للكاتبة حويوة ❤️
سند : قمت عيوني فوق وشفتلككم خلقة طرف أغبر كانت مقعمزه علي الروشن عيونها سود من سواد الليل وبييضه لين الدم بيطلع منها نحس فيه 😂😂 وشعرها اسود واني كيف بديت نتامل فيها خشت تجري وكأنها خايفه من حد 🤨
......
رغد : اني كيف بديت نتامل فيه خفت يخش عادل فخشيت نجري
ملك : هلا ريمو
ريم ؛ أهلين حبي كيف حالك
ملك :الحمد لله وانتي
ريم : الحمد لله وين مرت بوك
ملك :قصدك رغد 😒 تو أناديها
ملك : رغوووده رورو
رغد : نعم
ملك :تعالي هدرزي جتنا ريم
رغد : جايه هي
ونزلت رغد لي ريم وملك وقعمزوا يهدرزوا مع بعض طبعا ملك ورغد عمرهم 21سنه أما ريم فكان عمرها 18 سنه
......
سند مشي لي صحابه
سند :هااي 😂😂
حمزه : عليكم ألهاي 😂😂
قيس : الناس تقول صباح الخير يا حمار 😒
سند : سيم تو سيم وخيرك حاط السوده علي البيضه علي صباحات ربي
قيس : رفدوني من الخدمة 😂😂😂
سند ؛ تي عادي شن اول مره هيا لأكن قولي شن درت هادي المره 🤨
قيس: سمعت واحد يهدرز مع حبيبته توقع شن قال
سند : شني وانت ديما تلوح في وذانك مع الناس
قيس : قاللها انه معش يقدر يكمل معاها وأنه لازم ينفصلوا
سند :ايياه وانت شن دخلك بهذا كله
قيس :ماهو مشيت نجري بننقذ الموقف. قتلها عادي ميقعدش قلبك فاضي اني موجود ناض سبع البرمبا قال انه كان يبصر ويختبر في حبه 😭😂
وخشينا في بعض 😂😂
فاجئ صاحب المطعم وطردني 😂😂
سند وحمزة 😂😂😂😂😂
سند : معش تدخل في الناس ديما نقولك
قيس :منقدرش الفضول يقتلني 😂
( طبعا قيس وحمزة وسند صحاب من أيام التانوي لي توا عمرهم 27 قيس عيلته متوفيه عايش بروحه وحالته الماديه متأزمه هلبا وكل ما يحصل خدمه يطردوه بسبب تدخله الزايد في الناس أما حمزه فحالته كويسه وعايش مع أمه وبوه معنداش خوات وعنده زوز خوت عايشين في منطقه بعيده عليهم)
......
نرجعوا للبنات
ملك :هههههه اي والله كنت ديما نحصل في خبطات منه
رغد :هههه بكل الأستاذ هذا
ريم : الحمد لله هادي اخر سنه ليا في التانوي بس والله ياريت قريت في التانويه اللي قريتوا فيها انتم
ملك :لالا تفكيتي منها راه فقررر
رغد : كان حلمي نكمل قرايتي ونحقق حلم ماما ونكون دكتورة 😔
ريم: اسفه بس خيرك مكملتيش
رغد : بعد ما توفت ماما اني كيف كملت التانوي وبابا قرر ان نوقف 💔
ريم: عادي يا عمري مش مشكله
ملك : حييييييي
ريم ورغد :خيرك 😱
ملك :نسيت نحط الغدي علي النار 😂😂
رغد : خزي عليك خلعتينا
(تسريع الوقت )
مشي اليوم عادي وروح عادل وطططول ركب لي حوشه ولا كأن بنت خوه موجوده
ريم :كيف جايه بتطلع تسلم ركب جري وهي انحرررجتتت
ملك : ااه ريمو حبيبتي اني اسفه امم 😓
ريم : عادي ولا يهمك يا قلبي
رغد : اني بنركب بنات
ريم وملك : بسلامه ❤️
ركبت رغد
وجي سند روح بي ريم 🤷🏻♀️
........
في حوش عائلة سند
هنية : وشن حال مرته
ريم : تهبببل يا ماما كان تشوفيها
هنية : لا نشوفها ولا تشوفي
سند:: علاش امي غظيتي بصرك علي النساوين تشوفي في رجالة بس 😂😂😂😂
ريم😂😂😂
هنية : تحشم يا فرخ خزي علي هالرباية
سند : ( خلي نسألها علي الطرف بالك تزبطها ونبص منها الرقم 😂😂) قوليلي ريم لما وصلتك شفت بنت مقعمزه في الروشن هادي ملك كبرت وولت هكي ما شاء الله
ريم : فوق ولا لوطه
سند : فوق
ريم : ااه لالا هادي رغد مرت عمك
سند :شنوووو مررررته 😱.........يتبع
للكاتبة حويوة ❤️
