قلبي الاناني

البارت الاول

لبس لبس رياضي تيشيرت زيتوني مع بنطلون رمادي كان طالع صوب الجم  دايم يحب  يجتمع مع ربعه ف الجم ويقعدون ف الكوفي شوب الي ف الجم كانوا قاعدين طول الوقت سوالف عن الشغل والدراسه وعن مواقفهم وياغيرهم ناصر: يلا ياحلووين انا رايح
عبدالله: على وين نصور تونا الا قاعدين
ناصر : عندي شغل شوي
عبدالله حس انه فيه شي: امممم عيل انا ياي عندك
احمد : لاوالله انته وياه  بتودرونا يعني بروحنا انا ورشود
عبدالله: والله يا اخ احمد اظن يعني اني ياي بلا سيارة من بيوصلني البيت غير ربيعك ناصر هو الي يايبني
ناصر راح وهو ساكت ولحقه عبدالله ع طول وهو راكب : نصور شفيك سحبت علي
ناصر بدون نفس : مافيني شي مب ساحب عليك
عبدالله : لاجد !!مب امبين ابداً انه مافيك شي شفيك تكلم
ناصر ببرود: اختي الريم اليوم ياية من السفر
عبدالله مستغرب: وخير يعني المفروض تستانس انها ياية مب جي منفس
ناصر:صح كلامك بس هاي تراها خبله وفوق هاكله بتسوي مشاكل ف ييتها احين رايح اييبها من المطار الله يعينا انا وخالد عليها ، والله متحملينها واايد بصراحه توها مطلعه من المصحة عبود بيني وبينك ماتخبر حد
عبدالله : لا حشا سرك ف بير ياخوي الا بقولك احين بتييبها عيل بسير عندك
ناصر: صدق، عيل بتسوي خير ماريد اتفشل بروحي
عبدالله : ههههه الله يهديك هاي اختك المفروض ماتقول جي
ناصر : لاوالله عيل اخليها ع حركاتها الهبله انته لو تجوف الي اجوفه تقول بس ماريد خوات ف حياتي تخليك تكره العيشه الي عايشنها والعيشه الي مترسنها ف بطنك
عبدالله: عاد تصدق شوقتني اجوف اختك هاي
ناصر بطرف عينه: عاد صدق يالس اقولك عن خبالها بس هاي اختي اغار عليها فأحترم نفسك ها
عبدالله: توك اختي واختي شو ياك
ناصر : هههه هاي اختي الصغيره احبها واااايد بس الي خايف منه مشاكلها عاد تصدق ريموه اطيح الطير من السما
عبدالله: ع كلامك ها جنها حرمتك مب اختك
ناصر: اهنيه زوتها اسكت احسلك 
عبدالله :هههههه اسف اسف حقك علينا

قعدوا يسولفون لييين وصلوا قريب المطار

عبدالله :اقولك نصور ع قولة امي اصطف يدام عبيد جي وين اروم امشي وانت صافلي وراء
ناصر:هههههه ماعندك سالفه والله عاد تقعد تعييب ع خالتي ويا ويهك
عبدالله : تراها امي قبل لاتصير خالتك بعد ياليتها تصيرلك الا هي ام ربيعك
ناصر : بس عاد بس مب وقت الغرور انزل بس انزل
عدالله: حاضر طويل العمر بس غروري بخليه  لك ولغيرك

                   بعد مانزلوا من السيارة دخلوا يتريون الآنسة الريم

تمشي ولا هامها شي  ولا مسويه اهتمام ولا قاعده تلفت انظار الناس الي حولها تمشي بكل ثقل ورزانه  ف ايدها كتابها المفضل (قصة حب) لين انتبهلها ناصر قعدي يلوح بأيده و اما عبدالله كان ملتهي ع الفون  وصلت عندهم : سلام عليكم!
ناصر :مابغيتي  لا صدق ريموه  تبين تباتين ف المطار ولا الطياره؟؟
الريم بتعب : اوهو يدي ويدتي مطرشيني عشان تقذيني ولا عشان اعيش عندكم ابا افهم عاد فهمني؟؟؟
ناصر : تحركي جدامي بس . بعد لحظات انتبه انه عبدالله ملتهي ب التلفون : عبيد يلا حرك  ويأشر بيده انه اخته راحت السياره
عبدالله كان يهز براسه انه اوكي ياي . خلص عبدالله من تلفونه وراح السياره  : سلام. عليكم
ناصر والريم :وعليكم السلام
ناصر : انته شسالفتك ويا التأخير هذا ؟؟!
عبدالله: سكت ابويه قاذني يباني اخد بنت اخوه انا ماباها  غصب يباني اخذها مايكفي الي سوته حرمة اخوه المصون ف امي
ناصر : شعليك منه طاف
عبدالله : سوينا طاف طنشنا بس ياخوك حاطني ف مخه غصب طيب اخذها هااتفاق بين عمي واخوه المصون
ناصر:هههههه من يايبنها هالكلمه المصون
عبدالله : في حد غير امي فديتها
الريم: عادي ادخل ؟؟
ناصر:مايخصج لا تتدخلين
الريم: لو سمحت ناصر ماكلمتك ممكن تسكت؟؟
ناصر :تسكتين منو وياويهج انتي
الريم طنشته :  لوسمحت يالي ماعرف اسمك. عادي ادخل
عبدالله: لا مشكوره
الريم بغير مباشر: اصلاً دامني غريبه ليش اخرب حياتكم انا واخوي دوم نتجادل بس هو يسوي اشياء انا ماتعيبني  اسير اعطيه ف ويهه مااسكت حتى لوشي انا ماباه ولاشي مضايجني مب مجبوره انفذ الشي الي هو طلبه
ناصر : يااسلااممم منو من خوانج؟
الريم: انته طبعاً لانه خالد  يحترمني ويعزني ويعطيني فلوس انته 100درهم ماعطيتني كله 5دراهم زطي واحد
ناصر: كيفي زطي انتي 5وايد عليج تبين 100
الريم:سوق سوق بس 
عبدالله طول الوقت يضحك ع ناصر وناصر يدحر الريم بنضراته عشان تسكت طبعاً الريم راديو حلجها يصير اذا ييابت طاري شي
وصلوا عند بيت عبدالله : يلا نصور مع السلامة
ناصر : يلا اجوفك ع خير .  وهو يبا يدخل البيت مايدري ليش فجأة تذكر كلام الريم عن اخوها ناصر  بدا شوي يستوعب شقصدها بهالكلام
دخل البيت جافه ظلام ومحد واعي  دخل على امه جافها نايمه راح عدالها شوي شوي بدون ماتحس عليه باسها ع راسهاوقعد يطالع بالوايرات الموصوله عليها  تغيرت نفسيته بعد هالمنظر جنه قاعد يحس بطعنة سيف دخل من قلبه وطلع من ظهرة   ماينسى الشي الي سواه  ابوه واخوه وحرمة اخوه ف امه المسكينه راح الحجرة ينام  الا وبدخلة اخته شهد:عباد انته متى ييت؟
عبدالله: توني ياي  شوتبين ؟
شهد :امممم ابا اسير بيت ابويه
عبدالله بأستغراب : حق شو؟ احين؟؟!!
شهد :شسوي  ملل انته ليل نهار برع وانا ف البيت بروحي تعبت
عبدالله:ومالقيتي غير ابوج وزوجته الي مايتسمون هم وعيالهم هاذيل الي خاقين ع عمارهم ومايعرفون مستواهم
شهد:اوووهوو ترا ملييت من تخرجت وانا ف البيت تعبت
عبدالله: تصدقين ربيعي ناصر عنده اخت اسمها الريم  توها متخرجه بعد يايه هنيه تعيش عند خوانها
شهد : هي حلوه؟
عبدالله :هييه حلوه  شعرها بني فاتح ماييل للعسلي وطوييل وكثييف. وايد ماشالله
شهد :يسسس اوكي باجر بسير عندك اوكي
عبدالله:هههه اوكي يلا روحي نامي انا تعبان
راحت شهد حجرتها تنام  ورقد عبدالله بعد التفكير  ف امه  وخواته اخته الي عرست  بعدها للحين ماييت تزورهم واكثر شي شهد الي الكل ودرها بعد سالفة امها وابوها  .

      راحت فوق من التعب تبا تنام حصلت حجرتها مرتبه وانه كل شي كانت تتمناه ف حجرتها  صار جاهز ستانست وايد  انسدحت ع كرفايتها ونامت  وماحست بنفسها الا وهي نايمه دخل اخوها خالد:ريوم ريومتي  ؟ هههه نامت بدون ماتتلحف راح يابلها من الكبت برنوص خفيف ولحفها 
نزلت تحت جاف ناصر يتعشى: اختك تعشت؟!
ناصر بخوف : بسم الله قول شي سوي حركه عشان احس بوجود حد
خالد : ليش تخاف؟؟
ناصر وحلجه كله اكل :يعني الواحد مندمج ف شي تيي تخرعه خبله انته شو
خالد:ابلع العافيه وانته ساكت
خالد راح حجرته ناصر قاعد ع التلفون ويتعشى  تقريباً لين الساعه 4الفير عقبها راح ينام