ام شبر و نص

6..

اليوم الصبح راحت جمانة مشان مدري ليش بس يلا المهم راحت... و انا فتحت المطبخ و شخصيا فتحت البراد و ما خليت شي ما اكلتو🤦‍♀😂🤗
المهم يعني و هيك بعد ما خلصت اكل قعدت ع اليوتيوب و شفت كم فيديو علقو بمخي
لميس: بدي اعملها 🤓🤓
المهم رحت فورا ع غرفة امي و فتحت الخزانة و اخدت كم 👗👘👕👠👡👢👒👜👛 حلوين و صرت حاول البس و اخيط و قص... استنوا قص.. 🤯🤯🤯😰😱😱
اوك ما رح خبي عليكن الكنزة يلي بتجنن حبيتها كتير 😍😍 بس المشكلة كانت كبيرة شوي علي مشان هيك قصيتها شوي 😅 الله لا يفرجيكن... المهم خليكن ساكتين 🤫🤫..
طبعا خبيتها و هيك رحت اعمل قهوة لان قرب وقت جية امي و اخي بس... و انا عم صب القهوة كبت ع الارض لك مو هون المشكلة🤦‍♀🤦‍♀ المشكلة وقع فنجان ☕ امي المفضل و يلي هو هدية من ابي 😰😱😱😵
اوك ممكن اعمل حالي ميتة ما بشوف غير باب البيت دق.. ترن ترن
لميس: امي يا امي 😭😭😭
ماما: ييي😱😱😱لك شو عاملة يا بلوة
لميس: و الله مو بقصدي وقع و انا عم اعمل القهوة
ماما: لك شو يعني بدون قصدك لك انتي بنت بصف البكالوريا 😡😡
لؤي: خلص امي مو مشكلة هلأ بتنضفو
ماما: لك يا كلبة 😡😡
لؤي: خلص امي تعي اهدي
اخدها لؤي ع غرفة القعدة و انا عم ضب ما بسمع غير سيرة الجواز
لؤي: امي في رفيق كتير طيوب و طلب اختي و قال خبرك بعدين بنادي امو
ماما: لك هي اختك ما بتعرف تطبخ ولا تغسل
لؤي: معليش معها معها بتتعلم
لميس: شوووووو😵😵😵😵، اسمعني استاذ لؤي بحياتي ما بعمل هيك فهمان... انا ما بدي اتجوز ليش نكد ع حياتي و اتجوز
ماما: ليك هي شو عم تحكي
لؤي: هو جاي يخطبك اليوم
لميس: بالله بتشوف شو لح اعمل يا لؤي بتشوف
فتت ع الباب و سكرتو بقوة و اتصلت فورا على جمانة و خبرتها كل القصة
جمانة: شووو
لميس: متلي متلك
جمانة: وشو لح تعملي
لميس: عم فكر
جمانة: اوك
لميس: يلا باي
جمانة: باي
قعدت بارضي
لميس: لك شو  هالمصيبة كيف هيك يالله منك يا لؤي ليش هيك عملت انت بليتني 😰 انا ما بيصعب علي شي بتشوفو شو لح اعمل
قعدت اكتب و خطط و المسا كنت مجهزة حالي ع ال24
ماما: بنتي اجو
لميس: يلا لح جيب القهوة و جاية
ماما: هلأ هي نفسها بنت الصبح
لميس: مو نفسها هي هدوء ما قبل عاصفة 😈😈
المهم رحت جبت القهوة لا تخافو ما عملت فيها شي و الحمدلله بعرف اعمل قهوة 😅 جبتها ضيفتهن كان الشب ماشي حالو من جهة ان حلو بس انا ما بدي اتجوز
بعد ما حكو و كلشي و صار يلي صار
لميس: ممكن نحكي شوي
يحيى: اي اكيد
طلعنا ع البلكونة (البرندا) و عطيتو ورقة كتبت عليها كتير اشياء 😈🤞
لميس: انا عندي هدول الشروط للخطبة ازا موافق؟!
يحيى: 🙄🙄😂😂😂 عنجد يعني عم تحكي جد هيك بدك
لميس: اي طبعا
يحيى: ممم
لميس: شو
يحيى: لح فكر
لميس: اوك 🙄🙄
طبعا انا عم اضحك من تحت لتحت يلي طلبتو علاء الدين ما بيقبلو لك لو كنت ملكة جمال مدري ملكة الحب او ملكة الاحساس ما بيقبلو حتى يقبل و انا 😂😂..