نار هادئة

part 1

#نار_هادئة

بارت ....1
،،بقلم الكاتبة سجى الربيعي،،

الحجي ،، حبيتي انتي زوجتي و بت خال و حبيبتي و صديقتي بس اني ماريد احرمج من حقج صح هذا امر ربج بس هاهية الحمدالله ع كل حال اني راضي ع الي ربج قسمة الي بس مااقبل اضلمج وياي و ربج ميقبل بالضلم ،،

رنا : لا حجي اني قابلة و مااريد اطلك و اعوفك اذا الله مكتب يصير عدنه جهال مراح يصير مو ضروري اهم شي انته موجود بحياتي

الحجي : الله لا يحرمني منج ،، بس اكو شغلة لازم تعرفيها ،،
رنا : ولا يحرمني منك كول اسمعك ؟!

الحجي : اني عندي مشروع جديد و اريد افتح فرع جديد بس مو بالعراق بسوريا و لازم ابقة ادير الشركة ب ٦ اشهر هناك يعني لازم ادير الأمور و بعدين ورا ال ٦ اشهر اخلي واحد بمكاني وارجع بس اني حاير انتي شلون تبقين هنا وحدج ؟؟!

رنا : وليش دابقة وحدي اروح وياك هناك لحد ميستقر وضعك ونرجع ،،

الحجي : زين و دوامج ؟؟! شلون اني ضلمتج هواي النوب اكلج بطلي من الدوام ؟!

رنا : لا حجي فدوة لكلبك شعدي غيرك اني لتحجي هيج شنو ضلمتني شنو هسوالف ؟! اذا انته تكول ٦ اشهر احنه هسة يلا خلصنة متحانات النهائية و بعد اربع اشهر للدوام يعني عادي و اذا انطي للمديرة چم فلس و اخذ اجازة شهرين لحد منرجع مو صعبة اني مااكدر اعوفك هناك منو يسويلك اكلك منو يهتم بيك ،،

الحجي : بستها من راسها و كتلها ربي يخليج الي رغم صارلنه ١٧ سنه متزوجين احس اليوم اتزوجنه من كلامها و اهتمامها بيه ،،

كتلها خلاص : حضري روحج لعد و لمي غزاضنه نروح اني وياج و اني راح اخابر ولد هناك يرتبلنه امورنه ناخذ شقة و نكعد بيها او بيت نشوف حسب الوضع ،،

خابرت هناك هيثم صديقي تكفل بكلشي هناك هوة راح يدور النه سكن قريب يم الشركة الي اخذناها .. و اخذ الجوازات حضرت كلشي و فيزت ع يوم الخميس انسافر ..

ضليت ملتهي هاي الثلاث ايام ارتب الشغل هنا حته ميصير اخطاء من بعدي ،، اجة يوم الخميس ودعت اختي و جهالها و امي و اهل رنا و سافرنة السوريا ،،

صعدنة بالطيارة .. كم ساعه و وصلنه لسوريا هناك صديقي هيثم واكف بالمطار استقبلنه

هيثم : الحجي وصل واني واكف بعيد انتضرة يا يابة شكد متغير كأنة مو هوة شكلة كبران عبالك عمرة ٧٠ سنه و هوة كله عمرة ٤٢ سنة اما زوجته هية هية ممتغير منها اي شي من اول يوم شفتها مرتاحيت الها لكن تبقى زوجت صديق عمري مااعرف شنو الي بينهم لكن الحجي ابد ميشكي منها ويكول شايلتني بصلوات ..

الحجي : تقربت على هيثم حضنته حيل مشتاقلة رفيق عمري ضلينه واحد يسأل الاخ عن احوالنه سلم ع رنا و اخذ الجنط و خلاهن بسيارته صعدنه بسيارة ،،