""بسم الله الرحمن الرحيم""
السلام عليكم النشر فقط اليوم واحتمال باجر مانزل بارت بعد حسب وقتي وراح نرجع للنشر الاسبوعي يعني گل خميس بارت فقط لأن وقت معندي دوامي گل الاسبوع ماعدا الجمعه عطله لأن بكلوريا ضاغطين علينه تحملوني حبايب قلبي مو بيدي شي گووومه ضعوطات علينه💔😔
#حكايه_رسل
البارت الخامس
بقلمي #زهراء_حسناوي
رسل..انتبهت لمرأءة گبيره ومعاها بنتين الاولى تقريبا عمرها بل20 والخ بل30 او اگبر
عرفني عنهن الشيخ گلي هاي ام صگر وهاي زوجه نمر وهاي كوثر اخت صگر اجيت سلمت على المرأءة الگبيره وبوست ايدها وراسها ومن اجيت اسلم على زوجه نمر نترت بيه
نهاد..هيي انتي الي بسببج ابني بين الحياة والموت
رسل..بسرها ايبااخ شگد ابنج مايع اني اطيح من الطابق الخامس گلشي مابيه وهذا بجم راجدي
داخل بغيبوبه هههه من همداااك🙌 لكن اني مالي ذنب وحتى را..
نهاد..شنو مالج ذنب بسبب اخوج ابني جاي يموت
الحجيه..نهاد گافي البنيه تگلج مالها ذنب ترى ابنج سوالفه مگسره
نهاد..خاله انتي من يومج تگرهيني وتگرهين اولادي
كوثر..عيني نهاد ميصير تحجين هيج وي امي
نهاد..لا بلا لازم افرشلها الفراش الملگي واجيبلها خدم لهلفصليه
كوثر..اكلها لاتحجين هيج وي امي تگلبها علبنت شبيج يابه عقلج ضرب
نهاد..خاله سگتي بتج لسانها مال گص
الحجيه..يمه كوثر عوفج من هاي البومه اخذي البنيه لغرفتها
كوثر..تعالي حبيبتي لتخافين اعتبريني مثل اختچ
رسل..تسلمين غلاي
كوثر..ولو ي معرفت اسمج
رسل..اسمي رسل
كوثر..تشرفت واني كوثر شگد عمرج
رسل..راح ادخل بل18
كوثر..اها اني عمري 20
رسل..ههه اگبر مني بسنتين
كوثر..مو هواي يلا عيني هاي غرفتج اني رايحه محتاجه شي
رسل..لا بس سلامتج
كوثر..مع سلامه حبيبتي
رسل..الله وياج
بعد مطلعت كوثر ضليت اباوع للغرفه گبيره وبيها صحيات تصميها ترگي حتى هي ترگيه اباوع علتحفيات يجنن واگو يم الگنتور مجسم برج ايڤل يماا هذا عشقي اباوع صور شاب وجهه مرا ضاحگ ومرا مغندب بس لا هذا صگر يبووو مأگلگم مواصفاته گاتبتگم راح تجيبلگم صور الابطال وانتم حگمو ياهو الحيلو ياهو المو حيلو اذا گاتبتنه جنها نوتيلا جا احنه شنو بسوالفها واسلوبها يماا شگد احب خفه دمها المهم😋
خذيت جوله حول العالم قصدي حول الغرفه حمامها بوياي يجنن بيه باليو(مدري شسمه نسيته😁)
واباوع المرايه ويمها الحبشگلات صابون والخ... بعدها طلعت رتبت غراضي بلگنتور وغيرت ملابسي
ولفيت الشال وگعدت علگرويته(قنفه)گنت قلقه على امي واخواني أگيد هسه رائد مقهور وجاي يلوم بنفسه واگيد امي راح تتمرض لأن طول هليومين وهي تبجي وابوي مجاي يروح منظره من امني عند الشيخ اباوعله يمسح بدموعه اااخ مستقبلي راح گله فداء لأخوي اريده يضل لعائلته #زوزو👑
.
.
.
.
صگر..رجعت للبيت بعد مخلصت شغلتي بلديوان جنت دوم اطلع وي ابوي اگثر من نمر لأن ابوي
يحب ياخذ رئي لأن عمري مضلمت احد اقرر قرارت ترضي الطرفين وماحب اگسر گلب شخص
نمر عگسي ظالم قرارته دائما تكون خاطئه وتأذي المقابل ابد ميحب يصلح بين شخصين لا وانما يحرگ
بينهم بعد گم يوم واروح لبغداد لأن الاحازة راح تخلص واني طالب حتى اخبار قيصر انقطعت صارلها
تقريبا سبوع من صارت هلأطلابه طلبت اجازة 10ايام جا شبيدي المشاگل متخلص مطول نمر مساند اولاده على اغلاطهم شنو ذنب هلبنت ضاع مستقبلها لكن اني مراح اخليها تتحسر على مستقبلها لا اخليها اداوم حالها من حال اختي كوثر ان قبلو او لا اني زوجها وحر بتصرفاتي رجعت للبيت صعدت لغرفتي
شفتها نايمه علگرويته جانت لابسه شال غطيتها بلجرجف ورحت تمددت علجربايه س2 راسل قيصر
قيصر..ضلع وين صفى بيگ الدهر ميت عدل
صگر..عدل ليش اخبارگ منقطعه
قيصر..جنت مسافر بلمريخ انت ليش متسأل عليه
صگر..اها ههه نسيتگ شسوي
قيصر..لا بلا وليش تنسى صديقگ
صگر..اووو صارت گوومه شغلات
قيصر..انطيني منهن گم شغله
صگر..خاب لا احجي منا لباجر ميخلصن
قيصر..شيالفه شغلات لا قنابل ذريه هههه
صگر..گلت گلمه انفجار حتى جبت قنابل هاا
قيصر..صگوري گول يابعد اخيگ
صگر..________!!حجه گلشي جا قابل اعيد الحجي الي صار بلبارتات السابقه ماليش خلگ ههه!!
قيصر..خرب انه وعشيرتها گل هذا صاير بيگ واني مأدري
صگر..اي شأخذتو مأخذتو
قيصر..يووو من انطيگ السجلات يصير عندگ تگسر بلعمود الفقري
صگر..جا شگد فايتني
قيصر..ايباااخ جا ماتداوم شمنتظر
صگر..يمعود بعد كم يوم واداوم
قيصر..مع سلامه وها سلملي على زوجتگ ههه
صگر..منعول يلا مع سلامه
.
.
.
.
رسل..صار ثاني يوم گعدت رتبت الغرفه ورحت اساعدهم بلشغل نضفت المطبخ والصاله والديوانيه والخ....گانت گوثر تساعدني لكن نهاد بس تشمر عليه بلگلام الجارح اذتني بأسلوبها وياي
بعدها سوينه الريوگ اني ونهاد الشي الصعب شمرته عليه هي سوت بس الجاي والبيض واني
گليت الكباب والطماطه حتى نجويت لان اول مرى اگلي بلبيت مدلله گله امي تسويه خلص الريوگ
ورتبناه علطاوله من ردت اگعد وياهن عاطت بيه نهاد لكن سگتها...
نهاد..هيي انتي متگعدين ويانه مگانج المطبخ وتاگلين بقايه الاگل
الشيخ..ومنو حضرتچ حتى تگومين البنت من الاگل
نهاد..ام الشاب الي بسببها بين الحياة والموت
صگر..ذبحتينه بأبنج المايع اگلي والصمي
نمر..صگر احترم زوجتي مو علمود خلگ ف..
صگر..وهلفصليه عدها اسم رسل وغصب عليگ وعلى المدام تگعد تاگل ويانه
نمر..صگر لاتخليني اطيح حضگ
الشيخ..نمررر اگعد ولاتگمز مثل القرد گافيگ مشاگل
نمر..اني مسوي مشاگل
فهد..لا جدي السابع عشر لگ مرا خلينه ناگل مثل الاوادم
گوثر..بسبب البومه تطلع الاگل علينه سم
الشيخ..گافي ويلا اگلو بلا لغوة زايده
صگر..بويه اريد رسل........
.
.
.
.
تتبع
توقعاتگم؟؟؟
اوقات ممتعه😍😍
الي يگول قصير ادجه وادج روحي😒
الگلمات 870
