MEDYAS: A LOVE STORY *BOOK I*

Book I Chapter 20: Heart Breaks

Heart Breaks

"Dadiiieeeeeee." malakas kong pagtawag kay Joshua na nagbabasa naman ng magazine nung umagang yun.

"Oh bakit ano yun baby?" sagot naman niya. Itinigil niya ang pagbabasa at ibinaling ang atensyon sakin.

"Guess what?" pagtatanong ko sakanya.

"Hindi naman ako manghuhula eh." sagot niya sakin.

"Ito naman walang kathrill-thrill kwentuhan." pagtatampo ko kunyari kay Joshua.

"Oh sige hulaan ko. Dinagdagan ng tita mo ang baon mo noh? Kaya ililibre mo ako mamaya ng pamasahe." pagbibiro sakin ni Joshua.

"Hindi sira. Ano ka sinuswerte? Hahaha. Tungkol kay Cyrus." pambibitin ko sakanya.

"Ah. Inakbayan ka nanaman niya?" tanong ni Joshua sakin.

"Hindeeeeee. Nagtanong na siya kung pwede daw ba niya ako ligawan!" excited kong pagkukwento.

"Ano sabi mo?" tanong uli niya.

"Eh di. Pwede!" kinikilig kilig kong sinabi kay Joshua.

"Ah, un lang ba?" sabi niya at bumalik sa kanyang pagbabasa.

"Hay nako daddy. Topak ka na naman. Hindi ka man lang masaya para sakin." pagtatampo ko sa kanya. Hay nako ang saya-saya ko magkwento sa kanya tapos un lang reaction niya.

"Ok. Congrats. BABY." pagbati sakin ni Joshua na patuloy parin sa pagbabasa ng magazine.

"Thank you ah!" pagsusungit kong sagot dahil parang hindi man lang niya pinansin ung kwento ko. Hay nako, makaalis na nga lang.

Ang saya-saya ko ngayon tapos ganoon reaksyon niya. Nakakasira tuloy ng araw.

"Oh mahal bakit nakasimangot ka? Hindi bagay sayo nakasimangot. Ngiti naman diyan." sabi ni Cyrus habang hinawakan ang pisngi ko. Buti nalang at nandito si Cyrus na nagpapasaya ng araw ko.

"Yung bestfriend mo kasi eh." pagrereklamo ko.

"Away nanaman kayo?" pagtatanong ni Cyrus.

"Ewan ko dun nagkukwento lang naman ako tapos bigla na namang tinopak, nakakainis." irita kong sagot.

"Hindi ka na nasanay. Ano ba kinukwento mo sakanya?" tanong ni Cyrus. Nakakahiya naman kung sasabihin ko na siya ung kinukwento ko. Baka isipin niya patay na patay ako sakanya pero parang ganun na nga. Hahaha.

"Kinuwento ko lang naman ung ano... Ung... Mga alaga ko." pagpapalusot ko kay Cyrus.

"Ano ba alaga mo?" muli niyang pang-uusisa.

"Langgam--"

"Langgam?" pagtataka niyang tanong.

"Oo, ay este may langgam kasi dito sa armchair ko. Hehehe." muli kong pagpapalusot. Wag ka na sana magtanong Sai, nahihirapan na ko lumusot.

"Akala ko nag-aalaga ka ng langgam. Hahaha. Ikaw talaga. Ang cute mo." sabi niya sabay kurot sa pisngi ko.

"Ikaw talaga. Ang bolero mo." panggagaya ko naman sakanya with matching kurot-kurot din sa pisngi.

Maya-maya'y nagbell na rin at si Cyrus ay nakipagpalit ng upuan kay Janine. Kaya kami na ang magkatabi ni Cyrus at sila Janine naman at Joshua. Sana naman magkadevelopan na tong dalawang toh. Bagay naman sila eh.

Nagbuhay prinsesa ako sa tabi ni Cyrus dahil siya na daw ang magsusulat ng notes para sakin. Pumayag naman ako. Ang kapal ng mukha ko noh? Hahaha. Aba dapat itest kung gaano kaseryoso tong lokong toh. Mamaya pinagtitripan na naman ako. At least kung pinagtitripan niya lang ako napakinabangan ko siya. Hahaha.