السلام عليكم اليوم اريد اعرفكم عن حياتي اني اسمي زينب اوصفلكم شكلي حنطاوية عيون كبار شعر طويل اسود طبعا عمري ١٧سنة واليوم حبيت اوصفلكم شعوري وشلون افتقدت ابوية اني صغير من توفة والدي طبعا كلشي مشايفة منة من اني وعمري ٣سنوات توفة الله يرحمه بس الحمدالله الله عوضي ب والدتي عيشتي احلة عيشة وما خلتني احس بحنان الاب بس طبعا واحد اذا كبر يحس بنفسة مفتقد شي طبعا اني افتقد شخص غالي علية وما اتذكر طبعا شكلة ما اتذكرة زين راح اسولفلكم شلون توفة ابوية جان يشتغل حارس ويبات بلحرس طبعا امي صغيرة مو جبيرة جانت ظروفنة صعبة المهم هوة ابوية لا يعرف يكتب ولا يعرف يقرة بس هوة من النوع حافظ ادعية وحافظ سور من القران الكريم ويصلي وجان حتة. صالت اليلة يصليهة فد يوم راح للحرس وثاني يوم كعد مصلية وجمعاتة بلحرس محاجية ميحاجيهم لان صار اخرس بس مصلي ومكمل صار وكت رجعت للبيت اجة واني واختي صغار طب للبيت ورفعة ايد عود يسلم بس هوة ميكدر يحجي كعدنة اني واختي لعبنة ويا وجان يلعبنة بس هوة ميحجي وبس ييوس بينة ويضحك ويانة ويلعبنة المهم اجتي ماما كنالهة ماما بابا ميحجي راحت امي حاجتة ما حاجاهة كالتلة سيد شبك وهوة بس يباوع لمي ويضحك المهم كالت خلي دز ع اعمامج راحت امي وابوية من النوع الحنين كلش اجو عمامي سلمو علي سوينالة ريوك واتريك واخذ للطبيب سودة علية جان يكول الطبيب ضاربتة جلطتين بلدماغ والثالث الله ستر وسكر جان عندة وضغط المهم دخلو بلعناية المركزة وبهلثناء فقد نام بعد ماكعد دخلو ٣ايام بلمستشفى طبعا امي ويا اني عندي ٦اخوات و٢اخوان اج الدكتو كلهم هاي سالفتة منتهية متفيد طلعو خلو يموت بيتة ويرتاح احسن ما مخلي بلمستشفة فكالو عمامي خلي نطلع المهم ما طول طلعو من المستشفى الوادم رايحة رادة صار اليل وجان امي تشرب مي بخاشوكة مالت الجاي وهوة جان بصعوبة يلة يبلع المي كتلهة ماما ليش هجي بابا كالت مريض كم يوم ويصير زين امي حضنتني وكامت تبجي بس ما اعرف عليمن الان صغيرة😭😭😭كتلهة ماما اكدر ابوس اجري يعني رجلي لان جت هستوني اعرف احجي لان اني صغيرة وخفت منة لان اجهزة وكذا ماما كالت بوسي المهم ماما بقت كاعدة ويا وااحنة نمنة البنات والولد وكلحنة صغار ما عدى اختي الجبيرة ومزوجة اخذت ابن عمتي صار الصبح وكعدو وتريكنة واجو وادم وجيرانة وعمامي جانو كاعدين بلاستقبال وجانت امي يمة لان خالينة ع السدية وامي وكافة هوة تشاهد وكلهة تباوعلة شلون حجة وتشاهد كمل الشهادة وصاحت امي وركعت راسهة بلحايط وصار الصايح طبن اخواتي بل وعي كلهن بدون شال والوادم كاعدة وجيرانة الولد كلهم وصار الصايح بس اني كلشي ما اعرف بس كمت ابجي من الصياح اخذتني اجة ولد جيرانة طلع اخوتي هنة دفنة شككن ملابسهن اختي كام خشمهة يجري دم لان ضربت راسهة بلحايط اجتي جيرانة واخذتني اني واختي اختي جانت بصف الاول ابتداءي اخذتنة وغلستنة ولبستنة اسود وجان اشوف الناس ملتمين وبواجي وصياح بس ما اعرف عليمن وع شنوو المهم جنت ادور بين بيبي وعمتي الي هنة كرايب ابوية يعني مو الح بس اخوات ابوية جانن يموت من امي ولا يردنهة ولاحتة يشربنة مي من عدنة جابو ابوية واخذو طمو راحت ايام صارنة اسبوع وامي واخواتي بس بواجي لا اكل ولا شرب صار اسبوع ورحنة للنجف بس بعدة ماباني الكبر وصار صياح وبواجي صارت عندي خوفة ف كل يوم المغرب اني ابجي واصرخخخخ جان اكو سيد بلنجف قرة ايات ع راسي وكال هاي عدهة خوفة المهم اني بقيت ع هلحالة لمن اخذوني ل سادة يمنة وسولي حرز وقرو علية ايات قرانيةالمهم صرت زينة انضروني ع الجزء الثاني انشالله باقرب وقت انزلة
