⚡️😼
أكو واحد فاهي سأل أبوه هم فاهي مثله..
گله:
يابه ليش الناس دائما يگولون علينه ثولان وفاهيين؟؟؟
گله أبوه:
إبني روح جيب جدريه من المطبخ وتعال حتى أگلك ليش!!
الابن راح جاب جدريه و نطاهه لأبوه..
الاب دگ على الجدريه مرتين..
الابن صاح:
منوووووو..
الأب گله:
شفت إبني..هسه عرفت ليش الناس تگول علينه ثولان من وراك..
دهاك رجع الجدريه لمكانها حتى أگوم اشوف منو بالباب😐👍😹😹😹😹😹😹😹💗
ــــــــــــــــــــــــــــــــــــــــــــــــــــــــــــــــــــــــ.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ــــــــــــــــــــــــــــــــــــــــــــــــــــــــــــــــــــــــ.
⚡️😼
اضحكوا 😂😂 اله بشدده 😂😂
ولد راح لأبوه گله:يابه أريد 3 آلاف أشتري طوبه..
گله أبوه:ماعندي ولي من يمي..
گله:ماعليه أريد أشتري طوبه أريد فلوس..
گله أبوه:گتلك ماعندي..عندك ديچ روح بيعه وأشتري طوبه..
گله:الديچ مريض مينباع بألفين دينار..
گله أبوه:ماعرف روح من يمي ماعندي..
الولد أخذ الديچ وگام يفتر بي يريد يبيعه محد إشتراه..گال ماكو غير ام غايب السحاره تشتري مني..
راح دگ الباب طلعت ام غايب گالتله:هلا بعد رويحتي تعال فوت خلي ابوسك من زمان ماشايفتك..
فات للبيت گللها:خاله اريد ابيع هذا الديچ تشتري؟؟
فجأه إندگت الباب..گالتله:ولك هذا رجلي بس يشوفك هنا يكتلك تعال اختل بالكنتور
راحت فتحت الباب طلع مو رجلها واحد ثاني متفقه وياه اول ماگعد إندگت الباب..
گلتله:عزه هذا رجلي گوم اختل بالكنتور..فات ختل بالكنتور..طبعا بالكنتور ظلمه
الولد دغ الرجال گله:تشتري هذا الديچ؟؟
گله الرجال:اشش..نصي صوتك ليسمعنا رجلها..
گله الولد:والله اذا متشتري الديچ أصيح..
گله الرجال:إشش بيش تريده؟؟
گله:ب 50 الف
گله الرجال:عزه شو غالي شدعوه!!!
گله:تشتريه لو أصيح ويسمعنه رجلها؟؟
گله الرجال:هاك 50 الف واخذ الديج..
وره شويه الولد گله: تبيع الديچ؟؟؟
گله الرجال:لامابيعه اسكت..
گله الولد:لامو بكيفك تبيعه واذا متبيعه اصيح..
گله:يله ابيعه بيش تاخذه؟؟
گله الولد:ب 3 الاف..
گله الرجال:ولك مو هستوني اشتريته منك ب 50 الف
گله:اذا متبيعه والله اصيح..
گله الرجال:جيب 3 الاف واخذه حسبي الله عليك..
وره شويه گله الولد:تشتري الديچ لو اصيح؟؟
گله الرجال: بيش؟؟
گله:ب 100 الف..
گله الرجال:والله ماعندي دخيلك مابقه بجيبي فلوس چفيني شرك..
گله الولد:براحتك لعد راح أصيح..
الرجال طلع 100 الف وانطاهن للولد وأخذ الديچ..ههههههه خو ماطولتها عليكم؟؟
وره شويه الولد گال للرجال:تبيع الديچ؟؟
گله: هاك اخذه بلاش عمي بس خلصني..
وره فتره اجت المره فتحت الباب گالت للولد اطلع بسرعه وطلع الولد يركض وطلع وراه الرجال..
الولد راح اشتره طوبه وعزم اصدقائه بالمطعم وبقن عنده فلوس والديچ هم بقه اله..
راح للبيت لگه أبوه عيونه تتجادح..
گله:يابه تشتري الديچ؟؟
أبوه گله:كلب ابن الكلب ماكفتك ال150 اللي اخذتهن مني بالكنتور؟؟
گله:يابه تشتري الديچ لو أگول لأمي👍😐😹😹😹😹😹😹💗💔
ــــــــــــــــــــــــــــــــــــــــــــــــــــــــــــــــــــــــ.
