنفس الحوش الا عمر وبوبكر بعيدين شويه
كل يوم خميس عمامي عندهم عشي والخميس هذا مرض فيه جدي فليل مع الساعه 2ممكن وكان الحوش فاضي مافيش غير امي وجدي وملاك ولبابه
وعمو حمد يسكن في جناح مع امي وجدي مشو ملاك ولبابه دقو على عمو حمد طلع مهناش امي كلمت عمي عادل باش يجي يرفع جدي للمستشفى جي عمي عادل رفعه وعمامي سمعو كلهم التمو الشباب ولحقوهم عمامي للمستشفى ونزلو نساوين عمامي وبناتهم وجو البعيدين وجي بابا خدي شويه حاجات لجدي لأن بيبات غادي فالمستشفي ومباش يخبرنا خيره قعدنا مشغولين وخايفين عليه حسيته أن صايرلا شي خشو لولاد داخل لي امي والنساوين وعلى مسألوهم شن قالولكم كل واحد ينخص فالتاني وقالو مافيه شي واحشني البنات كنا انضمو برى وهما طالعين ناادينه على معتز ومندر وخبرونا انه عندا خلطه فالدماغ ورجله ليسار ويده ليمين ميتحركوش قعدت كل وحدا تبكي من جيها الا لبابه والاء ماشيات يدورن ويهدرزن طبعا هدينا حالتهن مستعصيه ديمه شادات بعضهن ويهدرزن
بعدين روحو النساوين والصغار وكل واحد ف مكانه وقعدنا احني لبنات ولولاد بايتين كسدنا طول اليل زي الصغار لولاد فالمربوعه واحني ماشيات جايات عليهم اناشبو فيهم اندقو ع الباب ونهربو كسدنا لصبح ماخلينا مدرنا لعبنا ودربكنه وختمناها بمكياج
جي وقت النوضه خشينا انوضو فالولاد اني وملاك ولمياء ويناري عالمنضر يلي شبحناهم بيه إلى راقد فوق التاني والي بكت والي بلاش والي بشرط المهم على مدرنا مبوش اينوضو تحلفي عليهم ميتين
وشبحنا لبعضنا هديكا النظره الخبيته وطلعنا نجرو للمطبخ لقينه البنات حايسات يوتن فالفطور واسميه أدير ف بأن كيك ألمهم
خذينا شيشه اميه مسقعه وعدينا للمربوعه وبدينا فيهم ناض كل واحد يسب ويخرط من جيها هربنا نجرو بحدا امي لحقونا وقالو اختارو ياطريحه يافطور احني خترنا فطور لأن وأتى 😂
وفات اليوم وجدي مروحش وكل واحد قاعد ف حوشه وقعدنا البنات مع امي
وفليل ضاربنه لكساد 😁🤣أسماء قالت شن رايكم نمشو لسوق هوا قريب بحدنا بس عمامي ميخلوناش نمشو على رجلينا وبروحنا بس قلنا مدام لحوش فاضي عمامي قاعدين مع جدي ولولاد طالعين
لبسنا عبايات وخمارات تقول دواعش وتوكلنا على الله ❤️😂وطلعنا واحني ماشين ف قهوه بحدا السوق مقعمزين فيها معتز وعلى ومندر ومصطفى
طبعا مندر ومصطفى صحاب واجد وديمه مع بعضهم وعندهم نفس الشخصيه عصابين وواعرين 👻
المهم فتنا واحني خايفات واجد منهم 😱
خشينا درنا دورتنا وطلعنا واحني مروحين شفنا للقهوي لقيناهم مهناش فرحنا لأن محد عرف ان طلعنا واحني وصلنا الحوش فتحنا الباب ولقينا...
.... 🤔🤔🤔
توقعاتكم للبارت الجاي 😁😂
