تكملة قصة بيد قلبي

٣١

تكملة قصة بيد قلبي ....
الكاتبة اماني محمد....

عفتة ورحت اكمل البيت ...
وخبزت....شفت مثنى جا...
اشرت الاساور روحي اني اكمل...
اباوعله شلون حضنهه بلهفة...
ابتسمت...وكلت ربي احفض كل محبوب لحبيبتة...
غسلت النجانة مال الخبز...
ورحت ع المبايل...
شفت رسائل كومة...
واتصالات... بيدي وخابر...
- الوو ..
- لج شبيييج وين جنتي...!؟
- مابية شي بعدين انت مو زعلان؟؟..
- عوفي الزعل هسة هاي شنو البيدج...
- غير مريضة..
- اي اعرف ياعيني قابل مخليتهه للكشخة...
شبيج حبيبي..؟
- بشار انت كلش كلش قاسي..
ولا عبالك اني حبيبتك..وخطيبتك
- انتي روحي والمعتب هوة المحب..
يبعد العمر...
ليلى مااتحمل يشوف اصبعج هذا الاسمة صلاح والله لو بيدي امحي...وامحي طارية...
اخذت نفس.- وشعلية بي؟؟..
انسا طلعة من حياتنا.. كلتها وكلبي وجعني...
مااعرف شبية..!!!!
- انشالله
- بشار ترى اني مو مريضة...
- شنوو!!؟...
ضحكت - والله هاي فكرة اساور...
كالت حتى يردلج وفعلا بس شفتها رديت فديتك وفديتها...
- لااا يعني مبيج شي...
- ياا وليش كلت لااا متكيف..!
تريدني اتمرض...
- هههههه اروح فدوة اني والله
اشاقة شبيج..والله كلبي انخمط من شفتج...
مشتاقلج وربج هووواية..
- مبينن هوووواية..
- ههههه مطورة ام لسان...
- تعال بيشو والله اني مشتاقة اكثر...
- لاا لا ولج انوب بيشو...
ومشاقة...هواية والله راح اموت عليج..
يول والله لو مو بدوام هسة اجي..
- شوكت رحت ؟؟..
- قبل اربع ايام انشالله تلث ايام وتشوفيني يمج....
- انشالله ...
سولفنا شوية ونزلت جوة...
لكيت بيبي وامي وحسن كَاعدين...
وعالكَين الصوبة...
وبيبي لابسة جاكيتين وبطانية عليها وصوبة
كهربائية ونفطية...
حتى اني اختنكت...
كتلهم - هاي شنو بيبي عزة والله ناار...
- ولج ليلة وين الحر شو اني دارعد من البرد..
اخخ يليلة جنت بشابي حتى ثوب شتة ماللبس كلة نص ردن...
ضحك حسن الي جان ضاربلة صفنة...
- بيبي ومطلعة زنودج متستحين
جدي مجان يغار عليج...
- ولك حسن يالباير لو بيك خير جان مضليت يمي كَاعد محد ديقبل بيك
طبعاً يغار علية بس دنطيك مثال...
- هاي اني الباير...دهاج لعد
وطلع من جيبة ورقتين...بيهن ارقام
- شفتي هاي ارقام البنات...
- مشوفك اليوم مسودن
ليكون صدكِت نفسك
هسة وحدتهن تطلع زركة..
- لا والله شلتي غيبتهن
غير ياخذن العقل... اروح اخابرهن احسلي..ولو مدايلحكهن سرة...
اني متت ضحك عزة والله حسن طالعة عينة عبالي عاقل مو مال هلسوالف...

قبل ميطلع كال ليلى ستكان جاي...
رحت سويتلة ووديته ...
وكَعدت يم بيبي...تمددت على رجلها...
وتدكَ على ضهري...
ماما كَالت- ليلى شكد متكبرين
تحبين تنامين هيج...
ابتسمت- احلى نومة اعصابي ترخى..
- ولج متحبيني بكَد متحبين بيبيتج
بيبي- عابت هلخلقة...
على ليلة لحكتيني لان تحبني تغارين...
ماما حجتهه بشقة وبيبي نهدت بيهه...
ضحكت عليهن...
ومااحس الة واني نايمة...
كعدت على صوت بيبي تسبح..
وتستغفر..
باوعت الساعه ب ٧...
كمت صبحت عليهه.. جانت مشغلة التلفزيون.
رحت غسلت وجي...
خليت الجاي ع الطباخ...
اول مرة اكعد من وكت...
بعدها صعدت للغرفة... مبايلي كومة بي مكالمات من بشار...
ورسائل ...
كلت اخاف نايم بس دزيت رسالة
- حبيبي صباح الخير اسفة البارحة مجان المبايل يمي...
وعفته ورحت اكمل الريوك بين ميكعدون..
بعدين ماما كعدت كالت شنو هل النشاط...
- هلو ماماتي... اي شبعت نوم..
كعدوا كلهم وكلمن راح على شغلة...
واحنا هم كمنا على شغلنا...
اباوع على حسن بس يدخن..
حتى اكلة قليل!..
وبس يتصفن...
عرفت اخوية واكَع..بالحب.... ومادراك مالحب...