النوك الحمر

٤٣

فرح- بيومها بابا ضل ساكت ميحجي وي خاله. عكس كل يوم اسمع سوالفهم وضحكهم حسين نبقى عدنا اخذه ابوه كوه غفيت والصبح حسيت طلعت للمطبخ خاله ايدها جوه خدها ضايجه صافنه على الباميه والسجينه بيدها لاهي الدتكلم ولاهي العايفتها
خاله
ها يوم رفعت راسه عيونها منفخه من البجي
خاله شبيج
لا مافيني جرت حسره تتريكين يوم
اني هسه اسوي تريكتي وي بابا همست
اوبوج مابات هني
التفتت فازه باوعتلها برطمت ونصت عالصينيه
خاله شكو
يمه ماراضي شيلي السالفه من تفكيرج ماينطي
فكيت حلكي كتيله خاله
اي كتلو كال ابن خالتها يبيها وماانطي للسيد ياذيها وماتتحمل العيشه هني
كتيله هي رايده
كالت
هاذ بعد انتي واياه
زعل عليج
اهو كط الحجي وكصد المضيف البراني
بقيت ساكته وحايره بامري
زين خاله
غير هو السيد يطلبني منه
ييمه انه كتلو وزنبر فوجهي والسيدكال فكي موضوع واياه شوفي ردو
تالي شون
والله مادري
نضفت شون مجان بلا واهس حتى خاله لاسولفت لا ضحكت سوت غده وطبت ترضع علي بعد مطلعت من الغرفه
بابا مااجه للعصر طب
كال
السلام عليكم
هلو بابا اباوعله اقره ملتمحه باوعلي ودار وجهه كال
خالتج وين
بالغرفه ترضع علي
همم دطلعيلي داخليات ودشداشتي والمنشفه
بقيت صافنه اي بابا
طبيت اخذتهن خاله باوعتلي ونصت مطلعت من الغرفه سبح بابا ديطلع من البيت كتله
تتغده بابا
بقه اكل
اي طبعا خاله شايلتلك اصلا متغدت هي
زين دصبي بابا
اي
صبيتله اكل بدون شهيه مو هواي وكام

ديطلع باوعلي كال
تغدي ووي خالتج بابا
مقبلت كالت مالي نفس
وشون ترضع علي عوفيها براحتها
طلع رجعت يم خاله جانت تحجي بالتلفون وي السيد طلعت خجلت اكسر خصوصياتهم حرت كلش صح غيرته تاذي بس احبه
عزه بعيني احبه ههه اي اي احبه واله احبه

اليوم جان ممل حيل رجع بابا بليل نام بالهول تمدد وخاله مطلعت سوت العشا ورجعت وكلشي مااكلت بس شربت مي حتى عصير سويتلها خليته يمها مشربته كضتها بالغرفه وعلي على صدرها

بابا تاكل
باوعلي بحيره وجر نفس

خالتج اكلت
جج كلتها ونصيت احس من ورايه تزاعلو كلش ضجت
دار وجهه وخله ايده الساعد على راسه وغمض كال
شعدج عشا
خاله سوت شوربه ام الكبه
هي سوتها
اي
صبي انتي اكلتي
اي اكلت صبيتله اكل شوي ولزم راسه قوي
بابا شبيك برطمت خفت عليه احساس انه افقد ابويه مره ثانيه يرعبني جاوب
دايخ شوي بابا عوفيني وحدي

تركته وفتت للغرفه تمنيت احاجي السيد بس بعد شون معقوله متصير قسمتي وياه وهالحجي منه ماسمعه بعد لوهاي النضرات ميباوعلي بيها بعد مستحيل اخلي غير واحد يباوعلي نص نضره غيره

لليل ضل بابا اسمع خطواته بالبيت مطب للغرفه شوي وسمعته طب من طبكه الباب عرفته صوته من يحجي يوصلي كال

يس- ليش مااكلتي علويه كلتها مرتبك كاعده مرتبه بهدومها والشعر مفلول يلمع لمعه تخبل وجهه حزين واني مرتبك ماريد اصالحها لان مقبلت على زعلي من اخوها طبكت وياه وكالت حقه يغار
مردت من سالتها