خو اني ضاله بصدمه لمن شفت فيصل كال البابا جبت هديه لريان بمناسبت عيد ميلادها
يعني اغلبكم يكول عادي بس ترا اني نصدمت لان اول مرا منه هوه بذات وشلون عرف عيدميلادي
بابا صاحني
بابا:ريان ريان بتي تعااي........
ريان:نعم بابا
بابا:فيصل جبلج هديه بمناسبه عيد ميلادج .
ريان:ياا ليش عذبت روحك شكرا بس ماريد.
باوعت ع فيصل لمن كملت الحجي ويرجعت دنكت راسي وجان فيصل يكوم اني كلت ياا شكو ليش كام بس كلتها بكلبي ....
فيصل :ريان لخاطري اخذيها
عد فيصل.... اني بوكتها باوعت ع ريان وكلي امل تقبلها
بس لمن وكفت يمها وباوعت بعيوني انصدمت بس ردت يوكف الزمن بس نضرتها كلش سريعه
(ملاحضه :كتلكم ابو فيصل ميت صح بس هذا زوج أمه وكلش حبابا وفيصل هم يحبه ويقدره)
ريان:يي حاخذها شكرا تعبتك وياي
فيصل:ادللي
عد ريان
اني صدمني حجيه لمن كال لخاطري كلت هسه شيكولون لكاعدين وأخذت الهديه ورحت .
طبعا رحت اريد افتح الهديه بس كلت لا شنو مشايفه هيه هديه عود بعدين اشوفها .
رحت ساعدت ماما بلعشه وكملنه بس كل هذا وحاول اتجاهله وماباوع عليه بس جنت اتمنه اضل ساعات اباوع عليه هففف
بس والله راح احتفض بلهديه طولل عمري
وبعد فترة راحوا لبيتهم واني جنت كلش تعبانه رحت سبحت ونمت لان عدي دوام باجر ... اليوم الصبح بابا كعد ويانه لان عده شغل مدري وين ....
بابا: ماسويلج خط احسلج
ريان:اي والله بابا رجليه تكسرا
بابا:يي هسه اخابره واكله من اليوم تعال
ريان:اني صار عدي فضول منو بس محبيت اسؤل .
كملت ريوك وأخذت المي(الماء) ورحت انتضر ابو الخط بلباب
اجت سياره بي ام اني فتحت حلكي كلت اني ابو الخط ماتي هيج سياره هنيالي
وكف ابو الخط وفتح الجامه اني هنا رادت صير بيه سكته قلبيه اربط لساني معرفت شحجي
........هلا حبايبي وهنا خلص البارت الثالث شنو رئيكم بلقصه
عجبتكم يبعد بيتي❤️ ....
يي شتتوقعون منو ابو الخط🙂✨
