..
بيد قلبي.....
أماني محمد
اباوع ع الجهال ضايجين محبوسين
خابرت بشار
- هلو بشار شلونك
- الحمدلله حبيبتي وانتي الجهال امي
- الحمدلله كلنا بخير شلونك بهل البرد ؟..
- تموتتت ثلج ثلج ...
- اويلي ياعيني دكعد هنا شتسوي بهل البرد
- ليلى نضل نعيد جهال ٣ ياعمري يردون ...
- اي بس سلامتك اهم والله مثنى كال موجود شغل بمولات ....
- متوكل خبز كل يوم....شخبارج يول مشتاقلج ...
اخذت نفس وزفرته- امم واني هم
اكلك اريد اروح لاهلي واخذ الجهال
- لأ ليلى يتعبوج ....!!
- لأ عادي والله اشوفهم ضايجين كلش ...
- ماشي بكيفج حبيبي ديري بالج عليهم وعلى نفسج
ومن اجي تتفرغيلي مو مثل كل مره جهال وجهال...
وضحك ....
- يلة بااااي....
كملت الغده وصبيت جتي مرت حمايه هم ويايه
واجتمعنا كلنا وخواته ٢ هم جني ع الغده ...
اباوع مكانه فارغ .....كلبي نار علية بمنطقه كلش بعيده متعين.....
بعد الغده وسوالف كمنا ع الماعين
اباوع على نسرين اخت بشار ورجلها
شلون حلوين يالله ينكرطون
الرومانسيه عدهم فوول ...
وياها وياها وهيه هم ....
ابتسمت ورجعني الحنين لبعييييد ...
كلت بكلبي ...ربي يحفضكم وميفرقكم شي ....
بدلت الهم بارده مو مال سبح ...
ولبستهم القماصل.....
جتي سياره اخذتنا بشار كايل الهم.... .
الطريق كلش بعيد نامو بسيارة واني ضليت صافنه من الشباك ع الشارع .....
يالله شكد تغيرت حياتي ....
وين جنت ووين صرت ...
ياريت ارجع ليلى القديمه المتعارف بس تلبس وتتدلل على أهلها البنيه المدلله بالبيت .....
صحتني من شرودي منى...
لازمه ثوبي وأنشر بايدها الثانيه على ثوبها
باوعت عليه بي شويه مي وهيه تتخبل من يصير على ملابسها مي ....
مبرطمه وتباوع على ثوبها - حبيبتي من نوصل ابدللج
- ما اليد هثه(اريد هسه ) ...
وكامت تبجي ....أووف تذكرني بنفسي من اعاند ويه اهلي ....
بدلتلها بلسياره.....
اباوع البقيه نايمين ...
فاتت السياره من يم بيت عمي....
اباوع ع الباب وكلبي خفق حييل ...
غمضت عيوني حيل ...فجأة وكف السياره ..
- ليش وكفت عمو ؟؟..
- اخوج مثنى هياته
باوعت من الجامه مثنى ورائد وصلاح ....بالباب ...
بلعت ريكي بصعوبه....
ونزلت اسلم عليهم ....
جلبت بيه مريم شلتها ويايه
- سلام عليكم ....وباوعت على مثنى
ردوا بس رائد ومثنى...
بوسني مثنى وأخذ منى من ايدي ....
رائد - والله زين شفناج عمي صار شهرين ماكو
- هه اي مو مو الجهال هوايه وكليه...وطريق بعيد
عمو شلونه كلكم ؟؟؟..ياربي ليش دارجف!!...
- والله بخير متدرين صرتي عمه ...
باوعت على مثنى يعدل بياخته ضحكت
- والله صرت اب الف مبروك يعمري
اسو شلونها اووي خطيه ...
- ههههه امشي ولج شبيه مو بعينج ...
دخلي بيت عمي هسه ...
- ليش هنا ؟؟
- ولج امي وين تكدرلها....
كتله - هااا ...
لااردايا راحت عيني على صلاح....
صارت عيني بعينه ....
شايل جكارته بايده ويباوع من فوك ليجوه
مقلص عيونه
بالله شكد متغير .....مثنى كال يله ام اللول
فوتي كلنا هنا بس حسن بالشغل
ويباوع على صلاح بنضرات كره ...
- اي بس اجيب الجهال ...
- لأ دخلي اني اجيبهم ..
- لعد انطيني منى ....
اخذتها وفتت من يم صلاح مبتعد عن الطريق
رحت من غير جهه هذا شبي ليش هيج صافن
عزه محرك لا ايد ولا رجل ....!!
